កីឡា
កីឡដ្ឋានកំពង់ស្ពឺ របស់ក្លិបណាហ្គាវើលដ៍ នឹងរួចរាល់សម្រាប់ការប្រើប្រាស់នៅ ២ខែខាងមុខ
ក្លិបបាល់ទាត់ណាហ្គាវើលដ៍ ដែលកំពុងសាងសងកីឡដ្ឋានថ្មីរបស់ខ្លួន នៅក្នុងទីរួមខេត្តកំពង់ស្ពឺនោះ នឹងឈានទៅបញ្ចប់ ហើយរួចរាល់សម្រាប់ការប្រើប្រាស់នៅអំឡុង ២ខែខាងមុខ។
តាមការបញ្ជាក់ដោយលោក Jose Alves Borges នាយកបច្ចេកទេសរបស់ក្លិបបានបញ្ជាក់ដូច្នេះថា «ណាហ្គា បានសហការជាមួយរដ្ឋបាលខេត្តកំពង់ស្ពឺ សាងសង់កីឡដ្ឋានថ្មីមួយនៅទីនោះ ហើយយើងយកទីនោះធ្វើជាទឹកដីរបស់យើង។ មកទល់ពេលនេះ ប្រហែលជា ២ខែទៀត យើងអាចប្រើប្រាស់វាបានហើយ បន្ទាប់កីឡដ្ឋាននោះនឹងក្លាយជាកីឡដ្ឋានដ៏ស្រស់ស្អាត ជាពិសេសក៏ល្អសម្រាប់អ្នកគាំទ្រក្នុងខេត្តផងដែរ។»
លោកបានឱ្យដឹងទៀតថា បើទោះបីជាណាហ្គាវើលដ៍ មានទឹកដីនៅខេត្តកំពង់ស្ពឺក្ដី ប៉ុន្តែកីឡាករនៅតែបន្តហ្វឹកហាត់នៅភ្នំពេញ ហើយមួយថ្ងៃមុនការប្រកួតមកដល់ ទើបក្លិបធ្វើដំណើរទៅទីនោះដើម្បីហ្វឹកហាត់ ដោយសារចម្ងាយពីរាជធានីភ្នំពេញ ទៅខេត្តកំពង់ស្ពឺ មិនជាឆ្ងាយ (ប្រមាណ ៥១គីឡូម៉ែត្រ)។ បច្ចុប្បន្នកីឡដ្ឋានកំពង់ស្ពឺ បានបញ្ចប់ការសាងសង់កន្លែងអង្គុយទស្សនា និងដំបូលរួចរាល់ ហើយឈានដល់ការក្រាលស្មៅសិប្បនិមិត្ត។
បញ្ជាក់ថា កីឡដ្ឋានខេត្តកំពង់ស្ពឺ ស្ថិតនៅតាមបណ្ដោយផ្លូវជាតិលេខ៤៤ ចម្ងាយប្រមាណ៤គីឡូម៉ែត្រ ពីផ្លូវជាតិលេខ៤ នៅភូមិតាម៉ុល សង្កាត់ច្បារមន ក្រុងច្បារមន ខេត្តកំពង់ស្ពឺ ដែលសាងសង់លើផ្ទៃដីជាង៤ហិកតាសម្រាប់ជុំទី២ នៃពានរង្វាន់ជម្រើសជើងឯកខេមបូឌានព្រីមៀរលីគ ឆ្នាំ២០២២។
កីឡដ្ឋាននេះ ចំណាយថវិកាប្រមាណជាង២លានដុល្លារអាមេរិក ក្រោមជំនួយឧបត្ថម្ភពីមូលនិធិណាហ្គាវើលដ៍ និងសប្បុរសជននានា ក្រោមគំនិតផ្ដួចផ្ដើមពីសំណាក់ឯកឧត្តម ហ៊ុន ម៉ានី សមាជិករដ្ឋសភា តំណាងរាស្ត្រមណ្ឌលកំពង់ស្ពឺ និងជាប្រធានសហភាពសហព័ន្ធយុវជនកម្ពុជា៕
អត្ថបទ៖ មន្នីរ័ត្ន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?