កីឡា
នារីខ្លាំងដៃ Jing Nan ប៉ះម្ចាស់មេដាយមាស២៨គ្រឿងពីប្រេស៊ីលដើម្បីខ្សែក្រវាត់ពិភពលោក
កីឡាការិនីចិន Xiong Jing Nan នឹងវិលត្រឡប់មកកាន់សង្វៀនអន្តរជាតិ ONE នាចុងខែឧសភានេះ ហើយបន្ទាប់ពីប្រកួតចុងក្រោយកាលពីខែតុលា ឆ្នាំ២០២០នៅប្រទេសសិង្ហបុរី។
ការវិលមកកាន់សង្វៀនលើកនេះ អ្នកលេងគុនចម្រុះចិនដែលគោលជំហរវ៉ៃស្ទើរដូចបុរសត្រូវមានភារកិច្ចការពារខ្សែក្រវាត់គុនចម្រុះពិភពលោក ONE Women’s Strawweight របស់នាងទល់អ្នកប្រជែងដែលជាជើងខ្លាំងចំណាត់ថ្នាក់លេខ២មកពីប្រេស៊ីល Michelle Nicolini ក្នុងព្រឹត្តិការណ៍ផ្សាយផ្ទាល់ ONE: EMPOWER នាថ្ងៃសុក្រ ទី២៨ ខែឧសភា នៅប្រទេសសិង្ហបុរី។
Xiong Jing Nan ជាកីឡាការិនីម្នាក់នៅស្ថាប័ន ONE ដែលត្រូវបានគេសរសើរថា មានចំណុចខ្លាំងសំខាន់២យ៉ាង។ ទី១ នាងពូកែក្បាច់វ៉ៃឈរពីចម្ងាយណាស់ដែលដៃគូភាគច្រើនបំផុតចាញ់ដោយសារជំនាញវ៉ៃឈរនេះហើយ។ នាងវ៉ៃចេញកណ្តាប់ដៃបានយ៉ាងមានប្រសិទ្ធភាព និងមានទម្ងន់ ហើយក៏អាចប្រើជើងទាត់បានល្អដែរ។
ទី២ Jing Nan មានកម្លាំងស៊ុហ្វមាំមួនល្អណាស់។ គិតចាប់តាំងពីឆ្នាំ២០១៨មក នាងបានឆ្លងកាត់ការប្រកួតលើសង្វៀនដែលមានចំនួន៥ទឹកសម្រាប់ការប្រកួតជើងឯក ហើយនាងតែងតែមានកម្លាំងស៊ុហ្វពេញល្អណាស់។ នាងមិនងាយបាក់ស្រុតឡើយរាល់ពេលប្រកួតម្តងៗ។
ចំណែកជំនាញក្រោមគឺគុនចម្រុះ កីឡាការិនីចិនរូបនេះមិនសូវពូកែឡើយ ប៉ុន្តែមានក្បាច់ទប់ទល់បានដោយសារកាយសម្បទាំមាំមួនល្អ និងកម្លាំងស៊ុហ្វខ្លាំងដែលជាចំណែកដ៏សំខាន់ក្នុងការរើបម្រះចេញពីការកៀបសង្កត់របស់ដៃ ប៉ុន្តែអាចនិយាយបានថា ជំនាញក្រោមនាងចាញ់ប្រៀបដៃគូ។
ការវិលមកកាន់សង្វៀនលើកមិនមែនជាការងាយស្រួលសម្រាប់ Jing Nan ដើម្បីការពារខ្សែក្រវាត់របស់ខ្លួនឡើយនៅពេលត្រូវជួបអ្នកជំនាញជឺជីតស៊ូពិភពលោក Michelle Nicolini របស់ប្រេស៊ីល។
Michelle Nicolini ជាអ្នកជំនាញជឺជីតស៊ូពិតប្រាកដ។ កីឡាការិនីប្រេស៊ីលអាយុ៣៩ឆ្នាំនេះឆ្លងកាត់ជោកជាំណាស់ និងសមិទ្ធផលកម្រិតអន្តរជាតិរាប់មិនអស់។ នាងបានឈ្នះមេដាយមាសពិភពលោកពីកីឡាជឺជីតស៊ូ៨ដងគិតពីឆ្នាំ២០០៦ដល់ឆ្នាំ២០១៤។
ជាមួយគ្នានេះ Michelle Nicolini បានឈ្នះជើងឯកទ្វីបអាហ្វ្រិក២ដងគឺឆ្នាំ២០១១ និង២០១៣។ ចំណែកជើងឯកទ្វីបអឺរ៉ុបវិញ នាងធ្លាប់ឈ្នះ៣ដងគឺឆ្នាំ២០១២ ពីរដង និង២០១៤ ហើយជើងឯកថ្នាក់ជាតិប្រេស៊ីលនាងធ្លាប់ឈ្នះ៣ដង ព្រមទាំងមេដាយមាសកម្រិតអន្តរជាតិជាច្រើនទៀត។ សរុបមេដាយមាសទាំងអស់ពីថ្នាក់ជាតិ តំបន់ ទ្វីប និងពិភពលោកគឺនាងប្រមូលបាន២៨គ្រឿងដោយមិនគិតពីមេដាយប្រាក់ និងសំរឹទ្ធផង។
បើនិយាយពីការប្រកួតគុនចម្រុះវិញ នាង Michelle Nicolini ទើបតែប្រកួតបានគុនចម្រុះបាន៨ដងប៉ុណ្ណោះក្នុងនោះឈ្នះ៦ និងចាញ់២ ធៀបនឹង Jing Nan ដែលធ្លាប់ប្រកួតបាន១៧ដងគឺឈ្នះ១៥ និងចាញ់២។
យ៉ាងណា នាងធ្លាប់ទទួលបានជ័យជម្នះលើកីឡាការិនីជើងឯកពិភពលោក Angela Lee កាលពីឆ្នាំ២០១៩ដោយពិន្ទុសម្រាប់ការប្រកួតមិត្តភាពដែលជំរុញឲ្យនាងទទួលបានឱកាសប្រកួតដណ្តើមខ្សែក្រវាត់ជាមួយ Jing Nan ដែលធ្លាប់ឈ្នះ និងចាញ់ Angela Lee ដែរ។
ជំនួបនេះអាចនិយាយថា ម្ចាស់ខ្សែក្រវាត់មានប្រៀបក្បាច់វ៉ៃឈរ ខណៈអ្នកដណ្តើមមានប្រៀបក្បាច់ក្រោម ដូច្នេះបើនរណាម្នាក់ធ្វេសប្រហែសគឺចប់ហើយ៕
ប្រឡូកប្រដាល់១០ឆ្នាំ Kaneko ចាញ់៣ដងគត់ គ្រងខ្សែក្រវាត់៣គ្រឿង
ពលរដ្ឋពឹងដង្ហើមទេសចរនៅសហគមន៍ទេសចរណ៍កំពង់ភ្លុក ស្នើអាជ្ញាធរជួយធ្វើផ្លូវនិងស្តារព្រែក
ឥណ្ឌា ជួបវិបត្តិខ្វះទឹកប្រើប្រាស់នៅរដូវក្ដៅនេះ
ចិនផ្ដល់ឧបករណ៍តេស្តរកសារធាតុញៀនចំនួន១ ៣០០០តេស្ដ ដល់ក្រសួងមហាផ្ទៃ
គ្រូពេទ្យរុស្ស៊ី បង្កើតប្រវត្តិសាស្រ្តពិភពលោក វះកាត់យកសាច់មហារីក ១៧០ដុំ ពីខ្លួនមនុស្ស ដោយជោគជ័យ
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង