Connect with us

កីឡា

U-16 កម្ពុជា ចាញ់​មី​យ៉ាន់​ម៉ា ១-០ ជ្រុះ​ចេញពី​ពានរង្វាន់ AFF U-16 Championship

បានផុស

នៅ

ក្រុម​ជម្រើសជាតិ U-16 កម្ពុជា បាន​ចាញ់​មី​យ៉ាន់​មា ដោយ​លទ្ធ​ល ១-០ ក្នុងជំនួប​ចុងក្រោយ ប្រចាំ​ពូ​ល C នៃ​ពានរង្វាន់​បាល់ទាត់​យុវជន​អាស៊ាន​អាយុ​ក្រោម​១៦​ឆ្នាំ (AFF U-16 Boys’s Championship 2022) នា​ល្ងាច​ថ្ងៃទី​០៨ ខែសីហា ឆ្នាំ​២០២២​។

ការប្រកួត​នេះ​គឺជា​ការប្រកួត​ដ៏​ស្វិតស្វាញ ដោយ​ទាំងពីរ​ក្រុម​សុទ្ធតែ​ត្រូវការ​ឈ្នះ​ដូចគ្នា ដើម្បី​ឡើងទៅ​វគ្គ​ពាក់កណ្ដាល​ផ្ដាច់ព្រ័ត្រ យ៉ាងណាមិញ​នៅ​វគ្គ​ទី​១ ទាំង​កម្ពុជា និង​មី​យ៉ាន់​ម៉ា ព្យាយាម​ក្នុង​ការរក​គ្រាប់​បាល់​ដូចគ្នា មី​យ៉ាន់​ម៉ា មានឱកាស​ទាត់​ទី​ម្ដង​តែ​មិនអាច​សម្រេច​គ្រាប់​បាល់​ឡើយ ខណៈ​កម្ពុជា ក៏មាន​ឱកាស​ម្ដង​ផងដែរ ដោយ​កីឡាករ​ដែល​រកបាន ២​គ្រាប់​ម្នាក់ឯង​កាលពី​យកឈ្នះ​អូស្ត្រាលី ៤-២ ស៊ូ ម៉េង​ហុង ប៉ុន្តែ​សង្គ្រោះបាន​ដោយ​អ្នកចាំទី​មី​យ៉ាន់​ម៉ា ក្រៅពីនេះ​ក្រុម​ទាំងពីរ​បាន​រក្សា​លទ្ធផល ០-០ ដល់​ចប់​វគ្គ​ទី​១​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចូលដល់​វគ្គ​ទី​២ មិនទាន់បាន​ស្រួលបួល​ផង​កម្ពុជា បានធ្វើ​ឱ្យមាន​កំហុស​នៅ​តំបន់​គ្រោះថ្នាក់ ជាហេតុ​នាំឱ្យ​អាជ្ញាកណ្ដាល​សម្រេច​ផ្ដល់​បាល់​ពិន័យ ១១​ម៉ែត្រ​ទៅដល់​មី​យ៉ាន់​ម៉ា ហើយ​ទាត់​បានសម្រេច​ដោយ​កីឡាករ Lin Htet Oo នៅ​នាទី​៤៨​។ ក្រោយ​ត្រូវបាន​មី​យ៉ាន់​ម៉ា នាំមុខ​កម្ពុជា បាន​វាយ​សម្រុក​ជាច្រើនលើក​ច្រើនសារ​ទៅលើ​មី​យ៉ាន់​ម៉ា យ៉ាងណាក៏ដោយ​មិនមាន​ឱកាស​រក​គ្រាប់​បាល់​បានឡើយ គ្រា​ដែល​ចុង​ម៉ោង​ស្ទើរតែ​រក​គ្រាប់​តាម​ស្មើ​ទៅហើយ ប៉ុន្តែ​បែរជា​បុក​នឹងរ​បាទី និង​រក្សា​លទ្ធផល ១-០ ដល់​ចប់​ការប្រកួត​។

លទ្ធផល​នេះ​បានធ្វើឱ្យ​កម្ពុជា អស់​ឱកាស​ឡើង​វគ្គ​បន្ត​ហើយ គ្រា​ដែល​ម៉ាឡេស៊ី បាន​ស្មើ​ជាមួយ អូស្ត្រាលី ២-២ ដូច្នេះ​មី​យ៉ាន់​ម៉ា ជា​ក្រុម​ឡើង​វគ្គ​បន្ត​ដោយមាន ៧​ពិន្ទុ​ក្នុង​ដៃ​។ កម្ពុជា បញ្ចប់​ទៅដោយ​ឈរ​នៅ​លេខ​៣ ក្នុង​ពូ​ល​មាន ៣​ពិន្ទុ លើ​អូស្ត្រាលី ដែល​មានតែ​១​ពិន្ទុ​ប៉ុណ្ណោះ ខណៈ​ម៉ាឡេស៊ី លេខ​២ មាន​៥​ពិន្ទុ៕

អត្ថបទ ​៖ មន្នី​រ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម