សន្តិសុខសង្គម

បាត់ខ្លួនមួយយប់ ស្រាប់តែឃើញស្លាប់នៅក្នុងអូរព្រំដែនថៃ

បានផុស

១ year មុន

នៅ

ថ្ងៃសុក្រ ៣០ កញ្ញា ២០២២

ដោយ

បុរសម្នាក់ ត្រូវប្រជាពលរដ្ឋប្រទះឃើញស្លាប់អណ្តែតក្នុងអូរព្រំដែនកម្ពុជា-ថៃ ដែលទឹកអូរកំពុងតែជន់កួចត្របាញ់ខ្លាំង បន្ទាប់ពីបាត់ខ្លួនពីផ្ទៃមួយយប់។ ការភ្ញាក់ផ្អើល បានកើតឡើងនៅវេលាម៉ោង ៧ យប់ កាលពីថ្ងៃទី ២៩ ខែកញ្ញា ឆ្នាំ ២០២២ នៅក្នុងភូមិចំបក់ ឃុំជ្រៃសីមា ស្រុកសំពៅលូន ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការរៀបរាប់ពីសំណាក់ក្រុមគ្រួសារ និងសាច់ញាតិបាននិយាយថា ជនរងឈ្មោះ ស៊យ សុង ភេទប្រុស អាយុ ៤២ ឆ្នាំ មានទីលំនៅភូមិអូរ ឃុំសន្តិភាព ស្រុកសំពៅលូន គឺបានបាត់ខ្លួនពីផ្ទះប្រហែលម៉ោង ២ និង ៣០នាទី រំលងអធ្រាត្រ ឈានចូលថ្ងៃទី ២៩ ដោយក្រុមគ្រួសារ និង សាច់ញាតិព្យាយាមដើររកដែរតែរកមិនឃើញសោះ រហូតមកទល់នឹងម៉ោង ៧ យប់ ថ្ងៃដដែលទើបមានប្រជាពលរដ្ឋប្រទះឃើញសពអណ្តែតតាមអូរព្រំដែនកម្ពុជា-ថៃ ហើយក៏បាននាំគ្នាហែលទឹកឆ្លងទៅត្រើយម្ខាងដោយយកខ្សែទៅចងសពអូសមកខាងកម្ពុជាវិញ ដើម្បីឲ្យសមត្ថកិច្ចត្រួតពិនិត្យ។

ក្រោយពីកម្លាំងសមត្ថកិច្ចចុះទៅពិនិត្យកន្លែងកើតហេតុ និងជួយយកសាកសពឡើងលើគោក ដើម្បីធ្វើការពិនិត្យ ភ្លាមៗសមត្ថកិច្ចនៅមិនទាន់បញ្ជាក់អំពីមូលហេតុនៅឡើយទេ តែគេសង្ស័យថា ជនរងគ្រោះអាចដើរធ្លាក់ទឹកអូរដែលកំពុងជន់ខ្លាំង បណ្តាលឲ្យលង់ស្លាប់ បច្ចុប្បន្នសពត្រូវបានសាច់ញាតិទទួលយកទៅធ្វើបុណ្យតាមប្រពៃណីហើយ៕

អត្ថបទ៖ សោ និយមរ័ត្ន