កីឡា
នារីជប៉ុន Itsuki គិតថា ខ្លាញីឥណ្ឌា Ritu ល្ងង់ដែលគិតថា «ផ្តួលខ្ញុំឲ្យសន្លប់»
កីឡាការិនីគុនចម្រុះជប៉ុន Itsuki Hirata ត្រូវប្រឈមនឹងកីឡាការិនីឥណ្ឌារហស្សនាម«ខ្លាញីឥណ្ឌា» Ritu Phogat ក្នុងវគ្គពាក់កណ្តាលផ្តាច់ព្រ័ត្រកម្មវិធីខ្សែក្រវាត់ពិភពលោក ONE Women’s Atomweight World Grand Prix នៅព្រឹត្តិការណ៍ផ្សាយផ្ទាល់ ONE: NEXT GEN នាថ្ងៃសុក្រ ទី២៩ ខែតុលានេះនៅប្រទេសសិង្ហបុរី។
មុនឈានដល់វគ្គពាក់កណ្តាលផ្តាច់ព្រ័ត្រ អ្នកលេងគុនចម្រុះជប៉ុន Itsuki Hirata អាយុ២២ឆ្នាំបានប្រកួតឈ្នះកីឡាការិនីអាមេរិក Alyse Anerson ដោយពិន្ទុកាលពីថ្ងៃទី៣ ខែកញ្ញា ហើយនៅរាត្រីជាមួយគ្នានោះ កីឡាការិនីឥណ្ឌា Ritu Phogat បានប្រកួតឈ្នះកីឡាការិនីចិន Meng Bo ដោយពិន្ទុដែរ។ សម្រាប់ការត្រៀមខ្លួនប្រកួតរកកៅអីវគ្គផ្តាច់ព្រ័ត្រនេះ Ritu យល់ឃើញខ្លួនឯងថា ដៃគូសម្លឹងមើលឃើញនាងមានចំណុចខ្លាំងតែម្យ៉ាងគត់គឺចំបាប់ ហើយនាងខ្លួនឯងក៏បានបញ្ជាក់ថា ក្នុងចំណោមកីឡាការិនីទម្ងន់ atomweight គ្មាននរណាម្នាក់ដែលមានជំនាញចំបាប់ល្អជាងនាងទេ។
កីឡាការិនីចំបាប់ជម្រើសជាតិឥណ្ឌាបានបញ្ជាក់ថា នៅពេលនេះ នាងមិនដូច Ritu ពីមុនទេ។ នាងនឹងផ្តួលដៃគូវគ្គពាក់កណ្តាលផ្តាច់ព្រ័ត្រដោយជំនាញផ្សេង ហើយផ្តួលដៃគូវគ្គផ្តាច់ព្រ័ត្រដោយវិធីផ្សេងទៀត។ ឆ្លើយតបនឹងសំដីរបស់ Ritu កីឡាការិនីជប៉ុនដែលមិនទាន់ស្គាល់បរាជ័យក្នុងអាជីពគុនចម្រុះបាននិយាយថា ៖«ប្រកួតជាមួយដៃគូដែលមានជំនាញក្រោមដូចគ្នា គឺខ្ញុំមានទំនុកចិត្តណាស់ ដូច្នេះខ្ញុំចង់ឈ្នះដោយប្រើក្បាច់ក្រោម។ ខ្ញុំគិតថា Ritu ល្ងង់ដែលនិយាយថា នាងនឹងឈ្នះខ្ញុំដោយផ្តួលឲ្យសន្លប់»។
មែនហើយ កីឡាការិនីទាំងពីរនេះពូកែជំនាញក្រោមដូចគ្នា។ កីឡាការិនីជប៉ុនមានប្រភពដើមពីកីឡាយូដូ ខណៈកីឡាការិនីឥណ្ឌាមានប្រភពដើមពីកីឡាចំបាប់ ដូច្នេះពួកគេចាប់អាជីពគុនចម្រុះដោយមានមូលដ្ឋានគ្រឹះជំនាញក្រោមដូចគ្នា។ ទោះជាយល់ឃើញសំដីរបស់ខ្លាញីឥណ្ឌាល្ងង់ ប៉ុន្តែ Itsuki ទទួលស្គាល់ភាពខ្លាំងរបស់ដៃគូម្នាក់នេះដោយនិយាយថា ៖«ខ្ញុំកត់សំគាល់ឃើញថា គាត់ខ្លាំងនៅទឹកទី៣រាល់ពេលការប្រកួត។ ចាប់ផ្តើមទឹកដំបូងៗធម្មតាទេ តែកាន់តែវ៉ៃកាន់តែល្អ»។
នាងនិយាយថា ៖«ខ្ញុំនឹងបង្ក្រាបខ្លាញីឥណ្ឌា។ ខ្ញុំគិតថា ខ្ញុំអាចធ្វើបាន។ ខ្ញុំហ្វឹកហាត់ជំនាញក្រោមច្រើនណាស់ជាមួយកំពូលកីឡាករគុនចម្រុះ Shinya Aoki និងអ្នកពូកែជាច្រើនទៀត»។
«ប្រកួតចុងក្រោយខ្ញុំឈ្នះដោយពិន្ទុប៉ុណ្ណោះ គួរឲ្យធុញលទ្ធផលបែបនេះ តែលើកនេះ ខ្ញុំនឹងប្រើបច្ចេកទេសបញ្ឈប់ដៃគូឲ្យបាន»៕
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម២១ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ