កីឡា

សារ៉េត គ្រីយ៉ា និយាយយ៉ាងណាពេលរំលឹកពាក្យគ្រូ Manila Digger ថា «កូនក្រុមលេងមិនទាន់អស់ ១០០ % »

បានផុស

៣ ខែ មុន

នៅ

ថ្ងៃចន្ទ ១៣ មេសា ២០២៦

ដោយ

រំលឹកពាក្យរបស់គ្រូបង្វឹក Manila Digger នៅជើងទី១ ប៉ះព្រះខ័នរាជស្វាយរៀង ថា «កូនក្រុមលេងមិនទាន់អស់ ១០០%» ស្របពេលម្សិលមិញនេះកីឡាករ សារ៉េត គ្រីយ៉ា គ្មានយោបល់ចំពោះការលើកឡើងនោះទេមានតែរង់ចាំបញ្ចប់ការប្រកួតជើងទី២ តែប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ សារ៉េត គ្រីយ៉ា

កីឡាករ សារ៉េត គ្រីយ៉ា បានឲ្យដឹងថា រូបគេក៏បានឃើញការផ្សព្វផ្សាយ និងស៊ែអំពីសម្ដីរបស់គ្រូ Manila Digger ក្រោយបញ្ចប់ការប្រកួតជើងទី១ ជាមួយព្រះរាជស្វាយរៀងអំឡុងពេលនោះដែរ។ យ៉ាងណាខ្លួនមិនមានយោបល់ច្រើនអំពីរឿងហ្នឹងនោះទេ។ ជាសិទ្ធិរបស់គ្រូ Manila ចង់និយាយអ្វី ឬលើកឡើងយ៉ាងណានោះ។

កម្លាំងស្នូលរបស់ក្រុមព្រះខ័នរាជស្វាយរៀង ខាងលើនេះបន្ថែមទៀតថា មានតែរង់ចាំមើលក្រោយបញ្ចប់ការប្រកួតជើងទី២ នេះទៀតតែប៉ុណ្ណោះ។ ចំពោះរូបគេ និងក្រុមព្រះខ័នរាជស្វាយរៀងទាំងមូលគឺនឹងខំប្រឹងប្រែងលេងឲ្យបានល្អ និងលេងទៅតាមអ្វីដែលជាផែនការរបស់គ្រូរៀបចំមក។

លោក Kim Versales

បញ្ជាក់ដែរថា ក្រោយបញ្ចប់ការប្រកួតនៅជើងទី១ ឯពហុកីឡដ្ឋានមរតកតេជោ រវាងព្រះខ័នរាជស្វាយរៀង និង Manila Digger កាលពីថ្ងៃទី៩ ខែមេសា ឆ្នាំ២០២៦ នោះគឺលោក Kim Versales ថាកូនក្រុមរបស់លោកលេងមិនទាន់អស់ ១០០% នៅឡើយទេ។ នៅថ្ងៃទី១៦ ខែមេសា ឆ្នាំ២០២៦ នេះម្ចាស់ផ្ទះ Manila Digger នឹងត្រូវបើកទ្វាស្វាគមន៍ព្រះខ័នរាជស្វាយរៀងនៅជើងទី២ វគ្គពាក់កណ្ដាលផ្ដាច់ព្រ័ត្រពានរង្វាន់ AFC Challenge Leaue ៕