កីឡា
សិក្ខាកាម៥០ភាគរយទទួលបាននិទ្ទេសល្អ ក្នុងវគ្គគ្រូបង្វឹកកីឡាវាយសីកម្រិ១ ស្របតាមស្តង់ដាជាតិនិងអន្តរជាតិ
វគ្គសិក្សាសាមគ្គីអូឡាំពិក ស្តីពីគ្រូបង្វឹកកីឡាវាយសីកម្រិត១ ដែលបានដំណើរការរយៈពេល៦ថ្ងៃបានបញ្ជប់ ហើយនាព្រឹកថ្ងៃទី២១នេះ ក្នុងនោះ សិក្ខាកាមដែលទទួលបាននិន្ទេសល្អ មានចំនួន៥០ភាគរយ។
លោក ជាម សុភា អគ្គលេខាធិការសហព័ន្ធកីឡាវាយសីកម្ពុជា បានលើកឡើងថា សិក្ខាកាមទាំងអស់ដែលបាន ចូលរួមវគ្គសិក្សានេះ គឺបង្ហាញស្មារតីចូលរូមសិក្សាយ៉ាងផុសផុស និងបានស្វែងយល់ពីរបៀបនៃការបង្ហាត់បង្រៀន ស្របតាមស្តង់ដាជាតិ និងអន្តរជាតិ និងការអនុវត្ថន៍ផ្ទាល់នៅលើទីលាន។
ក្រោយពីបញ្ចប់វគ្គសិក្សានេះ សិក្ខាកាមទាំងអស់ប្តេជ្ញាចិត្ត យកចំណេះដឹងទាំងអស់ទៅអភិវឌ្ឍន៍ធនធានមនុស្ស ក្នុងវិស័យកីឡាវាយសីនៅតាមក្លឹប និង បណ្តាខេត្តនានា ក្នុងប្រទេសកម្ពុជាឲ្យមាន សក្តានុពល ដូចជាបណ្តាប្រទេសជាតិខាងក្នុងតំបន់។
ឯកឧត្តមឧត្តមសេនីយ៍ឯក លី កុសល ប្រធានសហព័ន្ធកីឡាវាយសីកម្ពុជា បានបញ្ជាក់ថា ដើម្បីទទួលបានធនធាន កីឡាករ-កីឡាការិនីខ្លាំង ត្រូវមានគ្រូបង្វឹកខ្លាំងដូចគ្នា ក្នុងការជំរុញការហ្វឹកហាត់ប្រកបដោយគុណភាពខ្ពស់ សម្រាប់ត្រៀមចូលរួមការប្រកួតអន្ដរជាតិនានា ពិសេសស៊ីហ្គេម ឆ្នាំ២០២៣ ខាងមុខ។ រាល់ឆ្នាំយើងតែងមានការហ្វឹកហាត់ និងប្រកួតក្រៅប្រទេសជាដើម កាលណាយើងចង់បានមេដាយ ឬកម្រិតមេដាយណាមួយ ទាល់តែយើងខ្លាំង។ ហើយដើម្បីខ្លាំង ទាល់តែយើងខំប្រឹងហ្វឹកហាត់។ ហើយការហ្វឹកហាត់ខ្លាំង ក៏ទាល់តែមានគ្រូបង្វឹកខ្លាំង និងមានសមត្ថភាពខ្ពស់ដូចគ្នា។ មិនមែនហ្វឹកហាត់លំៗ ហើយចង់បានមេដាយមាស គឺមិនងាយទេ។
សម្រាប់វគ្គគ្រូបង្វឹកកម្រិត១នេះគឺធ្វើឡើងរយៈពេល៦ថ្ងៃ ចាប់ពីថ្ងៃទី១៦ ដល់ ២១ខែធ្នូឆ្នាំ២០២២ ដោយមាន សិក្ខាកាមចំនួន២៥នាក់ចូលរួម ក្នុងនោះស្រី៨នាក់ ដែលមកពី១១ រាជធានី ខេត្ត និងសមាគមដូចជា៖ ខេត្តសៀមរាប , កណ្តាល, មណ្ឌលគីរី, រតនៈគីរី, កំពង់ធំ, ព្រៃវែង, ស្វាយរៀង, ក្លឹបការពារដែនអាកាស , ក្លឹបពហុកីឡដ្ធានជាតិ,ក្លឹបវាយសីភ្នំពេញ និង ក្លឹបវាយសី ធី ។
លទ្ធផលនៃការសិក្សា តាមការសិក្សាទាំងទ្រឹស្ដី និងការអនុវត្តជាក់ស្ដែងនៅលើទីលាន ក៏ដូចជាការវាយតម្លៃចុងក្រោយរបស់គ្រូឧទ្ទេសលោក Sambenthan Sivaperumal សម្រាប់សិក្ខាកាមទទួលបាននិទ្ទេសល្អ មានចំនួន ៥០% និទ្ទេសមធ្យម ២០% និងនិទ្ទេសខ្សោយ ៣០% ៕
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ