កីឡា

Patrick ឡើងមកលេខ ៣ ក្នុង Top Scorer ក្រោយស៊ុត ២ គ្រាប់យប់មិញ

បានផុស

៤ ខែ មុន

នៅ

ថ្ងៃចន្ទ ១៦ មីនា ២០២៦

ដោយ

ខ្សែប្រយុទ្ធស្លាបឆ្វេង Patrick Robson របស់ ព្រះខ័នរាជស្វាយរៀង ឡើងមកកាន់លេខ ៣ ក្នុងនាមជាកីឡាកររកបានគ្រាប់បាល់ច្រើនជាងគេ ក្នុងលីគកំពូលកម្ពុជា គិតត្រឹមសប្តាហ៍ទី២៣ ថ្ងៃទី១៥ ខែមីនា ឆ្នាំ ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលនេះកីឡាករសញ្ជាតិប្រេស៊ីល Patrick Robson រកបាន ១៣ គ្រាប់ហើយ បន្ទាប់ពីស៊ុតចូល ២ គ្រាប់ទៀតនៅពេល ព្រះខ័នរាជស្វាយរៀង បានយកឈ្នះ អង្គរថាយហ្គឺរ ដោយលទ្ធផល ២-០។ រូបគេស្ថិតនៅចំណាត់ថ្នាក់លេខ ៣ ពីក្រោមមិត្តរួមក្រុម Kwame Peprah ដែលរកបាន ២០គ្រាប់ នៅលើកំពូលតារាង និងលេខ ២ កីឡាករ Kurita Mark Adjei របស់ អង្គរថាយហ្គឺរ រកបាន ១៧ គ្រាប់។ ជាមួយគ្នានេះ កីឡាករក៏បានបញ្ជូនបាល់ឲ្យមិត្តរួមក្រុមស៊ុតចូល ៧ លើកដែរ។

គ្រាប់បាល់ទាំង ១៣ គ្រាប់ដែលកីឡាករ Patrick រកបានគឺ ២ គ្រាប់ ពេល ព្រះខ័នរាជស្វាយរៀង ឈ្នះ អង្គរថាយហ្គឺរ ២-០ ជើងទី១ វគ្គ Top 6, រកបាន ២ គ្រាប់ ពេល ព្រះខ័នរាជស្វាយរៀង ឈ្នះ គិរីវង់សុខសែនជ័យ ៥-០ ក្នុងជើងទី២, រកបាន ១ គ្រាប់ ពេល ព្រះខ័នរាជស្វាយរៀង ឈ្នះ កងយោធពលខេមរភូមិន្ទ ៦-៣ ក្នុងជើងទី២, ១ គ្រាប់ ពេល ព្រះខ័នរាជស្វាយរៀង ឈ្នះ ឡាយហ្វ ព្រះសីហនុ ៤-១ ក្នុងជើងទី២, រកបាន ១ គ្រាប់ ពេល ព្រះខ័នរាជស្វាយរៀង ឈ្នះ អាយអេសអាយ ដង្កោសែនជ័យ ៦-១ ក្នុងជើងទី១, រកបាន ៣ គ្រាប់ ពេល ព្រះខ័នរាជស្វាយរៀង ឈ្នះ ឈ្នះ ឡាយហ្វ ព្រះសីហនុ ៦-១ ក្នុងជើងទី១, រកបាន ១ គ្រាប់ ពេល ព្រះខ័នរាជស្វាយរៀង ឈ្នះ អង្គរថាយហ្គឺរ ៣-០ ក្នុងជើងទី១ និង២ គ្រាប់ ពេល ព្រះខ័នរាជស្វាយរៀង ឈ្នះ ណាហ្គាវើលដ៍ ៣-០ ក្នុងជើងទី១៕