សន្តិសុខសង្គម

ឆ្លងចរន្តអគ្គិសនី ឆេះផ្ទះលក់គ្រឿងជ័រមួយកន្លែង សរុបទឹកប្រាក់ជាង ២៥០០០ ដុល្លារ

បានផុស

១ year មុន

នៅ

ថ្ងៃអង្គារ ២០ កញ្ញា ២០២២

ដោយ

អគ្គិភ័យមួយកន្លែង បានឆាបឆេះផ្ទះប្រជាពលរដ្ឋ បង្កការភ្ញាក់ផ្អើលដល់សមត្ថកិច្ចចុះអន្តរាគមន៍នៅវេលាម៉ោង ៧ ព្រឹក ថ្ងៃទី ២០ ខែកញ្ញា ឆ្នាំ ២០២២ នៅភូមិត្រពាំងពោធិ៍ សង្កាត់ចោមចៅទី ៣ ខណ្ឌពោធិ៍សែនជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់ផ្ទះមានឈ្មោះ ថុង សុឃឿន ភេទប្រុស អាយុ ៤៧ ឆ្នាំ មុខរបរលក់គ្រឿងជ័រ ស្នាក់នៅកន្លែងកើតហេតុខាងលើ។ តាមប្រភពព័ត៌មានបានឱ្យដឹងថា មុនពេលកើតហេតុខណៈម្ចាស់កំពុងរៀបចំអីវ៉ាន់ដាក់លក់ដូរនៅខាងក្រោម ស្រាប់តែឃើញមានផ្សែងហុយចេញពីលើឡៅតឿ ភ្លាមនោះក៏ស្រែកហៅឱ្យគេឯងជួយ និងរាយការទៅអាជ្ញាធរមានសមត្ថកិច្ចចុះអន្តរាគមន៍ភ្លាមៗ តែដោយសារនៅខាងលើសុទ្ធតែគ្រឿងជ័រទើបធ្វើឱ្យងាយឆាបឆេះលឿនរហ័ស។

ដោយមានការសហការជាមួយប្រជាពលរដ្ឋ និងក្រុមរថយន្តពន្លត់អគ្គិភ័យ ភ្លើងក៏បានរលត់ទៅវិញ នៅវេលាម៉ោង ៧ និង ២០ នាទី និងរងការខូចខាតទ្រព្យសម្បត្តិប្រហែល ៨០ ភាគរយសរុបជាទឹកប្រាក់លុយខ្មែរ ៦ លានរៀល លុយដុល្លារ ២០០ ចំណែកសម្ភារៈប្រហែល ២៥០០០ ដុល្លារ តែមិនបណ្តាលឱ្យមនុស្សណាម្នាក់រងរបួសនោះទេ។ សមត្ថកិច្ចបញ្ជាក់ថា មូលហេតុនៃការឆាបឆេះផ្ទះប្រជាពលរដ្ឋខាងលើនេះ បណ្តាលមកពីឆ្លងចរន្តអគ្គិសនី៕

អត្ថបទ៖ សុខា

Related Topics:អគ្គិភ័យ