កីឡា

ក្លឹបវាយសី 3B Badminton រីករាយក្នុងការជួយពង្រីកផ្សព្វផ្សាយកីឡាមួយនេះឲ្យកាន់តែទូលំទូលាយនៅកម្ពុជា

បានផុស

៦ ខែ មុន

នៅ

ថ្ងៃអង្គារ ១៣ មករា ២០២៦

ដោយ

ក្លឹបវាយសី 3B Badminton ដែលមានទីតាំងនៅម្ដុំខណ្ឌសែនសុខ រីករាយក្នុងការជួយពង្រីកផ្សព្វផ្សាយកីឡាមួយនេះដល់សាធារណៈជនទាំងការហ្វឹកហាត់បែបស្ដង់ដា និងលេងកម្សាន្តសប្បាយបែបសុខភាពឲ្យកាន់តែទូលំទូលាយនៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា ខេន សុវិមាន និង សំអាត អានីសា

កញ្ញា ខេន សុវិមាន វិស័យកីឡាវាយសីនៅម្ដុំឯខណ្ឌសែនសុខគឺមានការគាំទ្រច្រើនពីមហាជននៅទីនោះតាមរយៈការមកលេងកម្សាន្តនៅថ្ងៃចុងសប្ដាហ៍ និងម៉ោងសម្រាកពីការងារនាពេលកន្លងទៅ។ ក្រៅតែមានទីលានហ្វឹកហាត់បែបស្ដង់ដាហើយនោះក្លឹបរបស់កញ្ញាក៏មានគ្រូដែលមានសមត្ថភាព និងជាកីឡាករអាជីពចាំជួយបង្ហាត់ដល់សិស្សដែលចង់បង្វឹកហាត់តាមបែបស្ដងដាទៀតផង។

សកម្មភាពមហាជនមកលេង

តំណាងក្លឹបវាយសីខាងលើបន្តទៀតថា កន្លងទៅថ្មីៗនេះក្លឹបសហការបង្កើតជាវគ្គបណ្ដុះបណ្ដាលខ្លីដោយមានក្រុមកីឡាករជំនាញខាងវាយសីមកបង្ហាត់បង្ហាញដល់សិស្សៗដែលចង់យល់ដឹងពីបច្ចេកទេស និងចំណុចសំខាន់ក្នុងការលេងកីឡាមួយនេះទៀតផង។ នៅជំហានបន្ទាប់ក្លឹបនឹងព្យាយាមបង្កើតឲ្យមានវគ្គបណ្ដុះបណ្ដាលថ្មីៗបន្ថែមទៀតដើម្បីផ្ដល់ចំណេះដឹង បច្ចេកទេសថ្មីៗដល់មហាជនដែលចូលចិត្តលេងកីឡាវាយសីនេះ។

សកម្មភាពមហាជនមកលេង

សកម្មភាពផ្សេងៗរបស់ 3B Badminton នេះគឺជាការរួមចំណែកពង្រីកផ្សព្វផ្សាយវិស័យកីឡាវាយសីនៅកម្ពុជាឲ្យមហាជនស្គាល់បានកាន់តែច្រើន និងងាយស្រួលលេង ឬហ្វឹកហាត់ផងដែរ។ ក្លឹបរីករាយបំផុតក្នុងការរួមចំណែកធ្វើឲ្យកីឡាមួយនេះមានមហាជនគាំទ្រកាន់តែទូលំទូលាយ និងសំបូរធនធាន។

បញ្ជាក់ដែរថា ក្លឹបវាយសី 3B Badminton មានទីតាំងនៅផ្លូវ ១៩៤៤ ភូមិពោងពាយ សង្កាត់ភ្នំពេញថ្មី ខណ្ឌសែនសុខ។ ក្លឹបនេះផងដែរមានកីឡាករ វ៉ាត់ វណ្ណធុន ដែលជាជើងខ្លាំងប្រចាំប្រទេសកម្ពុជា កំពុងតែបង្ហាត់បង្រៀនសិស្សនៅទីនោះផងដែរ៕