សន្តិសុខសង្គម
នៅភ្នំពេញនឹងប្រើប្រាស់កម្លាំងជាង ៤,៦០០នាក់ ដើម្បីការពារសន្តិសុខ សណ្តាប់ធ្នាប់អំឡុងពេលបោះឆ្នោត
ស្នងការដ្ឋាននគរបាលរាជធានីភ្នំពេញ នឹងប្រើប្រាស់កម្លាំងជាង ៤,៦០០នាក់ការពារសន្តិសុខ សណ្តាប់ធ្នាប់ អំឡុងពេលបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី ៥ ដែលនឹងប្រព្រឹត្តទៅនៅថ្ងៃទី ៥ ខែមិថុនា ឆ្នាំ ២០២២ខាងមុខ។
ថ្លែងបើកកិច្ចប្រជុំផ្សព្វផ្សាយ ផែនការការពារសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសម្រាប់ដំណើរការបោះឆ្នោតខាងមុខ កាលពីថ្ងៃទី ២៤ ឧសភា លោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានណែនាំដល់កម្លាំងនគរបាលរាជធានីភ្នំពេញ ត្រូវត្រៀមមធ្យោបាយ សម្ភារៈ និងកម្លាំង ចេញការពារសន្តិសុខ រក្សាសណ្តាប់ធ្នាប់ ជូនប្រជាពលរដ្ឋឲ្យទទួលបានសុខសុវត្ថិភាពល្អ ហើយត្រូវការពារនៅមណ្ឌល និងការិយាល័យបោះឆ្នោត អនុវត្តឲ្យបានត្រឹមត្រូវតាមគោលការណ៍ច្បាប់បោះឆ្នោត គឺជាកម្លាំងបម្រើប្រជាពលរដ្ឋពិតប្រាកដ សុភាពរាបសាមិនមែនជាកម្លាំង ឈរការពារគំរាមកំហែងប្រជាពលរដ្ឋនោះទេ ធ្វើបែបនេះដើម្បីចៀសវាងកុំឲ្យមានការចោទកាន់ មកលើអាជ្ញាធរសមត្ថកិច្ច។
លោកឧត្តមសេនីយ៍ឯក ស ថេតក៏ បានណែនាំកម្លាំងសមត្ថកិច្ច កុំនៅក្បែរប្រជាពលរដ្ឋចូលទៅបោះឆ្នោត ដោយកម្លាំងការពារនៅឲ្យឆ្ងាយពីការិយាល័យបោះឆ្នោត យ៉ាងហោចណាស់ ១៥ម៉ែត្រ។ ចំពោះអ្នកការពារនៅខាងក្នុងទីតាំងបោះឆ្នោត ត្រូវស្លៀកពាក់ឯកសណ្ឋានការងារ ពាក់មួក និងក្រវាត់ក។ ចំណែកកម្លាំងការពារបរិវេណ នៅខាងក្រៅទីតាំងបោះឆ្នោត គឺនៅឲ្យឆ្ងាយយ៉ាងហោចណាស់ ១០០ម៉ែត្រ ដែលស្លៀកពាក់ឯកសណ្ឋានឈុត។
លោកស្នងការនគរបាលរាជធានីភ្នំពេញ បានមានប្រសាសន៍ថា ក្រៅពីកម្លាំងឈរជើងការពារការិយាល័យ និងមណ្ឌលបោះឆ្នោត ក៏ត្រូវត្រៀមរួចជាស្រេចនូវកម្លាំងចេញអន្តរាគមន៍ ដែលត្រូវឈរជើង នៅតាមបណ្តាអធិការដ្ឋាននគរបាលខណ្ឌទាំង ១៤ និងនៅស្នងការដ្ឋាននគរបាលរាជធានីភ្នំពេញ កម្លាំងអន្តរាគមន៍នេះ គឺត្រៀមចេញដោះស្រាយសភាពការណ៍សន្តិសុខ នៅពេលកើតមានហេតុការអ្វីមួយ កើតឡើងនៅពេលបោះឆ្នោត។
គួរបញ្ជាក់ថា នៅក្នុងដំណាក់កាល នៃការបោះឆ្នោតខាងមុខនេះ ស្នងការដ្ឋាននគរបាលរាជធានីភ្នំពេញ នឹងប្រើប្រាស់កម្លាំងជាង ៤,៦០០នាក់។ បើយោងតាមតារាងព័ត៌មាន របស់លេខាធិការដ្ឋានរៀបចំការបោះឆ្នោត រាជធានីភ្នំពេញ គឺមានប្រជាពលរដ្ឋ បានចូលរួមចុះឈ្មោះបោះឆ្នោត មានចំនួន ៨៩៩,៦៨៨នាក់ មានមណ្ឌលបោះឆ្នោត ២៦៥ មណ្ឌល។ ក្នុងនោះ មានការិយាល័យបោះឆ្នោត ២,១៩៧ ការិយាល័យ៕
អត្ថបទ៖ សំអឿន
-
ព័ត៌មានអន្ដរជាតិ២២ ម៉ោង agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា៥ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៤ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
អត្ថាធិប្បាយ៦ ថ្ងៃ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ២ ម៉ោង agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានអន្ដរជាតិ៦ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានជាតិ៣ ថ្ងៃ agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាប ជួយកសិករដាំដុះដំណាំកសិកម្ម
-
ព័ត៌មានអន្ដរជាតិ៥ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត