សន្តិសុខសង្គម

មន្ត្រីជលផលខេត្តតាកែវម្នាក់ បើករថយន្តបុកគោយន្តកន្ត្រៃ បណ្តាលឲ្យមានអ្នកស្លាប់ និងរបួស

បានផុស

១ ខែ មុន

នៅ

ថ្ងៃអាទិត្យ ១៤ សីហា ២០២២

ដោយ

មន្ត្រីជលផលខេត្តតាកែវម្នាក់ បើកបររថយន្តមួយគ្រឿងទាំងស្ថានភាពស្រវឹង បុកគោយន្តកន្ត្រៃមួយគ្រឿងពីក្រោយ ទិសដៅស្របគ្នា បណ្តាលឲ្យភាគីខាងគោយន្តស្លាប់ម្នាក់ និងរបួសធ្ងន់ម្នាក់ កាលពីរសៀលថ្ងៃទី ១៣ ខែសីហា ឆ្នាំ ២០២២២ លើផ្លូវបេតុងលេខ១២៩ B ស្ថិតក្នុងភូមិដូងខ្ពស់ ឃុំដូងខ្ពស់ ស្រុកបូរីជលសារ ខេត្តតាកែវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់ពីលោកនាយប៉ុស្តិ៍នគរបាលរដ្ឋបាលឃុំដូងខ្ពស់ បានឲ្យដឹងថា រថយន្តបង្កម៉ាកលុសស៊ីស ពណ៌ស ពាក់ស្លាកលេខភ្នំពេញ 2AH 4203 បើកបរដោយឈ្មោះ ហេង ប៊ុនលាប ហៅ ប៉ៃលិន ភេទប្រុស អាយុ ៤៥ ឆ្នាំ មុខរបរជាមន្ត្រីជលផល។ ចំណែកភាគីបើកបរគោយន្តឈ្មោះ សូ ឆាន់ ភេទប្រុស អាយុ ៥១ ឆ្នាំ ស្លាប់នៅនឹងកន្លែងកើតហេតុ និងអ្នករួមដំណើរត្រូវជាប្រពន្ធឈ្មោះ នូ ឃន អាយុ ៥០ ឆ្នាំ។ ទាំងពីរនាក់ប្តីប្រពន្ធរស់នៅភូមិដូងខ្ពស់ ឃុំដូងខ្ពស់ ស្រុកបូរីជលសារ ខេត្តតាកែវ។

លោកនាយប៉ុស្តិ៍បន្ថែមថា មុនពេលកើតហេតុ គោយន្តកន្ត្រៃ និងរថយន្ត បើកបរក្នុងទិសដៅស្របគ្នា ពីទិសខាងលិចទៅកើត លុះមកដល់ចំណុចកើតហេតុខាងលើ ទំនងភាគីអ្នកបើកបររថយន្តស្រវឹងខ្លាំងពេក ទប់ស្មារតីមិនបាន ក៏ជ្រុលទៅបុកគោយន្តពីក្រោយ បណ្តាលឲ្យមានអ្នកស្លាប់ និងរបួសគួរសង្វេគតែម្ដងទៅ។

បច្ចុប្បន្នវត្ថុតាងរថយន្ត និងគោយន្ត ត្រូវបានយកមករក្សាទុកនៅអធិការដ្ឋាននគរបាលស្រុកបូរីជលសារ ដើម្បីកសាងសំណុំរឿងតាមនីតិវិធី។ ចំណែកសពជនរងគ្រោះ ត្រូវបានប្រគល់ជូនសាច់ញាតិយកទៅធ្វើបុណ្យតាមប្រពៃណី៕

អត្ថបទ ៖ វីរៈ