សន្តិសុខសង្គម
គ្រួសារក្មេងរងគ្រោះ បង្ហោះហ្វេសប៊ុកបាត់កូន២នាក់ តែសមត្ថកិច្ចថា ជាករណីរត់ចេញពីផ្ទះ
កាលពីពេលថ្មីៗគ្រួសារក្មេងរងគ្រោះបាត់កូនហើយបានបង្ហោះហ្វេសបុកថា មានករណីចាប់ក្មេងដាក់ឡាន។ដោយសារឃើញការបង្ហោះបែបនេះកម្លាំងជំនាញនៃស្នងការដ្ឋាននគរបាលខេត្តសៀមរាប បានបើកការស៊ើបអង្គេតយ៉ាងល្អិតល្អន់ ទើបសន្និដ្ឋានថា ជាករណីក្មេងរត់ចេញផ្ទះនោះទេ។
លោកវរសេនីយ៍ឯក លឹម សម្បត្តិ អធិការនគរបាលស្រុកប្រាសាទបាគង បានឲ្យដឹងនៅល្ងាចថ្ងៃទី ១៣ ខែឧសភានេះថា ដោយមានការចង្អុលបង្ហាញពីលោកឧត្តមសេនីយ៍ ស្នងការការខេត្តសៀមរាប ទើបកម្លាំងនគរបាលជំនាញនៃស្រុកប្រាសាទបាគង ចុះស៊ើបអង្កេតករណីនេះយ៉ាងល្អិតល្អន់។
លោកបន្តថា នៅថ្ងៃទី១៣ខែឧសភា២០២២ ដោយបានទទួលពត៌មានពីឈ្មោះប៉ិច សុខេន ភេទស្រីអាយុ៣៦ឆ្នាំ នៅភូមិល្អក់ ឃុំកណ្ដែក ស្រុកប្រាសាទបាគង ខេត្តសៀមរាប ជាម្ដាយក្មេងរងគ្រោះ បានរាយការណ៍ថា ជាទម្លាប់កូនប្រុសទាំង២នាក់ ឈ្មោះហ៊ុន គឹមហេង អាយុ១៤ឆ្នាំ និងឈ្មោះហ៊ុន សុខវិសាល អាយុ៩ឆ្នាំ ម៉ោង៦៖០០នាទីបានចេញទៅរៀននៅសាលាអនុវិទ្យាល័យធ្លកអណ្ដូងស្ថិតក្នុងភូមិធ្លកអណ្ដូង សង្កាត់ស្លរក្រាម ក្រុងសៀមរាប ខេត្តសៀមរាប ហើយតែងតែមកដល់ផ្ទះនៅម៉ោង១២៖៣០នាទី។
លោកបន្ថែមថា លុះនៅថ្ងៃទី១២ខែឧសភា វេលាម៉ោង៦៖០០ កូនរបស់គាត់ទាំង២នាក់បានចេញទៅរៀនតាមទំលាប់ដូចរាល់ដង ដោយឌុបគ្នាជាមួយបងប្អូន ហើយរហូតដល់ម៉ោងជិតមួយថ្ងៃស្រាប់តែមិនឃើញកូនមក គាត់ក៏បានទូរស័ព្ទទៅកូនតែមិនចូល ដោយប្លែកព្រោះរាល់ដងកូនគាត់មិនដែលបិតទូរស័ព្ទទេ ហើយគាត់បានទូរស័ព្ទសួរបងប្អូនថា បានឃើញកូនអត់តែបងប្អូនប្រាប់ថាអត់ឃើញទេ ទើបគាត់និងប្ដីបងប្អូននាំគ្នាដើររកតែដើរកមិនឃើញរហូតមកដល់ថ្ងៃនេះ។
ពាក់ព័ន្ធនឹងករណីនេះដែរលោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែនព្រហ្មទណ្ឌនៃស្នងការដ្ឋាននគរបាលខេត្តសៀមរាប បានឲ្យដឹងនៅព្រឹកថ្ងៃទី១៤នេះថា ដោយឃើញនូវការ បង្ហោះហ្វេសប៊ុកករណីចាប់ដាក់ឡាន កម្លាំងជំនាញនគរបាលខេត្តសៀមរាប បានចុះស៊ើបអង្កេតជាមួយនឹងគ្រួសាររងគ្រោះ ហើយគ្រួសាររងគ្រោះបាននិយាយថា គាត់ផុសហ្វេសប៊ុកបែបនេះគឺដើម្បីយកចំណាប់អារម្មណ៍ដើម្បីឲ្យសមត្ថកិច្ចជួយអន្តរាគមន៍តែប៉ុណ្ណោះ។
លោកបន្តថា ពេលសមត្ថកិច្ចទៅដល់លំនៅដ្ឋានរបស់គ្រួសាររងគ្រោះគេឃើញកូនជ្រូកដែលម្ដាយសន្សំលុយត្រូវបានកូនវាយបំបែកយកលុយអស់ហើយខោអាវរបស់កូនៗក៏បាត់អស់មួយចំនួនផងដែរ។
លោកបន្តទៀតថា ករណីនេះសមត្ថកិច្ចសន្និដ្ឋានថា មិនមែនជាករណីចាប់ក្មេងដាក់ឡាននោះទេអាចជាករណីក្មេងរត់ចេញពីផ្ទះ ព្រោះម្ដាយរបស់ក្មេងតែងតែអប់រំនិងវាយពួកគេជាញឹកញាប់ទើបពួកគេរត់បែបនេះ។
លោកក៏បានសំណូមពរឲ្យមហាជននិងបណ្ដាញសង្គមមេត្តាបញ្ចេញនូវព័ត៌មានដែលពិតកុំបំប៉ោងនាំឲ្យពុលសង្គម។លោកបញ្ជាក់ថា ករណីខាងលើនេះ កម្លាំងនគរបាលជំនាញកំពុងធ្វើការស្រាវជ្រាវដើម្បីស្វែងរកក្មេងទាំងនោះ៕
អត្ថបទ៖ កុសល
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង