ក្នុង ១ ខែធ្នូ ឆ្នាំ ២០២១ សមត្ថកិច្ចបង្ក្រាបគ្រឿងញៀន បានជិត ៣ តោន

សមត្ថកិច្ចជំនាញ នៃមន្ទីរប្រឆាំងបទល្មើសគ្រឿងញៀន បង្ក្រាបបទល្មើសគ្រឿងញៀនជិត ៧០០ ករណី ចាប់យកវត្ថុតាង ថ្នាំញៀនជិត ៣ តោន កាលពីអំឡុង ខែធ្នូ ឆ្នាំ ២០២១។

យោងតាម​ប្រភពព័ត៌មាន​ពី​សមត្ថកិច្ច​ជំនាញ នៃ​មន្ទីរ​ប្រឆាំង​បទល្មើស​គ្រឿងញៀន អគ្គស្នងការដ្ឋាន​នគ​របាល​ជាតិ ក្រសួងមហាផ្ទៃ ប្រាប់​ឲ្យ​ដឹងថា លទ្ធផល​អនុវត្តន៍​ច្បាប់​ប្រឆាំង​បទល្មើស​គ្រឿងញៀន កាលពី​ខែធ្នូ ឆ្នាំ ២០២១ សរុប 671 ​ករណី ឃាត់​មនុស្ស 1662​ នាក់ ស្រី 85 ​នាក់ (​ជនបរទេស 36​ នាក់ ស្រី 2​ នាក់ មាន 4​ សញ្ជាតិ​) ។ ក្នុងនោះ​ ជួញដូររក្សាទុក ចាត់ចែង 457 ​ករណី ឃាត់ 941​ នាក់ (​ស្រី 57 ​នាក់​) និង ប្រើប្រាស់ 210​ ករណី ឃាត់ 709 ​នាក់ (​ស្រី 28 ​នាក់​) ។

អនុវត្ដ​ដីកា​៖ 37​ ដីកា ឃាត់ 40​ នាក់ ចាប់យក​វត្ថុតាង​សារធាតុ​ញៀន​គ្រប់​ប្រភេទ 2tone និង​ជាង​ 765kg កញ្ឆា​ស្ងួត 393g ដើម កញ្ឆា​ស្រស់ 973 ​ដើម សារធាតុ​ផ្សំ​គីមី​ជាង 53 tone រថយន្ដ 16​ គ្រឿង​,​ម៉ូតូ 169​ គ្រឿង​,​ទូរស័ព្ទ 664 ​គ្រឿង​,​ជញ្ជីង 49​ គ្រឿង​,​ អាវុធខ្លី 2​ ដើម និង​អាវុធ​វែង 1​ ដើម​។ ដោយឡែក​លទ្ធផល​អនុ​វត្ត​ច្បាប់​ប្រឆាំង​គ្រឿងញៀន​ចាប់ពី​ថ្ងៃទី​០ ១ ខែមករា ដល់​ថ្ងៃទី​ ០៤ ខែមករា ឆ្នាំ ២០២២ សរុប 43​ ករណីឃាត់​មនុស្ស 94​ នាក់ ស្រី 6 នាក់។

ក្នុងនោះ​ជួញដូរ រក្សាទុក កែច្នៃ ចាត់ចែង 31​ ករណី ឃាត់ 56​ នាក់ (​ស្រី 4​ នាក់​) និង​ប្រើប្រាស់ 12​ករណី ឃាត់ 38 ​នាក់ (​ស្រី 2​ នាក់​) វត្ថុតាង​សារធាតុ​ញៀន​គ្រប់​ប្រភេទ ជាង 141,74g, ៕

​អត្ថបទ៖ រ៉ា​វុ​ទ្ធ