ក្មេងប្រុសម្នាក់លង់ទឹកស្លាប់ បន្ទាប់ពីសុំឪពុកម្តាយទៅលេងសង្ក្រាននៅសាលារៀន

ក្មេងប្រុសម្នាក់ក្រោយពីសុំឪពុកម្តាយទៅលេងសង្ក្រាននៅសាលារៀន បែជាប្រទះឃេីញលង់ទឹកស្លាប់ក្នុងស្រះទឹកទៅវិញ បង្កការភ្ញាក់ផ្អេីលកាលពីវេលាម៉ោង២និង១០នាទីសៀល ថ្ងៃទី០៥ ខែមេសា ឆ្នាំ២០២៣ នៅក្នុងស្រះវត្តស្ងួនពេជ្រ ភូមិស្ងួនពេជ្រ សង្កាត់កន្ទោក ខណ្ឌកំបូល រាជធានីភ្នំពេញ។

ជនរងគ្រោះឈ្មោះ វាសនា រ៉ាយុទ្ធ ប្រុសអាយុ៩ឆ្នាំ ស្នាក់នៅបុរីពិភពថ្មីកំបូល៣ ភូមិថ្នដា សង្កាត់កន្ទោក ខណ្ឌកំបូល។ តាមប្រភពពីឪពុកក្មេងរងគ្រោះបានឲ្យដឹងថា នៅព្រឹកថ្ងៃកេីតហេតុកូនរបស់គាត់(ជនរងគ្រោះ)សុំមកលេងសង្ក្រាននៅសាលារៀនស្ងួនពេជ្រ លុះនៅវេលាម៉ោង១១ព្រឹកដោយមិនឃេីញទៅផ្ទះវិញគាត់ក៏ដេីររកដែរតែមិនឃេីញ ។

ប្រភពដដែលបានបន្តថា លុះមកដល់វេលាម៉ោង១រសៀលថ្ងៃខែដដែលក៏ឃេីញកង់ និងស្បែកជេីងកូនរបស់គាត់នៅមាត់ស្រះក្នុងវត្តស្ងួនពេជ្រទេីបរាយការណ៍ដល់អាជ្ញាធរមានសមត្ថកិច្ច​ និងកម្លាំងជេីងទឹកនៃអង្គភាព៩១១ជួយអន្តរាគមន៍ទើបរកឃេីញក្មេងរងគ្រោះ។

បច្ចុប្បន្នសពក្មេងរងគ្រោះត្រូវបានសមត្ថកិច្ចប្រគល់ជូនឪពុកម្តាយយកទៅធ្វេីបុណ្យតាមប្រពៃណី៕

អត្ថបទ៖ សុខា