សន្តិសុខសង្គម
សមត្ថកិច្ចខេត្តបន្ទាយមានជ័យ ឃាត់ម៉ូតូក្មេងទំនើង កែច្នៃខុសបច្ចេកទេស ១៣ គ្រឿង
នៅមុនពេលចូលឆ្នាំខ្មែរ មានក្រុមក្មេងទំនើងជាច្រើននាក់ បាននាំគ្នាកែច្នៃបំពាក់ស៊ីម៉ាំងម៉ូតូលឺខ្លាំងៗ ម៉ូតូខ្លះកែឆ្នៃខុសបច្ចេកទេស បង្កចលាចលដល់សង្គម ត្រូវបានកម្លាំងនគរបាលស្រុកស្វាយចេក ឃាត់បានម៉ូតូ១៣គ្រឿង យកមកអប់រំនៅអធិការស្រុកស្វាយចេក បើនៅតែមានបន្ត និងចាត់វិធានការទៅតាមច្បាប់។
លោកវរសេនីយ៍ឯក ជា ស្លូញ អធិការនគរបាលស្រុកស្វាយចេក បានប្រាប់អ្នកយកព័ត៌មានឲ្យដឹងថា អនុវត្តន៍តាមបទបញ្ជារបស់ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ លោកបានដាក់បទបញ្ជាដល់ អធិការនគរបាលទាំង ៩ក្រុង ស្រុក ត្រូវចុះអនុវត្តន៍ និងធ្វើការបង្ក្រាបរាល់បទល្មើស ពិសេសបទល្មើសព្រហ្ម និងក្មេងទំនើង ដើម្បីធានាឲ្យបាននូវសន្តិសុខក្នុងឱកាសបុណ្យចូលឆ្នាំខ្មែរឈានចូលមកដល់។
លោកវរសេនីយ៍ឯក ជា ស្លូញ បានឲ្យដឹងបន្តទៀតថា អនុវត្តន៍បទបញ្ជារបស់ លោកឧត្តមសេនីយ៍ទោ សិទ្ធិ ឡោះនៅព្រឹកថ្ងៃទី១៣ ខែមេសា ឆ្នាំ២០២៤ វេលាម៉ោង៨:០០នាទីលោកបានដឹកនាំកម្លាំងនគរបាលស្រុកស្វាយចេកមួយក្រុមចុះបង្ក្រាបរាល់បទល្មើសផ្សេងក្នុងនោះបានឃាត់ខ្លួនក្មេងទំនើង ជាម្ចាស់ម៉ូតូ បានចំនួន១៣គ្រឿង បានបំពាក់ខុសលក្ខណៈបច្ចេកទេសដាក់សុីម៉ាំងលឺខ្លាំងៗ យកមកអធិការដ្ឋាននគរបាលស្រុកស្វាយចេក។
លោកវរសេនីយ៍ឯក ជា ស្លូញ បានឲ្យដឹងបន្តទៀតថា ម៉ូតូទាំង១៣គ្រឿងនេះ មានបំពាក់ស៊ីម៉ាំងលឺខ្លាំងចំនួន៨គ្រឿង និងម៉ូតូអត់ហ្រ្វាំងចំនួន៥ គ្រឿង សរុបចំនួន១៣គ្រឿង ម៉ូតូទាំងនេះត្រូវបានឃាត់ទុកកាលពីក្នុងអំឡុងពេលមុនបុណ្យចូលឆ្នាំថ្មីប្រពៃណីជាតិខ្មែរ លុះនៅថ្ងៃទី ២០ ខែមេសា ឆ្នាំ ២០២៤នេះ លោកបានឲ្យម្ចាស់ចូលមកដោះស្រាយ និងឲ្យម្ចាស់រៀបចំម៉ូតូឲ្យបានដូចដើមវិញ។
ក្រោយធ្វើការអប់រំណែនាំរួច លោកបានប្រគល់ម៉ូតូជូនទៅម្ចាស់ដើមវិញ ប៉ុន្តែបើក្នុងករណីមិនរាងចាលបើម្ចាស់នៅតែបន្តសកម្មភាព បើកម៉ូតូមានបំពាក់គ្រឿងបំពងសម្លេងលឺខ្លាំងរំខានគេឯងបង្កអសន្តិសុខដល់សង្គមទៀតនោះសមត្ថកិច្ចនឹងមានចំណាត់ការទៅតាមផ្លូវច្បាប់៕
អត្ថបទ៖ វ៉ាន់ ណាង
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ