ចុះបង្ក្រាបទីតាំង​ល្បែងស៊ីសង (បៀរ) ពីរកន្លែង​ ឃាត់​ខ្លួនម្ចាស់​ផ្ទះ អប់រំឲ្យ​បញ្ឈប់តទៅទៀត​

ទីតាំងល្បែងស៉ីសង (បៀរ) ចំនួន ២ ទីតាំងផ្សេងគ្នា ត្រូវបានមន្ត្រីនគរបាលនៃអធិការដ្ឋាននគរបាលស្រុកសំបូរ ខេត្ត​ក្រចេះ​ធ្វើការបង្ក្រាប និងបាននាំខ្លួនម្ចាស់ផ្ទះមកធ្វើការអប់រំណែនាំធ្វើកិច្ចសន្យាបញ្ឈប់ការផ្ដល់ទីតាំងបេីកលេងល្បែងបន្តទៀត។ នេះបើតាមការបញ្ជាក់ឱ្យដឹងពីលោកវរសេនីយ៏ឯក ជ្រិន សុទ្ធា អធិការនគរបាលស្រុកសំបូរ នាថ្ងៃទី២៧ ខែសីហា ឆ្នាំ២០២៥នេះ ។

លោកបន្ត​ថា ប៉ុន្មានថ្ងៃនេះកម្លាំងជំនាញបានចុះបង្ក្រាបទីតាំងលេងល្បែងស៊ីសង (បៀរ) ដើម្បីណែនាំអប់រំឲ្យបញ្ឈប់ការលេងល្បែងស៊ីសងទាំងនេះតទៅទៀត ។

កាលពី​ថ្ងៃទី២៦ ខែ សីហា ឆ្នាំ២០២៥ វេលាម៉ោង ១៦ ១៥នាទី កម្លាំងជំនាញអធិការដ្ឋាននគរបាលស្រុកសំបូរសហការជាមួយកម្លាំងប៉ុស្តិ៍នគរបាលរដ្ឋបាលសំបូរ បានចុះបង្ក្រាបទីតាំងល្បែងស៉ីសង (បៀរ) ចំនួន ១ ទីតាំង នៅចំណុចផ្ទះឈ្មោះ ជឿន ម៉ុន ភេទស្រី អាយុ ៤៨ ឆ្នាំ មុខរបរ លក់ដូរ មានទីលំនៅភូមិសំបូរ ឃុំសំបូរ ស្រុកសំបូរ ខេត្តក្រចេះ ជាម្ចាស់ផ្ទះ។

ទីតាំងទី ២ នៅថ្ងៃទី២៣ ខែសីហា ឆ្នាំ២០២៥ វេលាម៉ោង ១៥:០០នាទី កម្លាំងជំនាញអធិការដ្ឋាននគរបាលស្រុកសំបូរ សហការជាមួយកម្លាំងប៉ុស្តិ៍នគរបាករដ្ឋបាលសណ្តាន់ ចុះបង្ក្រាបទីតាំងល្បែងស៉ីសង (បៀរ) ចំនួន ១ ទីតាំង នៅចំណុចផ្ទះឈ្មោះ ចក់ សុីវន ភេទស្រី អាយុ៤៥ ឆ្នាំ មុខរបរមេផ្ទះ មានទីលំនៅភូមិសណ្តាន់ ឃុំសណ្តាន់ ស្រុកសំបូរ ខេត្តក្រចេះ ជាម្ចាស់ផ្ទះ៕

អត្ថបទ ប្រុញ វិធិន