កីឡា
សហព័ន្ធបាល់ទះត្រៀមប្រកួតពានសម្តេចតេជោ ក្រោយចប់ពានសម្តេចក្រឡាហោម
សហព័ន្ធកីឡាបាល់ទះកម្ពុជាត្រៀមរៀបចំការប្រកួតបាល់ទះពានរង្វាន់សម្តេចសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បន្ទាប់ពីរៀបចំការប្រកួតពានរង្វាន់ សម្តេចក្រឡាហោម ស ខេង ឆ្នាំ២០២២ ប្រកបដោយជោគជ័យ។
លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា បានឲ្យដឹងថា ពានរង្វាន់សម្តេចក្រឡាហោម ស ខេង នឹងបន្តធ្វើរាល់ឆ្នាំខាងមុខទៀត ខណៈក្រុមខ្លាំងត្រឹមវគ្គ៨ក្រុមចុងក្រោយ និងក្រុមខ្លាំងផ្សេងទៀត ត្រូវបន្តប្រកួតពានរង្វាន់សម្តេចតេជោ ហ៊ុន សែន ឆ្នាំ២០២២ ខាងមុខទៀត។
ឯកឧត្តម នេត សាវឿន ប្រធានសហព័ន្ធកីឡាបាល់ទះកម្ពុជា បានចាត់ទុកថា ការប្រកួតក្នុងពានរង្វាន់សម្តេចក្រឡាហោម នេះជាការផ្តល់បច្ចេកទេស និងបទពិសោធ ដ៏ល្អមួយសម្រាប់ក្រុមនានាមកពីតាមបណ្តារាជធានី-ខេត្ត។ ឯកឧត្តមបានកោតសរសើរដល់មន្ត្រីសហព័ន្ធ គណៈកម្មការរៀបចំការប្រកួត ក្រុមចូលរួមប្រកួត អ្នកឧបត្ថម្ភនានា ដែលជំរុញឱ្យការប្រកួតនេះដំណើរការទៅដោយជោគជ័យ។
ឯកឧត្តម នេត សាវឿនមានប្រសាសន៍ថា ៖«សូមក្រុមទាំងអស់កែប្រែកំហុសបច្ចេកទេស របស់ខ្លួនឱ្យបានល្អដើម្បីត្រៀមការប្រកួតក្នុងពានរង្វាន់កម្រិតខ្ពស់មួយទៀត គឺពានរង្វាន់សម្តេចតេជោ ហ៊ុន សែន ចុងឆ្នាំនេះ។ ក្រុមដែលឈ្នះជ័យលាភីត្រូវខិតខំហ្វឹកហាត់ថែមទៀត ដើម្បីប្រជែងឱកាសលើឆាកអន្តរជាតិនាពេលខាងមុខ ព្រោះថា ប្រទេសក្នុងតំបន់យើងមួយចំនួនគេមិនសប្បាយចិត្តទេពេលឃើញយើងរីកចម្រើន។ ចំណែកក្រុមដែលមិនបានជ័យលាភីសូមកុំបោះបង់ហើយខិតខំប្រឹងប្រែងថែមទៀត មិនមែនចាញ់ហើយយើងរំសាយក្រុមចោលនោះទេ។ សូមគណៈកម្មការរៀបចំការប្រកួតនិងមន្រ្តីសហព័ន្ធតាមដានរឿងនេះផង»។
ក្រុមបាល់ទះវិសាខា B បានក្លាយជាម្ចាស់ជើងឯកពានរង្វាន់បាល់ទះសម្តេចក្រឡាហោម ស ខេង ឆ្នាំ២០២២ ក្រោយយកឈ្នះលើក្រុមរដ្ឋបាលរាជធានីភ្នំពេញ B ដោយលទ្ធផល ៣សិតទល់២សិតក្នុងវគ្គផ្ដាច់ព្រ័ត្រ នាល្ងាចថ្ងៃអាទិត្យ ទី២៦ ខែមិថុនា ឆ្នាំ២០២២ លើទីលានបាល់ទះកីឡដ្ឋានព្រីនស៍ ក្នុងរាជធានីភ្នំពេញ។
ពានរង្វាន់បាល់ទះសម្តេចក្រឡាហោម ស ខេង ឆ្នាំ២០២២ នេះមានក្រុមចូលរួមចំនួន ២១ ដោយបែងចែកជា៤ពូលផ្សេងគ្នា ដោយចាប់ដំណើរការប្រកួតពីថ្ងៃទី៨ ដល់២៦ ខែមិថុនា ឆ្នាំ២០២២។
ក្នុងនាមជាម្ចាស់ជើងឯកក្រុមបាល់ទះវិសាខា B ទទួលបានពានរង្វាន់ធំ១ មេដាយមាសម្នាក់១ អមដោយថវិការ៥០០០ដុល្លារអាមេរិក ហើយក្រុមរដ្ឋបាលរាជធានីភ្នំពេញ B ទទួលបានមេដាយប្រាក់ម្នាក់១ អមដោយថវិកា ៣០០០ដុល្លារ ក្រុមលេខ៣សមាគមកីឡាបាល់ទះខេត្តសៀមរាប ទទួលបានមេដាយសំរឹទ្ធិម្នាក់១ អមដោយថវិការ ២០០០ដុល្លារ និងលេខ៤ ស្នងការដ្ឋាននគរបាលខេត្តតាកែវ ទទួលបានថវិកាលើកទឹកចិត្ត ១០០០ដុល្លារ។
សម្រាប់ពានរង្វាន់ឯកត្តជនវិញកីឡាករម្នាក់ៗទទួលបានពានរង្វាន់ម្នាក់១ អមដោយថវិកាលើកទឹកចិត្ត២០០ដុល្លារ៕
អត្ថបទ៖ វីរបុត្រ
-
សន្តិសុខសង្គម១ ថ្ងៃ ago
ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល
-
ចរាចរណ៍១ សប្តាហ៍ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
បច្ចេកវិទ្យា៤ ថ្ងៃ ago
វិធីប្លែកៗ ជនអានាមិកប្រើដើម្បីបោកបញ្ឆោត តាមប្រព័ន្ធបច្ចេកវិទ្យា
-
ជីវិតកម្សាន្ដ៣ ថ្ងៃ ago
តួកាច Benz ទម្លាយថា នាងធ្លាប់វាយរឹកដាក់អ្នកគាំទ្រ ពេលកេរ្តិ៍ឈ្មោះល្បីល្បាញខ្លាំងកាលវ័យជំទង់
-
ព័ត៌មានជាតិ៥ ថ្ងៃ ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
ព័ត៌មានជាតិ២ ថ្ងៃ ago
ទោះរមណីយដ្ឋានអន្លង់ផ្សោតព្រះរំកិលលែងមានសត្វផ្សោត តែភ្ញៀវទេសចរអាចទៅទស្សនាឆ្អឹងផ្សោតបាន
-
បច្ចេកវិទ្យា៥ ថ្ងៃ ago
កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម
-
ជីវិតកម្សាន្ដ៥ ថ្ងៃ ago
ឆ្មា Taylor Swift ក្លាយជាសត្វចិញ្ចឹមមានទ្រព្យសម្បត្តិ៩៧លានដុល្លារ ក្នុងលំដាប់ទី៣លើលោក