សន្តិសុខសង្គម

សមត្ថកិច្ចចម្រុះបន្តបង្ក្រាបបទល្មើសនេសាទ ក្នុងនោះបានចាប់អ្នកទិញត្រីពីបទល្មើសម្នាក់

បានផុស

២ years មុន

នៅ

ថ្ងៃសៅរ៍ ២៦ មីនា ២០២២

ដោយ

កំពង់ឆ្នាំង ៖ សមត្ថកិច្ចចម្រុះ បានសហការគ្នាបន្តបង្ក្រាបបទល្មើសនេសាទនៅក្នុងស្រុកបរិបូណ៌ ស្រុកកំពង់លែង និងស្រុកជលគិរី នៅថ្ងៃ ទី២៦ ខែមីនា ឆ្នាំ២០២២ នេះ ក្នុងនោះបង្ក្រាបបទល្មើសនេសាទដាក់របាំងលបបាន ១៧ កន្លែងមានប្រវែងជាង ១០០០ម៉ែត្រ និងបានចាប់ខ្លួនអ្នកទិញត្រីពីឧបករណ៍ឆក់ត្រជាក់ម្នាក់ ជាជនជាតិវៀត ណាម នៅក្នុងឃុំឆ្នុកទ្រូ ស្រុកបរិបូណ៌ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លី ឡា នាយខណ្ឌរដ្ឋបាលជលផលកំពង់ឆ្នាំង បានបញ្ជាក់ថា ក្រោយពីមានការចង្អុលបង្ហាញពីជនបទល្មើសជាអ្នកឆក់ត្រីត្រជាក់ម្នាក់ដែលសមត្ថកិច្ចចាប់ខ្លួនបាន កាលពី ២ថ្ងៃមុន។ ទើបនៅថ្ងៃទី២៦ ខែមីនា វេលាម៉ោង ១៥ និង៣០ នា ទី នេះសមត្ថកិច្ចចម្រុះបានចាប់ខ្លួនអ្នកទិញត្រីពីបទល្មើស ឆក់ត្រជាក់ឈ្មោះ ហ៊ី ប៊ុនធី ជនជាតិវៀតណាម អាយុ ២៧ ឆ្នាំ ចាប់ខ្លួននៅចំណុចកោះមនោ ក្នុងភូមិឆ្នុកទ្រូ ឃុំឆ្នុក ទ្រូ ស្រុកបរិបូណ៌។

ក្នុងនោះសមត្ថកិច្ចយើង ក៏បានដកហូតត្រីឆ្លាំង ដែលជាប្រភេទត្រីអត់ស្រកា ដែលបានពីការប្រើប្រាស់ឧបករណ៍ឆក់ត្រជាក់ប្រមាណជាង១០០គីឡូ ផងដែរ។ ចំណែក ជនសង្ស័យខាងលើ ត្រូវបានសមត្ថកិច្ចកសាងសំណុំរឿងតាមនីតិវិធី និង ត្រូវបញ្ជូនខ្លួនទៅតុលាការខេត្ត ដើម្បីចាត់ការតាមផ្លូវច្បាប់។

ដោយឡែកលោក ងិន ហ៊ុន ប្រធាន មន្ទីរកសិកម្មរុក្ខាប្រមាញ់ និងនេសា ទខេត្តកំពង់ឆ្នាំងបានឲ្យដឹងថា នៅថ្ងៃទី២៦ ខែមីនា ជាថ្ងៃទី៣ ដែលសមត្ថកិច្ចចម្រុះបន្តអនុវត្តការចុះបង្ក្រាបបទល្មើសនេសាទ គឺមានកម្លាំងចម្រុះចំនួន ៦៧នាក់ ក្នុងនោះមានមន្ទីរកសិកម្មរុក្ខាប្រមាញ់និងនេសាទខេត្ត ១៥ នាក់ , ស្នង ការដ្ឋាននគរ បាលខេត្ត ចំនួន ២៦ នាក់ គណៈបញ្ជាការឯកភាពស្រុកទាំង ៣ ចំនួន ១៧ នាក់ និងសហគមន៍នេសាទ ៩ នាក់។

ដោយបានប្រើប្រាស់កាណូតចំនួន ១៥ គ្រឿង ចែកចេញ ជាបីគោលដៅ បង្ក្រាបបទ ល្មើស នៅក្នុងភូមិសាស្ត្រស្រុកកំពង់លែង ស្រុកជលគីរី និងស្រុកបរិបូណ៌។ ជាលទ្ធផល រុះរើបាំងសាច់អួនបាន ចំនួន១៧ កន្លែង មានប្រវែងដរុប ១១៣០ ម៉ែត្រ , បង្គោល ៧០០ ដើម , លបលូសាច់អូន ៩ គ្រឿង , រុះរើសម្រាស់ ២៦ កន្លែងស្មើ នឹង ១៨៥០ ម៉ែត្រការ៉េ ,បង្គោលចំនួន ៤៧០ ដើម និងមែកសម្រាស់ចំនួន ៣៦០០ មែក ផងដែរ៕

ដោយ ៖ ឈៀងថារិទ្ធ