សន្តិសុខសង្គម
អភិបាលខេត្តស្ទឹងត្រែងព្រមានថា ភូមិឃុំស្រុកណា មានល្បែងស៊ីសង នឹងត្រូវទទួលខុសត្រូវចំពោះមុខច្បាប់
មានប្រសាសន៍ក្នុងកិច្ចប្រជុំគណៈបញ្ជាការឯកភាពនៅសាលាខេត្តស្ទឹងត្រែងនៅព្រឹកថ្ងៃទី ១៩ ខែកញ្ញាឆ្នាំ ២០២២នេះលោក ស្វាយ សំអ៊ាង អភិបាលខេត្តស្ទឹងត្រែងបានព្រមានថា អាជ្ញាធរមូលដ្ឋានភូមិឃុំស្រុកណាមានល្បែងស៊ីសងនឹងត្រូវទទួលខុសត្រូវចំពោះមុខច្បាប់។
លោកអភិបាលខេត្តមានប្រសាសន៍ទៀតថា៖ រដ្ឋបាលខេត្តមិនមែនអនុវត្តនៅពេលតែរាជរដ្ឋាភិបាលមានបទបញ្ជានោះទេ គឺត្រូវរួមគ្នាបង្ក្រាបល្បែងស៊ីសងនេះឲ្យមានប្រសិទ្ធភាព និងធ្វើឲ្យបានជាប្រចាំនៅគ្រប់មូលដ្ឋាន។
លោកអភិបាលខេត្តមានប្រសាសន៍បន្ថែមទៀតថា៖ ការអនុវត្តបែបបនេះគីយើងធ្វើឱ្យភូមិឃុំសង្កាត់មានសុវត្ថិភាព ព្រោះ ល្បែងស៊ីសង វាបានបង្កឲ្យមានជម្លោះអំពើហិង្សាក្នុងគ្រួសារ និងធ្វើឲ្យខាតបង់ទ្រព្យសម្បត្តិរបស់បងប្អូនប្រជាពលរដ្ឋ ចំពោះអ្នកវក់និងការលេងល្បែងនេះ។
លោកមានប្រសាសន៍ទៀតថា៖ ករណីនេះស្របពេលដែលប្រមុខរាជរដ្ឋាភិបាលបានដាក់ចេញនូវវិធានការយ៉ាងម៉ឺងម៉ាត់ សមត្ថកិច្ចគ្រប់ថ្នាក់នៅមូលដ្ឋាន អាជ្ញាធរពាក់ព័ន្ធត្រូវអនុវត្តវិធានការបង្ក្រាបឲ្យមានប្រសិទ្ធភាពបំផុត។
លោកអភិបាលខេត្តប្រមានថា នៅមូលដ្ឋានណា ភូមិឃុំណា ស្រុកណា កើតមានល្បែងស៊ីសងអាជ្ញាធរមូលដ្ឋាននោះ ត្រូវទទួលខុសត្រូវ ចំពោះមុខច្បាប់ ចំពោះមុខរាជរដ្ឋាភិបាល ដូចនេះ កម្លាំងអាជ្ញាធរមូលដ្ឋាន មិនត្រូវទុកឲ្យមានកើតឡើងនៅល្បែងស៊ីសងនេះទេ ទោះបីថាក្នុងរូបភាពណាក៏ដោយ។
លោកឧត្តមសេនីយ៍ទោ អូត ស៊ីវុត្ថា ស្នងការនគរបាលខេត្តស្ទឹងត្រែងបានបញ្ចាក់ថា៖ ករណីនេះស្នងការដ្ឋានបង្កើនកម្លាំងចុះអនុវត្តបន្ថែមទៀតដើម្បីលប់បំបាត់ល្បែងស៊ីសងគ្រប់ប្រភេទកុំឱ្យកើតមាន។
លោកបន្តថា កន្លងមកកម្លាំងស្នងការដ្ឋានបានសហការជាមួយសមត្ថកិច្ចពាក់ព័ន្ធអនុវត្តបានច្រើនករណីហើយដូចជាការបង្ក្រាប់ការប្រើប្រាស់គ្រឿងញៀន និងល្បែងបៀរ អាប៉ោង ការជលមាន់និងក្នុងក្មេងទំនើងជាដើម។
សូមបញ្ជាក់ថា៖តាមការឱ្យដឹងពីប្រជាពលរដ្ឋការភ្នាល់ល្បែងជល់មាន់មានបើកលេងនៅភូមិសាស្ត្រចំណុច អូរពងមាន់ ក្នុងទឹកដីភូមិរាជានុកូល ក្រុងស្ទឹងត្រែង និងនៅឃុំចំការលើ-ឃុំអន្លង់ជ្រៃ ក្រុងស្រុកថាឡាបរិវ៉ាត់ តែការបង្ក្រាប់របស់សមត្ថកិច្ចកន្លងមកមិនទាន់មានប្រសិទ្ធភាពនៅឡើយនោះទេ៕
អត្ថបទ៖ ងិមលីម
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៩ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ