សន្តិសុខសង្គម
នេនបីអង្គ ស្លៀកពាក់ស៊ីវិលចេញប្លន់ទូរសព្ទ IPhone និងបច្ច័យ ពីព្រះសង្ឃដូចគ្នា
សង្ឃចំនួនបីអង្គបានបន្លំខ្លួនស្លៀកពាក់ខោអាវស៊ីវិលពេលយប់ ចេញស្ទាក់វាយប្លន់យកទូរសព្ទ IPhone មួយគ្រឿង និងលុយខ្មែរពីរម៉ឺនរៀល ត្រូវបានកម្លាំងនគរបាលឃាត់ខ្លួន។
មន្ត្រីនគរបាលស្រុកបសេដ្ឋ បានឱ្យដឹងថា សង្ឃចំនួនបីអង្គ ត្រូវបានកម្លាំងជំនាញផ្នែកព្រហ្មទណ្ឌធ្វើការឃាត់ខ្លួនដើម្បីសាកសួរពាក់ព័ន្ធករណីប្លន់ទូរសព្ទ ពីសង្ឃរងគ្រោះមួយអង្គ នៅម៉ោង ៧ និង៣០ នាទីព្រឹក នាថ្ងៃទី០១ ខែតុលា ឆ្នាំ២០២២ កន្លងមកនេះ នៅវត្តស្វាយចារ្យ ឃុំស្តុក ស្រុកគងពិសី ខេត្តកំពង់ស្ពឺ។ នគរបាលបានឱ្យដឹងទៀតថា ព្រះសង្ឃសង្ស័យទាំងបីអង្គមានឈ្មោះដូចខាងក្រោម៖ ទី១ ព្រះនាម ផុន មករា ព្រះជន្ម ១៦ ព្រះវស្សា, ទី២ ព្រះនាម ឌឿន វណ្ណដេត ព្រះជន្ម ១៦ ព្រះវស្សា និងទី៣ ព្រះនាម រឿន ធារ៉ា ព្រះជន្ម ១៤ ព្រះវស្ សាដែលគង់បួសរៀននៅវត្តខាងលើ។
លោកវរសេនីយទោ ចន សុភិត អធិការនគរបាលស្រុកបសេដ្ឋ បានបញ្ជាក់ប្រាប់ “កម្ពុជាថ្មី” ថាបន្ទាប់ពីទទួលបានពាក្យបណ្តឹងពីព្រះសង្ឃរងគ្រោះថា មានក្មេងស្ទាវមួយក្រុមស្ទាវវាយប្លន់ទូរសព្ទ និងបច្ច័យ កម្លាំងជំនាញបានចុះស្រាវជ្រាវ និងកំណត់បានអត្តសញ្ញាជនសង្ស័យជាសង្ឃគង់នៅវត្តផ្សេង ក្នុងស្រុកគងពិសី ទើបសហការគ្នាដោយមានការចូលរួមពីមន្ត្រីធម្មការចាប់ផ្សឹកយកមកសាកសួរតាមនិតិវិធី។
ក្រុមនេនសង្ស័យ បានសារភាពថា បានបន្លំខ្លួនស្លៀកពាក់ស៊ីវិលចេញពីវត្តធ្វើសកម្មភាពប្លន់យកទូរសព្ទដៃ និងលុយពីររៀលពិតប្រាកដមែន។ ក្រោយពេលប្លន់សម្រេចនាំគ្នាចូលវត្តធម្មតា។ ក្រោយទទួលបានចម្លើយសារភាពកម្លាំងជំនាញក៏បានកសាងសំណុំបញ្ជូនទៅស្នងការដ្ឋាននគរបាលខេត្តកំពង់ស្ពឺ ដើម្បីចាត់ការបន្តតាមច្បាប់។
គួររំលឹកថា នៅយប់ថ្ងៃទី៣០ ខែកញ្ញា ឆ្នាំ២០២២ សង្ឃព្រះនាម វ៉ាត សុខវៀត ព្រះជន្ម ២០ ព្រះវស្សា គង់នៅវត្តធម្មមង្គល ក្នុងភូមិត្រពាំងផ្លុង ឃុំភារីមានជ័យ ស្រុកបសេដ្ឋ បាននិមន្តទៅរកទិញបារីឆាន់ ត្រូវបានជនសង្ស័យមានគ្នាបីនាក់ស្ទាក់វាយបោងមុខ និងខៀវភ្នែកដើម្បីប្លន់យកទូរសព្ទដៃម៉ាក iphone មួយគ្រឿង និងលុយខ្មែរពីរម៉ឺនរៀល។ បន្ទាប់ទទួលពាក្យបណ្តឹងរបស់ព្រះសង្ឃរងគ្រោះ សមត្ថកិច្ចស្រាវជ្រាវកំណត់បានមុខសញ្ញាជនសង្ស័យឈានដល់ការឃាត់នេនទាំងបីអង្គមកសាកសួរ។
អត្ថបទ៖ ភួង រដ្ឋា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង