កីឡា

គ្រូបង្វឹកសិង្ហបុរី នៅតែរីករាយទោះចាញ់កម្ពុជា ១-០ ពាន AFF U-19 Boys Championship ម្សិលមិញ

បានផុស

៤ years មុន

នៅ

ថ្ងៃចន្ទ ៤ កក្កដា ២០២២

ដោយ

ក្រុម U-19 សិង្ហបុរី បានប្រកួតចាញ់ U-19 កម្ពុជា ក្នុងជំនួបបើកពូលនៃពានរង្វាន់ជើងឯកយុវជនអាយុក្រោម ១៩ ឆ្នាំអាស៊ាន (AFF U-19 Boys Championship 2022) លទ្ធផល ០-១ កាលពីល្ងាចថ្ងៃទី ០៣ ខែកក្កដា ម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ សុវណ្ណ ដូណា ក្លាយជាកីឡាករនាំជ័យជម្នះដល់ក្រុមបន្ទាប់ពីអាចរកគ្រាប់បាល់ ១ គ្រាប់នៅនាទី ៦ ក្រោយការបញ្ជូនបាល់ freekick ហើយក្រឡកពីដៃអ្នកចាំទីសិង្ហបុរី ចំជើងរបស់គេផ្ទាល់ទាត់បញ្ចូលទីបានសម្រេច។

បើទោះបីជារងបរាជ័យ ប៉ុន្តែគ្រូបង្វឹករបស់ U-19 សិង្ហបុរី លោក Muhammad Fadzuhasny Juraimi នៅតែសម្ដែងក្ដីរីករាយ ដោយលោកបាននិយាយថា៖ «ខ្ញុំគិតថាកូនក្រុមបានធ្វើអស់ពីសមត្ថភាពតាមកាលៈទេសៈ។ ពួកគេភាគច្រើនមិនសូវបានប្រកួតច្រើននោះទេ ហើយអ្នកអាចមើលឃើញថាពួកគេខ្វះភាពប៉ះទង្គិចក្នុងការប្រកួត និងភាពកាយសម្បទា។»

U-19 កម្ពុជា ឈរនៅលេខ ២ ក្នុងពូល B ដោយរកបាន ៣ ពិន្ទុស្មើគ្នាជាមួយ U-19 ឡាវ ប៉ុន្តែ U-19 ឡាវ មានគ្រាប់បាល់ចំណេញច្រើនជាង។ ប្រកួតបន្ទាប់របស់ U-19 កម្ពុជា ត្រូវជួប U-19 ម៉ាឡេស៊ី នៅថ្ងៃទី ០៥ ខែកក្កដា ខាងមុខ៕

អត្ថបទ៖ ណារ៉ុង