កីឡា

គ្រូវៀតណាមមិនហ៊ានវាយតម្លៃក្រុមខ្លួនខ្លាំងជាងគេនៅអាស៊ាន ក្រោយចាញ់ថៃ

បានផុស

៤ years មុន

នៅ

ថ្ងៃចន្ទ ២៧ ធ្នូ ២០២១

ដោយ

ក្រុមបាល់ទាត់ជម្រើសជាតិវៀតណាមមិនអាចការពារតំណែងជើងឯកឆ្នាំចាស់ AFF Cup បានទេ បន្ទាប់ពីធ្លាក់ត្រឹមវគ្គពាក់កណ្តាលផ្តាច់ព្រ័ត្រដោយសារថៃដែលសរុបទាំងពីរជើងចាញ់ ២-០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតជើងទី១ វៀតណាមបានចាញ់ថៃដោយលទ្ធផល ២-០ និងប្រកួតជើងទី២កាលពីយប់មិញបានត្រឹមលទ្ធផលស្មើ ០-០ ដូច្នេះក្រុមជាប់របងកម្ពុជាមួយនេះអស់ឱកាសទៅវគ្គផ្តាច់ព្រ័ត្រ ខណៈថៃឡើងទៅជួបឥណ្ឌូណេស៊ីវគ្គផ្តាច់ព្រ័ត្រ។

ក្រោយចប់ការប្រកួតនៅក្នុងសន្និសីទសារព័ត៌មាន លោក Park Hang-seo គ្រូបង្វឹកជម្រើសជាតិវៀតណាមសញ្ជាតិកូរ៉េខាងត្បូងមិនចង់និយាយអ្វីឡើយ ហើយក៏មិនហ៊ានវាយតម្លៃជម្រើសជាតិវៀតណាមជាក្រុមខ្លាំងបំផុតនៅអាស៊ានទេ។

លោក Park បាននិយាយថា ៖«យើងចាញ់ ដូច្នេះខ្ញុំគ្មានអ្វីត្រូវនិយាយទេ។ ខ្ញុំមិនដឹងនិយាយពីអ្វីឡើយ»។

តាមពិតទៅ វៀតណាមព្យាយាមលេងសម្រុកទៅតំបន់ប្រយុទ្ធច្រើន និងមានឱកាសស៊ុតបានច្រើន ប៉ុន្តែគ្មានសំណាង ខណៈថៃបានគ្រប់គ្រងបាល់យ៉ាងល្អ និងមានឱកាសស៊ុតលើទីរបស់វៀតណាមតិចជាង។

គ្រូបង្វឹកសញ្ជាតិកូរ៉េបាននិយាយថា ៖«វាច្បាស់ណាស់ថា វៀតណាមបរាជ័យ។ ក្រុមមិនបានឡើងវគ្គផ្តាច់ព្រ័ត្រ។ រឿងមិនល្អទេដែលចាញ់។ យើងខ្ញុំទទួលស្គាល់នេះជាបរាជ័យរបស់យើង ប៉ុន្តែក្រុមបានខំប្រឹងប្រែងហើយ»។

លោក Park បានសង្កត់ធ្ងន់ថា ៖«ខ្ញុំមិនអាចវាយតម្លៃថាតើវៀតណាមនៅតែជាក្រុមខ្លាំងបំផុតនៅអាស៊ីអាគ្នេយ៍ឬយ៉ាងណាទេ តែយើងជឿជាក់ក្នុងការយកឈ្នះដៃគូណាមួយ»៕

ប្រែសម្រួល៖ វីរបុត្រ
ប្រភព៖ e.vnexpress

Related Topics: