Connect with us

សន្តិសុខសង្គម

ប្លន់សម្លាប់បុរសវ័យ៦៤ឆ្នាំម្នាក់យកម៉ូតូ និងសម្ភារៈមួយចំនួន សមត្ថកិច្ចកំពុងស្រាវជ្រាវបន្ថែម

បានផុស

នៅ

បុរសវ័យ៦៤ឆ្នាំម្នាក់ត្រូវបានជនដៃដល់មិនស្គាល់អត្តសញ្ញាណវាយសម្លាប់នៅលើផ្លូវលំដើម្បីប្លន់យកម៉ូតូស៊េរីឆ្នាំ២០២៣មួយគ្រឿង និងសម្ភារៈមួយចំនួនទៀតរួចគេចខ្លួនបាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍របស់ស្នងការដ្ឋាននគរបាលខេត្តកោះកុង បានឲ្យដឹងថា នៅវេលាម៉ោង១៤និង០០នាទីថ្ងៃទី០៥ ខែតុលា ឆ្នាំ២០២២​ កម្លាំងអធិការដ្ឋានបានទទួលព័ត៌មានពីលោក ហុង ប្រុស អភិបាលរងស្រុកស្រែអំបិលថា មានមនុស្សស្លាប់នៅលើផ្លូវលំចូលចំការ ចំណុចខ្សាច់សរ ភូមិអូរជ្រៅ ឃុំបឹងព្រាវ។

របាយការណ៍បានបញ្ជាក់ថា ជនរងគ្រោះមានឈ្មោះ ហុក សាង ភេទប្រុស អាយុ​៦៤ឆ្នាំ មុខរបរជាអ្នកចាំចំការ ត្រូវបាន​ជន​ដៃដល់វាយសម្លាប់ជាមួយវត្ថុរឹង។ តាមការពិនិត្យសាកសពមានស្នាមបែកផុងលលាដ៍ក្បាលចំនួន០១កន្លែងខាងក្រោយ បែកថ្ពាល់ឆ្វេង០១កន្លែង និងរយ៉ាស់ដៃឆ្វេងប្រវែង០៥សម ជម្រៅ០.៥សម។

សមត្ថកិច្ចបញ្ចាក់ថា ក្នុងករណីនេះជនរងគ្រោះបានបាត់ម៉ូតូមួយគ្រឿងម៉ាក ហុងដាឌ្រីម សេ១២៥ ស៊េរីឆ្នាំ២០២២ ពាក់ស្លាកលេខ កំពត 1T- 6423 និងកាបូបដាក់លុយចំនួនមួយ។ បន្ទាប់ពីពិនិត្យកោសល្យវិច័យលើសពរួច កម្លាំងជំនាញបានប្រគល់សពជូនក្រុមគ្រួសារយកតៅធ្វើបុណ្យតាមប្រពៃណី។ ចំណែកជនដៃដល់ កម្លាំងសមត្ថកិច្ចកំពុងស្រាវជ្រាវចាប់ខ្លួនដើម្បីយកមកផ្ដន្ទាទោសតាមផ្លូវច្បាប់៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម