កីឡា

កីឡាករឆ្នើមខាងវាយសី វ៉ាត វណ្ណធុន ស្វាគមន៍ចំពោះអ្នកចង់ហ្វឹកហាត់ជាមួយខ្លួន

បានផុស

៤ ខែ មុន

នៅ

ថ្ងៃព្រហស្បតិ៍ ១៩ មីនា ២០២៦

ដោយ

កីឡាករឆ្នើមរបស់ក្រសួងមហាផ្ទៃ និងជាជម្រើសជាតិសហព័ន្ធកីឡាវាយសី វ៉ាត វណ្ណធុន ថាស្វាគមន៍ចំពោះអ្នកដែលស្រឡាញ់ចូលចិត្តវិស័យកីឡាមួយនេះ និងចង់ហ្វឹកហាត់ជាមួយរូបគេអាចទំនាក់ទំនងទៅកាន់ហ្វេសបុកដើម្បីសាកសួរព័ត៌មានផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ វ៉ាត វណ្ណធុន

កីឡាករ វ៉ាត វណ្ណធុន បានឲ្យដឹងថា មួយរយៈពេលនេះមិនសូវរវល់ប៉ុន្មានទេ ខណៈការត្រៀមប្រកួតផ្សេងៗនោះក៏មិនទាន់មាននោះដែរ។ នៅអំឡុងពាក់កណ្ដាលឆ្នាំនេះអាចនឹងមានការប្រកួតកីឡាវាយសីផ្នែកប៉ូលិសក្នុងតំបន់អាស៊ានដោយកម្ពុជាគ្រោងនឹងរៀបចំជាម្ចាស់ផ្ទះ។

ម្ចាស់មេដាយ World Police នៅសហរដ្ឋអាមេរិក រូបនេះបន្ថែមទៀតថា ដោយសារតែមានពេលទំនេរច្រើនដែរ ដូច្នេះជាឱកាសដែលអាចទទួលសិស្សហ្វឹកហាត់បានមិនថាបែបសុខភាព ឬស្ដង់ដានោះទេ។ នេះជាការរួមចំណែកលើកស្ទួយវិស័យកីឡាវាយសីឲ្យកាន់តែសំបូរធនធានផងដែរក្នុងនាមជាអ្នកស្រឡាញ់ និងជាកីឡាករជម្រើសជាតិផងនោះ។

កីឡាករ វ៉ាត វណ្ណធុន

បញ្ជាក់ដែរថា វ៉ាត វណ្ណធុន ជាកីឡាករលេចធ្លោមួយរូបនៅក្នុងវិស័យកីឡាវាយសី និងជាកីឡាករជម្រើសជាតិផងដែរ។ រូបគេធ្លាប់ឈ្នះមេដាយមាស នៅកម្មវិធី World Police ឆ្នាំ២០២៥ ឯសហរដ្ឋអាមេរិក និងធ្លាប់មេដាយមាស ឆ្នាំ២០២៣ ពេលកម្ពុជាជាម្ចាស់ផ្ទះស៊ីហ្គេម។ ប្រសិនបើសាធារណៈជនចង់ចូលហ្វឹកហាត់ជាមួយរូបគេអាចទំនាក់ទំនងតាមលេខទូរសព្ទ 097 4 555 621 ឬហ្វេសបុក Vann Thoun ៕