កីឡា

មូលហេតុម្ចាស់មេដាយមាសអូឡាំពិក Schooling ដកខ្លួនពីការប្រកួតស៊ីហ្គេមនៅកម្ពុជា

បានផុស

១ year មុន

នៅ

ថ្ងៃព្រហស្បតិ៍ ២ មីនា ២០២៣

ដោយ

កីឡាករហែលទឹកជម្រើសជាតិសិង្ហបុរី Joseph Schooling កាលពីថ្ងៃទី១ ខែមីនា ម្សិលមិញបាន ប្រកាសដកខ្លួនចេញពីការប្រកួតកីឡាស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសេចក្តីថ្លែងការណ៍មួយ Joseph Schooling និយាយថា បន្ទាប់ពីពិចារណាយ៉ាងល្អិតល្អន់ជាមួយក្រុមការងារ លោកបានសម្រេចចិត្តដក់ខ្លួនពីការប្រកួតស៊ីហ្គេមនៅកម្ពុជា។ មូលហេតុសំខាន់នៅពីក្រោយនៃការសម្រេចចិត្តនេះគឺ«ខ្ញុំបច្ចុប្បន្ននេះមិនស្ថិតនៅក្នុងកម្រិតដែលខ្ញុំអាចប្រកួតបានទេ»។

ការសម្រេចចិត្តដកខ្លួននេះបានកើតឡើងប៉ុន្មានខែ បន្ទាប់ពីរូបគេបានប្រើកញ្ឆា។ តាមការផ្សាយរបស់ BBC កាលពីខែសីហា ឆ្នាំ២០២២ថា រូបគេបានប្រើកញ្ឆានៅប្រទេសវៀតណាមហើយក៏ត្រូវត្រូវបានដាក់បំរាម។ ក្រសួងការពារជាតិសិង្ហបុរី បាននិយាយពេលនោះថា Schooling ត្រូវបានធ្វើតេស្តទឹកនោម ប៉ុន្តែរូបគេបានសារភាពថា បានប្រើកញ្ឆាមែន នៅពេលរូបគេសម្រាកពីការងារយោធោដើម្បីហ្វឹកហាត់។

Joseph Schooling ជាកីឡាករសិង្ហបុរីដំបូងគេបង្អស់ដែលបានឈ្នះមេដាយមាសកីឡាអូឡាំពិកដែលរូបគេបានឈ្នះលើវិញ្ញាសា Butterfly ចម្ងាយ១០០ម៉ែត្រនៅប្រទេសប្រេស៊ីលកាលពីឆ្នាំ២០១៦ ហើយពេលនោះរដ្ឋាភិបាលសិង្ហបុរីបានផ្តល់ប្រាក់រង្វាន់ជាង៧០ម៉ឺនដុល្លារអាមេរិក។

រូបគេធ្លាប់បានចូលរួមប្រកួតកីឡាស៊ីហ្គេមចំនួន៤ដងគឺឆ្នាំ២០១៥, ២០១៧, ២០១៩ និង២០២១ ដោយក្រសោបបានមេដាយសរុប៣៤គ្រឿងគឺមាស២៩ ប្រាក់៣ និងសំរឹទ្ធ២។ រូបគេក៏ឈ្នះមេដាយកម្រិតពិភពលោកជាច្រើនគ្រឿងទៀត៕

ប្រែសម្រួល៖ វីរបុត្រ