កីឡា
មិនធម្មតា! កីឡាករហូឡង់ Silvester ធ្លាប់លេងក្លិបជាច្រើន មុនពេលចូល ព្រះខ័នរាជស្វាយរៀង
នៅថ្ងៃអាទិត្យ ទី១២ ខែកក្កដា ឆ្នាំ ២០២៦ ក្លិបបាល់ទាត់ព្រះខ័នរាជស្វាយរៀង បានប្រកាសនាំចូលកីឡាករសញ្ជាតិហូឡង់ Silvester van der Water ដើម្បីត្រៀមប្រជែងពានរង្វាន់ក្នុងស្រុក និងអន្តរជាតិសម្រាប់រដូវកាលថ្មី ២០២៦-២៧។
កីឡាករ Silvester van der អាយុ ២៩ ឆ្នាំ កម្ពស់ ១.៨៤ ម៉ែត្រ លេងជាខ្សែបម្រើប្រយុទ្ធស្លាប បានចូលរួមជាមួយក្លិប ព្រះខ័នរាជស្វាយរៀង បន្ទាប់ពីឆ្លងកាត់លេងឲ្យក្លិបជាច្រើន។ រូបគេជាយុវជនផ្តើមចេញពីក្លិប SDO Bussum និង Almere City នៅហូឡង់ចន្លោះឆ្នាំ ២០០៣ ដល់ ឆ្នាំ ២០១៥។
បន្ទាប់មក កីឡាកររូបនេះបានចាប់ផ្តើមចូលរួមជាមួយក្រុមធំជម្រើសដៃទី១នៅក្លិប Jong Almere City ចន្លោះឆ្នាំ ២០១៥ ដល់ ២០១៨ ដោយបង្ហាញខ្លួនលើទីលាន ៥១ ប្រកួត និងរកបាន ២៧ គ្រាប់។ ចូលរដូវកាល ២០១៨ ដល់ ២០២០ រូបគេបានចូលរួមជាមួយក្រុម Jong Heracles នៅក្នុងប្រទេសហូឡង់ដដែលដោយលេងបាន ១៦ ប្រកួត រកបាន ១២ គ្រាប់។ នៅន្លោះឆ្នាំ ២០១៨ និង ២០២១ រូបគេក៏លេងឲ្យក្រុម Heracles Almelo ដែលបង្ហាញខ្លួនលើទីលាន ៥៣ ប្រកួត និងរកបាន ១០គ្រាប់។
ចូលដល់ឆ្នាំ ២០២១ កីឡាករ Silvester van der បានចេញក្រៅប្រទេសជាលើកក្នុងអាជីពរបស់ខ្លួនដោយចូលរួមជាមួយក្លិប Orlando City នៅសហរដ្ឋអាមេរិក ដែលជាក្លិបចាស់របស់កីឡាករកម្ពុជា Nick Taylor។ រូបគេលេងនៅទីនោះបាន ៣២ ប្រកួត រកបាន ៣ គ្រាប់ និងផ្លាស់ទៅហូឡង់វិញចូលរួមជាមួយក្លិប Cambuur ដោយលេងលើទីលានបាន ៣៦ ប្រកួត រកបាន ៤ គ្រាប់។ ឆ្នាំ ២០២៤ ដល់ ឆ្នាំ ២០២៥ រូបគេត្រូវបានក្លិប PEC Zwolle និង RKC Waalwijk ខ្ចីជើងដោយលេងឲ្យក្លិបទាំងពីរ បាន ២៩ ប្រកួត រកបាន ៤ គ្រាប់។
ចុងក្រោយ នៅឆ្នាំ ២០២៥ កីឡាករសញ្ជាតិហូឡង់រូបនេះបានផ្លាស់ទៅចូលរួមជាមួយក្លិប Panionios នៃលីគលំដាប់ទី២ របស់ប្រទេសក្រិក។ រូបគេលេងនៅក្លិបនេះបានតែ ១៤ ប្រកួត និងរកបាន ២ គ្រាប់ប៉ុណ្ណោះ ហើយក៏ចាកចេញមកចូលរួមជាមួយក្លិបជើងឯកលីគកំពូលកម្ពុជា គឺ ព្រះខ័នរាជស្វាយរៀង។
កីឡាករ Silvester van der Water លេងតួនាទីជាខ្សែបម្រើស្លាប ប៉ុន្តែរាល់ក្លិបដែលរូបគេបានលេងគឺសុទ្ធតែអាចរកបានគ្រាប់បាល់។ ឆ្លងកាត់លេងឲ្យក្លិបជាច្រើន រូបគេរកបានគ្រាប់បាល់សរុបមិនក្រោម ៧០ គ្រាប់ឡើយ។
វត្តមានរបស់កីឡាករ Silvester van der គឺជំនួសកន្លែងកីឡាករប្រេស៊ីល Patrick Robson នៅតំបន់បម្រើប្រយុទ្ធស្លាបឆ្វេង ខណៈនៅតំបន់បម្រើប្រយុទ្ធស្លាបស្តាំមានកីឡាករស្កុតឡែន Connor Shields។ ខ្សែប្រយុទ្ធជួរមុខកីឡាករហ្គាណា Kwame Pepra ព្រមទាំងមានបម្រើការពារសញ្ជាតិព័រទុយហ្គាល់២នាក់គឺ Rui Pires និង Tiago Alves៕
អត្ថបទ៖ វិរបុត្រ
-
សេដ្ឋកិច្ច៦ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៣ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៦ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៤ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៤ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៦ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៦ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៥ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ