សន្តិសុខសង្គម
ឃាត់ខ្លួនកូនសិស្សលោកវត្តកោះ ២ នាក់ ក្រោយរំលោភនារីម្នាក់ ក្នុងបន្ទប់ទឹកកុដិ
កូនសិស្សលោកវត្តកោះ ២ នាក់ ត្រូវបានប៉ូលិសឃាត់ខ្លួនពីបទរំលោភសេពសន្ថវៈក្រោយពីត្រូវរ៉ូវគ្នាបក់ដៃហៅចូលក្នុងបន្ទប់កុដិលោក។
សមត្ថកិច្ចខណ្ឌដូនពេញបានឲ្យដឹងថា ករណីរំលោភសេពសន្ថវៈ ដោយមានស្ថានទម្ងន់ទោសនោះបានកើតឡើងកាលពីថ្ងៃទី ១៧ ខែមករា ឆ្នាំ ២០២២ នៅចំណុចក្នុងវត្តកោះផ្លូវមុន្នីវង្ស កែងផ្លូវ ១៧៨ ភូមិ ៩ សង្កាត់បឹងរាំង ខណ្ឌដូនពេញ រាជធានីភ្នំពេញ(ក្នុងបន្ទប់ទឹកក្រោយកុដិលេខ២)។
សមត្ថកិច្ចបានបន្តទៀតថា ជនរងគ្រោះឈ្មោះស.គ .រ ភេទស្រីអាយុ ១៨ ឆ្នាំ ជនជាតិខ្មែរ មុខរបរសិស្សវិ ទ្យាល័យវត្តកោះ មានទីលំនៅផ្ទះនៅសង្កាត់ផ្សារថ្មី ២ ខណ្ឌដូនពេញ រាជធានីភ្នំពេញ។ ជនសង្ស័យទី១.ឈ្មោះ គា សីហា ភេទប្រុស អាយុ១ ៨ ឆ្នាំ ស្នាក់នៅក្នុងវត្តកោះកុដិលេខ ២ មុខរបរសិស្សលោក, ទី២.ឈ្មោះ ប៉ាត គឹមអ៉ី ភេទប្រុស អាយុ ២២ ឆ្នាំ ស្នាក់នៅក្នុងវត្តកោះកុដិលេខ ២៤ មុខរបរ សិស្សលោក។
ដោយកាលពីថ្ងៃទី ១៧ ខែមករា ឆ្នាំ ២០២២ វេលាម៉ោង ០៧ និង ០០ នាទី ជនរងគ្រោះបានមកលេងមុខកុដិលេខ ២ រហូតដល់ម៉ោង ១៨ និង ០០ នាទី ពេលនោះជនសង្ស័យឈ្មោះ គា សីហា បានប្រាប់ជនរងគ្រោះថា កុំដាក់រូបខ្ញុំក្នុងទូរស័ព្ទអី តែជនរងគ្រោះបានប្រាប់ថា(ខ្ញុំស្រលាញ់បងសីហា)បន្ទាប់មកជនសង្ស័យបានដើរឆ្ពោះទៅបន្ទប់ទឹក មិនទាន់ដល់បន្ទប់ទឹកផង ពេលនោះជនរងគ្រោះបានដើរតាមក្រោយ ដល់បន្ទប់ទឹកជនសង្ស័យឈ្មោះ ប៉ាត គឹមអ៉ី បានបើកទ្វារបន្ទប់ទឹកលើកដៃហៅសីហាឲ្យចូលក្នុងបន្ទប់ទឹក តែពេលនោះជនរងគ្រោះបានដើរចូលទៅមុនត្រូវបានជនសង្ស័យឈ្មោះ ប៉ាត គឹមអ៊ី ចាប់ឪបថើបតែជនរងគ្រោះបានប្រកែកថា អត់ឲ្យបងអ៉ីទេឲ្យតែបងសីហាទេ ពេលឮដូចនេះជនសង្ស័យឈ្មោះសីហា បានដើរទៅផ្សារអូឫស្សីទិញស្រោមអនាម័យមួយតម្លៃ១.០០០៛ត្រលប់មកវិញ បានធ្វើសកម្មភាពរំលោភបានសម្រេច (ដោយជនសង្យ័យឈ្មោះ ប៉ាត គឹមអ៉ី ឈរមើល)ពេលជនសង្ស័យឈ្មោះ សីហា រំលោភហើយដើរចេញ។ ជនសង្ស័យឈ្មោះ ប៉ាត គឹមអ៉ី បានធ្វើសកម្មភាពចាប់ជនរងគ្រោះរំលោភដែរ តែពុំបានសម្រេចទេ ដោយជនរងគ្រោះរើបម្រាស់ ហើយក៏ចេញទៅផ្ទះរៀងៗខ្លួន។
លុះដល់ថ្ងៃទី ២៤ ខែមករា ឆ្នាំ ២០២២ ទើបជនរងគ្រោះនិងម្តាយមកដាក់ពាក្យបណ្តឹងនៅប៉ុស្តិ៍បឹងរាំងចុះទៅឃាត់ជនសង្ស័យបានពីរនាក់មកសាកសួរ។ ក្រោយការសាកសួរជនសង្ស័យទាំងពីរបានសារភាពថា ខ្លួនពិតជាបានធ្វើសកម្មភាពរំលោភបានសម្រេចប្រាកដមែន។ បច្ចុប្បន្នជនសង្ស័យ កំពុងកសាងសំណុំរឿងបញ្ជូនទៅអធិការដ្ឋានបន្តតាមនីតិវិធីច្បាប់៕
អត្ថបទ៖ រស្មី
-
ព័ត៌មានជាតិ១ សប្តាហ៍ agoពលរដ្ឋអាចស្នើប្តូរបណ្ណកម្មសិទ្ធិមានកំហុស ឬ QR Code ស្កេនមិនចេញ បាននៅមន្ទីររៀបចំដែនដី រាជធានីភ្នំពេញ
-
សន្តិសុខសង្គម៧ ថ្ងៃ agoទើបរៀបការ ២ ខែ! នារីម្នាក់ ត្រូវបុរសស្គាល់តាម Facebook បោកមកធ្វើការនៅភ្នំពេញ សម្លាប់ក្នុងផ្ទះសំណាក់ ពេលនេះសមត្ថកិច្ចចាប់បានឃាតកហើយ
-
ព័ត៌មានអន្ដរជាតិ៤ ថ្ងៃ agoថៃ ដាក់ច្បាប់អាជ្ញាសឹក នៅ Narathiwat, បើកដៃ ឲ្យទាហាន មានសិទ្ធបាញ់តាមចិត្ត
-
កីឡា៤ ថ្ងៃ agoក្រុមបាល់ទះកម្ពុជា ទទួលបាន ៦.០៣ ពិន្ទុ នៅក្នុងតារាងពិភពលោក ក្រោយឈ្នះ ហ្វីលីពីន យប់មិញ
-
កីឡា៦ ថ្ងៃ agoយប់នេះជំនួបសំខាន់ ក្រុមបាល់ទះកម្ពុជា ប៉ះ ឥណ្ឌូណេស៊ី ជាការជួបគ្នាលើកទី១១
-
ព័ត៌មានជាតិ៤ ថ្ងៃ agoកម្ពុជា-អាម៉េរិក ឈានដល់ការពិភាក្សាលើនីតិវិធីក្នុងការជ្រើសរើសយោធាកម្ពុជាទៅសិក្សានៅសាលាទ័ពជើងទឹកអាម៉េរិក
-
ព័ត៌មានជាតិ២ ថ្ងៃ agoអ្នកដំណើរជនជាតិបារាំងម្នាក់ អះអាងថា ត្រូវអាជ្ញាធរថៃបដិសេធការចូលប្រទេស និងបញ្ជូនត្រឡប់មកកម្ពុជាវិញ
-
ព័ត៌មានអន្ដរជាតិ៦ ថ្ងៃ agoUN ៖ ជនអន្តោប្រវេសន៍ជិត១៥០នាក់ លង់ទឹកស្លាប់ ពេលទូកអស់ប្រេងកណ្តាលសមុទ្រ នៅអាហ្វ្រិកខាងលិច