កីឡា

កីឡាការិនីជនពិការឈ្នះមេដាយមាស៥ក្នុងចំណោម៧គ្រឿងនៅអាស៊ានប៉ារ៉ាហ្គេមឆ្នាំនេះ

បានផុស

៦ ខែ មុន

នៅ

ថ្ងៃអង្គារ ៩ សីហា ២០២២

ដោយ

អត្តពលិកជនមានពិការភាពកម្ពុជាឈ្នះបានមេដាយ២៨គ្រឿងក្នុងនោះមាស៧ ប្រាក់១០ និងសំរឹទ្ធ១១ ហើយឈរលេខរៀងទី៧ ក្នុងចំណោម ១១ប្រទេសចូលរួមប្រកួតអាស៊ានប៉ារ៉ាហ្គេម លើកទី១១ ឆ្នាំ២០២២ នៅប្រទេសឥណ្ឌូនេស៊ីកាលពីពេលថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្ពុជាបានបញ្ជូនកីឡា១១ប្រភេទចូលរួមប្រកួត ក្នុងនោះមាន៧ប្រភេទកីឡាគឺ អត្តពលកម្ម, ហែលទឹក, អុកអន្តរជាតិ, ប៊ូស្យា, បាល់ទះអង្គុយ, វាយកូនឃ្លីលើតុ និងបាល់បោះអង្គុយលើរទេះ បានឈ្នះមេដាយ ខណៈ៤ប្រភេទទៀតតគឺ វាយសី លើកទម្ងន់ បាល់បោះពិការភ្នែក និងបាល់ទាត់ចលករខួរក្បាលមិនទទួលបានមេដាយទេ។

បើនិយាយពីមេដាយមាសទាំង៧គ្រឿងរបស់អត្តពលិកជនមានពិការភាពកម្ពុជាឈ្នះ កត់សំគាល់ឃើញថា កីឡាការិនីរកបានច្រើនជាងបុរសគឺ កីឡាការិនីរកបាន៥គ្រឿង និងកីឡាកររកបាន២គ្រឿង។

ម្ចាស់មេដាយមាសទាំង៧គ្រឿង

១- កីឡាការិនី អាន ស៊ីណែត, ឡាក់ សាវរី, ស៊ឹម ដា, សាន រដ្ឋា និង ដួង ច័ន្ទរក្សា ឈ្នះមេដាយមាសបាល់បោះជិះរទេះ វិញ្ញាសានារី ៣ទល់៣។
២- កីឡាការិនី វ៉ិត ចន្ថា ឈ្នះមេដាយមាសលោតចម្ងាយ
៣- កីឡាការិនី វ៉ិត ចន្ថា ឈ្នះមេដាយមាស រត់ចម្ងាយ៤០០ម៉ែត្រ
៤- កីឡាការិនី សន សាស ឈ្នះមេដាយមាស កីឡាប៊ូស្យា វិញ្ញាសាឯកត្តជន
៥- កីឡាការិនី ងួន រតនា ឈ្នះមេដាយមាស រត់ចម្ងាយ ១,៥០០ម៉ែត្រ ប្រភេទ។
៦- កីឡាករ តង់ រ៉ាវី, អឿន ណុត, យ៉ុន ក្រឹម, ញូញ សុខ, អ៊ូ ផល្លា, អ៊ីង ភីរៀម, ណៃ ការ, ស្រៀង លាប, ស្រៀង សុខណា, ពូន ឌីណា, ម៉ន យ៉ារ៉ាញ់ និង កៅ ហឿន ឈ្នះមេដាយមាសបាល់ទះអង្គុយ។
៧- កីឡាករ វ៉ាន វ៉ុន, ឈុប ពន់, ហៀ ហុក និង ហេង សាវឿន ឈ្នះមេដាយមាស វិញ្ញាសាប្រណាំងរទេះបណ្ដាក់ ១០០ម៉ែត្រ ៤x៤៕