កីឡា
Roman Kryklia មានទំនុកចិត្តក្នុងការឡើងការពារខ្សែក្រវាត់ទល់នឹង Murat Aygun នៅខែ មករា
ម្ចាស់ខ្សែក្រវាត់ឃីកបុកសីងពិភពលោក ONE Light Heavyweight កីឡាករ Roman Kryklia ត្រូវឡើងការពារខ្សែក្រវាត់ទល់នឹងកីឡាករកូនាត់ហូឡង់តួកគី Murat “The Butcher” Aygun បន្ទាប់ពីខកខានកាលខែ តុលា ដោយសារតែការពន្យាពេល។
កីឡាករទាំងពីរនឹងឡើងដណ្ដើមខ្សែក្រវាត់នៅសង្វៀន ONE: HEAVY HITTERS នាថ្ងៃសុក្រទី ១៤ ខែ មករា ដែលរៀបចំឡើងនៅកីឡដ្ឋាន Singapore Indoor Stadium។ ម្ចាស់ខ្សែក្រវាតត់សញ្ជាតិ អ៊ុយក្រែនបានប្រើប្រាស់ពេលវេលាពីរបីខែចុងក្រោយនេះដើម្បីស្វែងយល់អំពីគូប្រជែងកាន់តែល្អជាងមុន។
Kryklia បានថ្លែងយ៉ាងដូច្នេះ ៖«វាជាលើកដំបូងដែលយើងរៀបចំខ្លួនសម្រាប់ការប្រកួតនេះ។ មានរឿងលំបាកមួយចំនួន ប៉ុន្តែ ខ្ញុំមានអារម្មណ៍ ១០០ ភាគរយ និង ធ្វើបានល្អបំផុតក្នុងការប្រកួតខាងមុខនេះ។ ជាមួយនឹងគ្រូបង្វឹករបស់ខ្ញុំ យើងបានសិក្សាអំពីគូប្រជែង និង រៀបចំខ្លួនសម្រាប់ការប្រកួតនេះ និងរៀបចំខ្លួនរយៈពេលយូរមកហើយ។ ហើយពេលនេះ ខ្ញុំមានឱកាសដើម្បីបង្ហាញអំពីលទ្ធផលនៃកិច្ចការងាររបស់ខ្ញុំ»។
ក្នុងការឡើងការពារខ្សែក្រវាត់ពិភពលោក World Title កីឡាករវ័យ ៣០ ឆ្នាំមិនមានអ្វីព្រួយបារម្ភឡើយពេលជួប Aygun ក្នុងនាមគូឯករងនៃព្រឹត្តិការណ៍ប្រកួតដំបូងឆ្នាំ ២០២២។
កីឡាករដដែលបន្តថា ៖«វាជាទំនួលខុសត្រូវដ៏អស្ចារ្យមួយក្នុងនាមម្ចាស់ខ្សែក្រវាត់។ គ្រប់ការប្រកួតត្រូវបានទស្សនាពីគ្រប់មជ្ឈដ្ឋាន, និងការដាក់ក្ដីរំពឹងខ្ពស់។ វាជាការប្រកួតប្រជែងក្នុងជីវិតរបស់ខ្ញុំដើម្បីការពារខ្សែក្រវាត់រៀងរាល់ពេល។ ខ្ញុំចូលចិត្តការប្រកួតប្រជែងនេះ។ ខ្ញុំរៀបចំគ្រប់ការប្រកួតជាមួយនឹងការទទួលខុសត្រូវខ្ពស់, យុទ្ធសាស្ត្រ និង ផ្នែកកាយសម្បទា។ ពេលខ្ញុំហក់ចូលសង្វៀន ខ្ញុំមានតែគោលដៅមួយគត់ គឺ ឈ្នះការប្រកួត និង បង្ហាញខ្លួនខ្ញុំទៅកាន់ពិភពលោក»។
ជាមួយគ្នានោះ Kryklia ក៏បានថ្លែងអំពីគូប្រជែងដូច្នេះ ៖«Murat Aygun គឺជាកីឡាករដ៏គឃ្លើនម្នាក់ដែលមានក្បាច់ដៃ និង ជើងល្អ ។ គេជាជើងចាស់ឃីកបុកសីងហូឡង់ដ៏ចំណាន។ ខ្ញុំបានសិក្សាអំពីគាត់ ប៉ុន្តែ ខ្ញុំគិតថាមិនមានបញ្ហាអ្វីចោទទេ។ វាជារឿងល្អសម្រាប់ខ្ញុំ។ តែអ្វីដែលអ្នករំពឹងពី Murat គឺ ការដើរចូលទៅមុខ និង ចូលវ៉ៃកៀក។ នេះជាអ្វីខ្ញុំអាចទាយបាន។ ខ្ញុំត្រៀមរួចរាល់គ្រប់បែបយ៉ាង»។
គូប្រជែងសញ្ជាតិហូឡង់-តួកគី មានកំណត់ត្រាឈ្នះ ១៧ ដង និងចាញ់ ១ ដង សម្រាប់សង្វៀនប្រើក្បាច់ប្រយុទ្ធ។ ប៉ុន្តែ ម្ចាស់ខ្សែក្រវាត់ ចង់ធ្វើឲ្យល្អបំផុត ស្របពេលដែល “The Butcher” មានបច្ចេកទេសល្អ និង អាចប្រើកម្លាំងដ៏គ្រោះថ្នាក់របស់ខ្លួនបាន។
Kryklia សង្កត់ធ្ងន់ថា «ក្នុងការប្រកួតខាងមុខនេះ ខ្ញុំចង់បង្ហាញថា ខ្ញុំគ្រប់គ្រងការប្រកួតទាំងស្រុង។ ខ្ញុំអត់មានផែនការនៅក្នុងចិត្តនោះទេថាអាចបញ្ចប់គូប្រកួតដោយវិធីណា។ រឿងចម្បង គឺ ត្រូវគ្រប់គ្រងគូប្រកួតឲ្យល្អបំផុត។ ពិតណាស់ ជង្គង់ គឺជាបច្ចេកទេសល្អបំផុតមួយរបស់ខ្ញុំ។ យើងនឹងឃើញថា តើ Aygun អាចការពារដោយវិធីណា។ នៅខែមករា ខាងមុខ តើ Roman Kryklia អាចការពារខ្សែក្រវាត់របស់ខ្លួនបានជោគជ័យ ឬ យ៉ាងណា?៕
-
សេដ្ឋកិច្ច៥ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ២ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៥ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៣ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៣ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៥ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៥ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៤ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ