កីឡា
បារាំង ដាក់ពាក្យបណ្ដឹងទៅ FIFA និងចង់ទាមទារគ្រាប់បាល់ស្មើ ១-១ ជាមួយទុយនីស៊ី មកវិញ
សហព័ន្ធកីឡាបាល់ទាត់បារាំង (FFF) បាននិយាយថ្ងៃពុធថា ខ្លួនកំពុងដាក់ពាក្យបណ្ដឹងទៅកាន់ FIFA ដ្បិតគ្រាប់បាល់តាមស្មើចុងក្រោយដោយកីឡាករ Antoine Griezmann មិនត្រូវបានអនុញ្ញាត បន្ទាប់ពីការត្រួតពិនិត្យវីដេអូ (VAR) នៃការប្រកួត World Cup ចុងក្រោយរបស់ពួកគេជាមួយ ទុយនីស៊ី។
Griezmann បានស៊ុតបាល់បញ្ចូលទីនៅក្នុងម៉ោងបន្ថែម ៨ នាទី ប៉ុន្តែគ្រាប់បាល់ត្រូវបានច្រានចោល ដោយសារខ្សែប្រយុទ្ធរូបនេះត្រូវបានគេចាត់ទុកថាឈរនៅជំហរ offside នៅពេលដែល មិត្តរួមក្រុម Aurelien Tchouameni បញ្ជូនបាល់ចូលទៅក្នុងតំបន់នោះ។
បាល់នេះ ត្រូវបានប្លាតដោយខ្សែការពារទុយនីស៊ី ចូលទៅជិត Griezmann ដែលនៅក្បែរនោះ ប៉ុន្តែការប្រឹងប្រែងមិនត្រូវបានអនុញ្ញាត ហើយទុយនីស៊ី បានឈ្នះការប្រកួត ១-០ ដ៏គួរឲ្យភ្ញាក់ផ្អើល។
យ៉ាងណាមិញ សហព័ន្ធបាល់ទាត់បារាំង ជឿជាក់ថា អាជ្ញាកណ្ដាល និង VAR បានធ្វើឲ្យមានកំហុសបច្ចេកទេសក្នុងដំណើរការនេះ។
FFF បាននិយាយនៅក្នុងសេចក្ដីថ្លែងការណ៍មួយថា “យើងកំពុងសរសេរពាក្យបណ្ដឹងមួយបន្ទាប់ពីគ្រាប់បាល់របស់ Antoine Griezmann ក្នុងគំនិតរបស់យើង វាគឺការបដិសេធដែលមិនត្រឹមត្រូវ។ ពាក្យបណ្ដឹងនេះ ត្រូវតែដាក់ក្នុងរយៈពេល ២៤ ម៉ោង បន្ទាប់ពីការហួចចុងក្រោយ”។
យោងតាមក្រុមជម្រើសជាតិបារាំងបានឲ្យដឹងថា អាជ្ញាកណ្ដាល Michael Conger បានអនុញ្ញាតឲ្យមានគ្រាប់បាល់បញ្ចូលទីក្នុងម៉ោងបន្ថែម ហើយបានចាប់ផ្ដើមការប្រកួតឡើងវិញមុនពេលផ្លុំពេញម៉ោង។ បន្ទាប់មក Conger ត្រូវបានស្នើសុំដោយ VAR ដើម្បីពិនិត្យមើលជំហររបស់ Griezmann ហើយបានទៅត្រួតពិនិត្យទីលាន មុនពេលមិនអនុញ្ញាតគ្រាប់បាល់។
ច្បាប់ 1.10 ស្ដីពី VAR របស់ IFAB ចែងថា ប្រសិនបើការប្រកួតត្រូវបានចាប់ផ្ដើមឡើងវិញ VAR មិនអាចធ្វើអន្តរាគមន៍បានទៀតទេ ដូច្នេះយោងទៅតាមច្បាប់ នៃហ្គេម អាជ្ញាកណ្ដាល មិនគួរត្រូវបានអនុញ្ញាតឲ្យពិនិត្យមើលគ្រាប់បាល់នោះទេ បន្ទាប់មកច្រានចោល។
FFF បានផ្ញើសេចក្ដីថ្លែងការណ៍របស់ពួកគេទៅកាន់ FIFA សុំឲ្យកែប្រែគ្រាប់បាល់ឡើងវិញ និងផ្ដល់ឲ្យបារាំងក្នុងលទ្ធផលស្មើ ១-១ ជាមួយទុយនេស៊ី។ នោះនឹងផ្លាស់ប្ដូរពិន្ទុក្នុងតារាងពូល D សម្រាប់ទុយនីស៊ី និងបារាំង ប៉ុន្តែនឹងមិនផ្លាស់ប្ដូរកៅអីចុងក្រោយ ឬក្រុមណាដែលឡើងទៅវគ្គបន្ត៕
ប្រភព ៖ espn.com
អត្ថបទ ៖ មន្នីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ