សន្តិសុខសង្គម

បង្ក្រាបបទល្មើសនេសាទខុសច្បាប់ ក្នុងដែនបឹងទន្លេសាបនៃស្រុកឯកភ្នំ ២ គោលដៅ

បានផុស

៤ years មុន

នៅ

ថ្ងៃសៅរ៍ ៩ កក្កដា ២០២២

ដោយ

ករណីបទល្មើសនេសាទ ចំនួន ០២ គោលដៅក្នុងស្រុកឯកភ្នំ ត្រូវបានបង្ក្រាបកាលពីថ្ងៃទី ០៧ ខែកក្កដា ឆ្នាំ ២០២២ នេះ នៅវេលាម៉ោង ១៣ និង ០០ នាទីធ្វើឡើងស្របតាមបទបញ្ជាពីលោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាល ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយឯក ឡុង យោធាវីរៈ អធិការនគរបាលស្រុកឯកភ្នំ បានឲ្យដឹងថា កិច្ចប្រតិបត្តិការខាងលើនេះ លោកបានដឹកនាំឱ្យកម្លាំងនគរបាលប៉ុស្តិ៍រដ្ឋបាលកោះជីវាំង សហការជាមួយកម្លាំងចម្រុះនៅទីបញ្ជាការ ស្រាលថ្នាក់ខេត្តឈរជើង នៅចំណុចកំពង់ភ្លុក បង្ក្រាបបទល្មើសនេសាទខុសច្បាប់នៅបឹងទន្លេសាប ក្នុងភូមិព្រែកទាល់ ឃុំកោះជីវាំង ស្រុកឯកភ្នំ លើចំនួន ០២ គោលដៅ និងបានដកហូតវត្ថុតាងមួយចំនួនផង។

លោកបន្តថា គោលដៅទី ១ នៅចំណុចកោះផ្ទោល អូរអំបិលក្បាលស្រែ ក្នុងតំបន់អតីតឡូត៍នេសាទលេខ ០៣ ក្នុងភូមិសាស្ត្រខេត្តបាត់ដំបង។ ជាលទ្ធផលនៃការបង្ក្រាបលើគោលដៅទី ១ រួមមាន បានកាប់បំផ្លាញកម្ទេចចោលសាច់មងប្រវែង ១,៦០០ ម៉ែត្រ ,ឡុកសម្រាប់ត្រីចំនួន ១០ គ្រឿង, បង្គោល ២០០ ដើម។

ចំណែកគោលដៅទី ២ នៅចំណុចក្រឡុកអាសារ៉ាយ ព្រែកស្ពត តំបន់អភិរក្សអតីតឡូតិ៍នេសាទលេខ ០២ បានកាប់បំផ្លាញ និងដុតកម្ទេចចោល អ៊ុយលូស្បៃមុងចំនួន ១៥ ,មាត់សាច់របាំងប្រវែង ៧៥០ ម៉ែត្រ, សាច់មងប្រវែង ៦០០ ម៉ែត្រ ,ឡុកសម្រាប់ត្រី ០៣ គ្រឿង និងបង្គោល ១៨០ ដើមផង។

ករណីបង្ក្រាបខាងលើនេះ សមត្ថកិច្ចមិនបានឲ្យដឹងអំពីជនល្មើសថា ជានណានោះទេក្រៅពីដកហូតសម្ភារៈល្មើស បើទោះបីយ៉ាងណាមហាជនក៏ដូចជាប្រជានេសាទជាលក្ខណៈគ្រួសារ សំណូមពរដល់សមត្ថកិច្ចថា គួរតែវែកមុខរកជនប្រព្រឹត្តិបទល្មើសឲ្យទាល់តែបាន ដើម្បីផ្តន្ទាទោសជៀសវាងជននោះនៅបន្តសកម្មភាពបទល្មើសបន្តទៀត៕

អត្ថបទ៖ សៅ សារិទ្ធ

Related Topics:

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា