កីឡា
Burn X Flash ធ្វើមិនសូវបានល្អ ទទួលបានតែ១ម៉ឺនដុល្លារពីការប្រកួតM4
ក្រុមកីឡាអេឡិចត្រូនិកកម្ពុជា Burn X Flash ធ្វើមិនសូវបានល្អទេសម្រាប់ការប្រកួតព្រឹត្តិការណ៍កីឡាអេឡិចត្រូនិកកម្រិតពិភពលោក M4 World Championship (M4) លើវិញ្ញាសា Mobile Legends: Bang Bang នៅប្រទេសឥណ្ឌូនេស៊ីដែលទើបបញ្ចប់ទៅកាលពីថ្ងៃទី១៥ ខែមករា ម្សិលមិញនេះ។
ការប្រកួតវគ្គសន្សំពិន្ទុក្នុងពូល A ក្រុម Burn X Flash បានចាញ់ទាំង៣ប្រកួតជាប់គ្នាគឺបើកឆាកចាញ់ Falcon Esports, បន្ទាប់មកចាញ់ក្រុម Blacklist International និងបន្តចាញ់ក្រុម Incendio Supremacy ដោយស្ថិតនៅបាតតារាង និងធ្លាក់ទៅកម្រិតទាប Lower Bracket។ នៅកម្រិតទាបនេះជាឱកាសចុងក្រោយ ប៉ុន្តែ Burn X Flash បានចាញ់ក្រុម The Valley មកពីអាមេរិកខាងជើង ហើយក៏អស់ឱកាសត្រឹមនេះ។
ចំណែកម្ចាស់ជើងឯកបានទៅក្រុម ECHO របស់ប្រទេស ហ្វីលីពីន បន្ទាប់ពីយកឈ្នះក្រុមការពារតំណែងជើងឯកឆ្នាំចាស់ Blacklist International មកពីហ្វីលីពីនដូចគ្នា ដោយលទ្ធផល ៤-០ ដើម្បីទទួលបានប្រាក់រង្វាន់ចំនួន៣០ម៉ឺនដុល្លារអាមេរិក។
ឆ្លងកាត់ការប្រកួតចាញ់ទាំង៤លើក ក្រុម Burn X Flash ត្រូវបានវាយតម្លៃដោយស្ថិតនៅចំណាត់ថ្នាក់លេខ១៥ទទួលបានប្រាក់រង្វាន់លើកទឹកចិត្ត១ម៉ឺនដុល្លារអាមេរិក ក្នុងចំណោមក្រុម១៦មកពីប្រទេសផ្សេងៗដែលបានចូលរួមប្រកួត។
ជយលាភី
- ជើងឯក៖ ECHO (ហ្វីលីពីន) ទទួលបាន ៣០ម៉ឺនដុល្លារ
- លេខ២៖ Blacklist International (ហ្វីលីពីន) ទទួលបាន ១២ម៉ឺនដុល្លារ
- លេខ៣៖ RRQ Hoshi (ឥណ្ឌូនេស៊ី) ទទួលបាន ៨ម៉ឺនដុល្លារ
- លេខ៤៖ ONIC Esports (ឥណ្ឌូនេស៊ី) ទទួលបាន ៥,៥ម៉ឺនដុល្លារ
- លេខ៥៖ Falcon Esports (មីយ៉ាន់ម៉ា) ទទួលបាន ៤ម៉ឺនដុល្លារ
- លេខ៦៖ The Valley (អាមេរិកខាងជើង) ទទួលបាន ៤ម៉ឺនល្លារ
- លេខ៧៖ Incendio Supremacy (តួកគី) ទទួលបាន ៣ម៉ឺនដុល្លារ
- លេខ៨៖ RRQ Akira (ប្រេស៊ីល) ទទួលបាន ៣ម៉ឺនដុល្លារ
- លេខ៩៖ S11 Gaming Angentina (ប៊ូឡាវី) ទទួលបាន ១.៥ម៉ឺនដុល្លារ
- លេខ១០៖ Team HAQ (ម៉ាឡេស៊ី) ទទួលបាន ១.៥ម៉ឺនដុល្លារ
- លេខ១១៖ TODAK (ម៉ាឡេស៊ី) ទទួលបាន ១.៥ម៉ឺនដុល្លារ
- លេខ១២៖ Occupy Thrones (អេហ្ស៊ីប) ទទួលបាន ១.៥ម៉ឺនដុល្លារ
- លេខ១៣៖ RSG Singapore (សិង្ហបុរី) ទទួលបាន ១ម៉ឺនដុល្លារ
- លេខ១៤៖ MDH Esports (វៀតណាម) ទទួលបាន ១ម៉ឺនដុល្លារ
- លេខ១៥៖ Burn X Flash (កម្ពុជា) ទទួលបាន ១ម៉ឺនដុល្លារ
- លេខ១៦៖ Malvinas Games (អាហ្សង់ទីន) ទទួលបាន ១ម៉ឺនដុល្លារ
ចាំបានថា កាល M3 ឆ្នាំ២០២១ កន្លងទៅ ក្រុមកម្ពុជា See You Soon ទទួលបានចំណាត់ថ្នាក់លេខ៩ជាមួយប្រាក់រង្វាន់១,៥ម៉ឺនដុល្លារ ខណៈ M2 ក៏ធ្វើក្នុងឆ្នាំ២០២១ ដែលពេលនោះ ក្រុមកម្ពុជា Impunity KH ស្ថិតនៅក្រោមគេក្នុងចំណោម១២ក្រុមដោយទទួលបានប្រាក់ ៤២៥០ដុល្លារ និង M1 ក៏ក្រុម Impunity KH ចូលរួមប្រកួតបានលេខ១៣ក្នុងចំណោម១៦ក្រុមដោយទទួលបានប្រាក់៣ពាន់ដុល្លារអាមេរិក៕
អត្ថបទ៖ វីរបុត្រ
-
សន្តិសុខសង្គម៣ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
ព័ត៌មានជាតិ១ សប្តាហ៍ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
សេដ្ឋកិច្ច១៣ ម៉ោង agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានអន្ដរជាតិ១ សប្តាហ៍ agoតំណាងអាមេរិកនិងអ៊ីរ៉ង់ ប៉ះសម្តីគ្នាយ៉ាងខ្លាំងនៅសន្និសីទនុយក្លេអ៊ែរ របស់អង្គការសហប្រជាជាតិ
-
ព័ត៌មានជាតិ៦ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៧ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៥ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៦ ថ្ងៃ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា