Connect with us

កីឡា

គ្រូបាល់ទះកម្ពុជា ប្រើយុទ្ធសាស្ត្រ​កីឡាករក្មេងសម្រុក ​កីឡាករ​ចាស់​ទប់ ស៊ីហ្គេមនៅ​វៀតណាម

បានផុស

នៅ

គ្រូបង្វឹកបាល់ទះក្នុងសាលជម្រើសជាតិកម្ពុជា លោក Li Jun បានឱ្យបង្ហើបឱ្យដឹងពីយុទ្ធសាស្ត្រសម្រាប់ត្រៀមប្រកួតស៊ីហ្គេមលើកទី៣១ នៅប្រទេសវៀតណាមថា នឹងប្រើកីឡាករក្មេៗដើម្បីសម្រុក ហើយកីឡាករចាស់ៗដើម្បីទប់ ពេលប្រកួតតទល់ជាមួយក្រុមខ្លាំងៗដែលរួមពូល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងបទសម្ភាសន៍កាលពីពេលថ្មីៗនេះ លោក Li Jun បានបញ្ជាក់ថា៖ «បច្ចុប្បន្ននេះនិយាយពីវ័យវិញ យើងមានដល់ទៅបីវ័យគឺ វ័យចាស់ កណ្ដាល ក្មេង គឺមានទាំងអស់នៅក្នុងក្រុមរបស់យើង។ ហើយសម្រាប់កីឡាករក្មេងៗដែលទើបតែចូលនេះ ខ្ញុំនឹងខំបង្វឹកពួកគាត់ដើម្បីធ្វើជាថ្នាលមួយដើម្បីត្រៀមការប្រកួតសម្រាប់ស៊ីហ្គេមដែលរៀបចំដោយកម្ពុជាយើងផ្ទាល់ យុទ្ធសាស្ត្ររបស់ខ្ញុំនៅពេលនេះគឺប្រើក្មេងៗដើម្បីសម្រុក ហើយប្រើកីឡាករចាស់ៗដើម្បីទប់»។

បាល់ទះកម្ពុជានឹងស្ថិតនៅពូល B ជាមួយថៃនិងហ្វីលីពីន ខណៈការប្រកួតគ្រោងនឹងធ្វើចន្លោះថ្ងៃទី ១៣ ដល់ទី ២២ ខែឧសភាឆ្នាំ២០២២ ស្របពេលដែលប្រកួតបើកឆាកកម្ពុជានឹងចាប់ផ្ដើមនៅថ្ងៃទី១៤ ដោយត្រូវប៉ះហ្វីលីពីននាម៉ោង១២ថ្ងៃត្រង់បន្ទាប់មកនៅថ្ងៃទី១៨ខែឧសភា ជួបជាមួយថៃវេលាម៉ោង១២ថ្ងៃត្រង់ដដែល។

គ្រូបង្វឹកសញ្ជាតិចិនរូបនេះបានរៀបរាប់បន្ថែមទៀតថា៖ «សម្រាប់ការប្រកួតនេះដែរគឺយើងនៅក្នុងពូលជាមួយប្រទេសថៃ និងហ្វីលីពីន ដែលពួកគាត់កាលពីឆ្នាំមុន ពួកគេក្រុមមួយគឺលេខ២ និងក្រុមមួយគឺលេខ៣ ដូច្នេះហើយទើបការហ្វឹកហាត់មួយរយៈពេលចុងក្រោយនេះ គឺខ្ញុំយកក្រុមរបស់គាត់ទាំងពីរដែលជាក្រុមខ្លាំងធ្វើជាគោលដៅ ហើយប្រឹងហ្វឹកហាត់ដើម្បីប្រកួតជាមួយពួកគាត់ ការងារទីមួយនាពេលឥឡូវនេះគឺរៀបចំកីឡាករយើងឱ្យបានត្រឹមត្រូវ ដើម្បីប្រឈមមុខនឹងគូបក្សដិបក្ខរបស់ពួកយើង»។

កាលពីស៊ីហ្គេមលើកទី៣០ឆ្នាំ២០១៩ នៅប្រទេសហ្វីលីពីន បាល់ទះកម្ពុជាបានបញ្ចប់ទៅដោយឈរនៅលេខ៦ក្នុងតារាងចំណាត់ថ្នាក់រួមដែលមាន៧ក្រុម។ កម្ពុជានៅពូលB ជាមួយម្ចាស់ផ្ទះហ្វីលីពីនឥណ្ឌូនេស៊ីនិងវៀតណាមហើយប្រកួតឈ្នះ១លើវៀតណាមក្នុងលទ្ធផល៣សិតទល់នឹង២ ប៉ុន្តែចាញ់ហ្វីលីពីន៣សិតទល់នឹង០ និងចាញ់ឥណ្ឌូនេស៊ី ៣ សិតទល់នឹង ០ ដូចគ្នា៕

អត្ថបទ៖មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៧ នាទី មុន

គម្រោងស្ថាបនាផ្លូវក្រវាត់ក្រុងទី៣ គិតរហូតមកទល់ពេលនេះ សម្រេចវឌ្ឍនភាពការងារបាន ៧៣,៧០%ហើយ

KPT+៣៨ នាទី មុន

នេះជាការពិត ដែលពិធីបុណ្យប្រពៃណីឥណ្ឌា មានអ្នកចាក់ទម្លុះម្ជុលពេញដងខ្លួន មិនខ្លាចឈឺ

កីឡា៥១ នាទី មុន

កីឡាករ​កូនកាត់​ខ្មែរ​អាមេរិក១​រូប​ កំពុង​ត្រូវ​បាន​អ្នក​ស្នេហា​វិស័យ​បាល់ទាត់ ចង់ឃើញ​ចូល​ក្រុម​ជម្រើសជាតិ​កម្ពុជា

ព័ត៌មានជាតិ១ ម៉ោង មុន

៥​ឆ្នាំ​ចុង​ក្រោយនេះ ខេត្ត​ព្រះសីហនុ​សម្រេចបាន​សមិទ្ធ​ផល គួរ​ជាទី​មោទនៈ ធ្វើ​ឲ្យ​ខេត្ត​មួយ​នេះ ប្រែ​មុខមាត់​កាន់តែ​ល្អ​ប្រសើរ​ឡើង

ព័ត៌មានជាតិ១ ម៉ោង មុន

តំណាង​បក្ស​ប្រជាជន ជួប​សន្ទនា​ជាមួយ​ប្រតិភូ​សហភាព​អឺរ៉ុប ដើម្បី​ផ្លាស់ប្ដូរ​បទ ពិសោធន៍ នៃ​យុទ្ធនាការ​ឃោសនាបោះឆ្នោត​

Sokha Hotels

ព័ត៌មានពេញនិយម