ជីវភាពខ្វះខាតទៅ​ចាប់​កណ្តូបកណ្តុរ យកធ្វើម្ហូបនៅពេលយប់ ត្រូវពស់ស្រការចាស់ចឹកស្លាប់

បុរសម្នាក់ព្រោះតែជីវមានការខ្វះខាតខ្លាំងបានទៅចាប់​កណ្តូបកណ្តុរ យកធ្វើម្ហូបនៅពេលយប់ត្រូវបានពស់ស្រការចាស់​ចឹក​ស្លាប់។

ហេតុការណ៍នេះកើតឡើងនៅវេលាម៉ោង ៩យប់ ថ្ងៃទី ២៤ ខែ សីហា ឆ្នាំ ២០២៤ នៅចំណុច វាលស្រែចំការ ក្នុងភូមិទ័ពសៀម ឃុំស្លាក្រាម ស្រុកស្វាយចេក ខេត្តបន្ទាយមានជ័យ។

មន្ត្រីមូលដ្ឋានបានឲ្យដឹងថា មុនពេលកើតហេតុ ជនរងគ្រោះដោយមានជីភាពខ្វះខាតខ្លាំងរកព្រឹកខ្វះល្ងាច ទប់និងជីវភាពមិនគ្រប់បានចេញទៅវាលស្រែចំការ ដើម្បី​ឆ្លុះចាប់កណ្តូបកណ្តុរ ដូចសព្វដង យកមកធ្វើម្ហូបពេលកំពុងរកនោះ ត្រូវបានពស់ស្រការចាស់ចឹក ដោយសារនៅពេលយប់ ពុំមានអ្នកទៅជាមួយ អាចយកមកសង្គ្រោះនៅពេទ្យបានបណ្តាលឲ្យជនរងស្លាប់បាត់បង់ជីវិតតែម្តង។

មន្ត្រីមូលដ្ឋាន និងមន្ត្រីនគរបាលប៉ុស្តិ៍បានប្រាប់ឲ្យដឹងបន្តទៀតថា រងគ្រោះមានឈ្មោះដារ ភេទប្រុស អាយុ ៣៥ ឆ្នាំ រស់ នៅភូមិកាប់ ចោរ ឃុំភូមិថ្មី ស្រុកថ្មពួក ខេត្តបន្ទាយមានជ័យ។

ក្រុមគ្រួសារនៃសព ក្រោយពីបាត់ប្តីបាននាំកូនស្វែងរកប្តីនៅកន្លែងរកកណ្តូប កណ្តុរ នោះបានប្រទះឃើញប្តីដេកស្លាប់ហើយបានសែងយកមកផ្ទះរាយការណ៍ឲ្យមន្ត្រីជំនាញមកពិនិត្យសព។ ក្រោយពីពិនិត្យបានប្រាប់ថា ជនរងគ្រោះស្លាប់ដោយសារពស់ចឹក។ សពត្រូវបានក្រុមគ្រួសារចាត់ចែងធ្វើបុណ្យតាមប្រពៃណីនៅថ្ងៃនេះតែម្តងដោយគ្មានលុយធ្វើបុណ្យ​៕

អត្ថបទ៖ វ៉ាន់ ណាង