បែកធ្លាយរូប អាវរដូវកាលថ្មីរបស់ក្លិប Man Utd អ្នកគាំទ្រសរសើរមិនដាច់ពីមាត់! 

អ្នកគាំទ្រក្លិបបិសាចក្រហម Manchester United បានសរសើរមិនដាច់ពីមាត់ចំពោះអាវបែកធ្លាយរបស់ក្លិបពួកគេសម្រាប់រដូវកាល ២០២២/២០២៣ ដែលមានលក្ខណៈពិសេសបែបអតីតកាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពបែកធ្លាយជាច្រើនសន្លឹក ត្រូវបានចែកចាយនៅលើប្រព័ន្ធផ្សព្វផ្សាយសង្គម ក្នុងរយៈពេលប៉ុន្មានសប្តាហ៍កន្លងមកនេះ ប៉ុន្តែគេហទំព័រឈុតសម្លៀកបំពាក់ដែលគួរឲ្យទុកចិត្ត Footy Headlines ឥឡូវនេះ បានចេញការបញ្ជាក់ច្បាស់ៗ។

ក្លិបបិសាចក្រហមសង្ឃឹមថា រដូវកាលក្រោយពួកគេនឹងអាចស្តារមុខមាត់ឡើងវិញ បន្ទាប់ពីស៊ូទ្រាំនឹងការធ្លាក់ចុះដុនដាបចាប់តាំងពីគ្រូតា Sir Alex Ferguson ចូលនិវត្តន៍ក្នុងឆ្នាំ ២០១៣មក។

អាវ​នេះ​មាន​ពណ៌​ក្រហមចាស់​បន្តិច ​បើ​ធៀប​នឹង​អាវរដូវ​កាល​នេះ​ ហើយ​មាន​ឆ្នូត Adidas ពណ៌​ខ្មៅ មិនមែន​ពណ៌​ស។

អ្វីដែលប្លែកខ្លាំងនោះគឺត្រង់ កអាវ ដែលមានការរចនាបែបស្រួចៗពណ៌ក្រហម និងខ្មៅ ដូចអតីតកាល ស្រដៀងនឹងឈុតរដូវកាលឆ្នាំ១៩៩៤។

ចំណែកឯ​ Logo របស់ក្លិប ត្រូវបានដាក់នៅលើខែលពណ៌ក្រហម ជាជាងដាក់ដោយផ្ទាល់ទៅលើអាវ ដែលធ្វើឲ្យ Logo កាន់តែមានភាពលេចធ្លោ។

ហ្វេនៗបិសាចក្រហម ពេញចិត្តយ៉ាងខ្លាំងជាមួយនឹងអាវលេចធ្លាយនេះ ដោយអ្នកគាំទ្រម្នាក់បានសរសេរថា “បែបបុរាណអ៊ីចឹង នឹងលក់ដាច់គ្មានសល់ទេ”។ អ្នកគាំទ្រម្នាក់​ទៀត​បន្ថែម​ថា “កអាវ ​ពិត​ជារចនាបាន​ល្អ​ណាស់”៕

ប្រែសម្រួល៖ Vann Vann

ប្រភព៖ Daily Star

ចុចអាន៖ ផ្ទុះកូវីដក្នុងក្លិប Man Utd ឆ្លងកីឡាករ និងបុគ្គលិកច្រើននាក់