កីឡា

Thiago ភ្ញាក់ព្រើតដូចក្រោកពីសន្លប់ជាង២០ឆ្នាំ ក្រោយឃើញក្បាច់គុននៅប្រាសាទខ្មែរ

បានផុស

៣ years មុន

នៅ

ថ្ងៃសុក្រ ១៧ មីនា ២០២៣

ដោយ

កីឡាករប្រដាល់ប្រេស៊ីល Thiago Teixeira បានកំពុងហ្វឹកហាត់ និងស្នាក់នៅលើទឹកដីប្រទេសកម្ពុជាជាកន្លែងត្រៀមខ្លួនចេញទៅប្រកួតដណ្តើមខ្សែក្រវាត់មួយនាថ្ងៃទី១ ខែមេសា ឆ្នាំ២០២៣ នៅប្រទេសអាល្លឺម៉ង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រយៈពេលនៃការស្នាក់នៅ និងហ្វឹកហាត់នៅស្រុកខ្មែរ Thiago បានធ្វើដំណើរទៅស្វែងយល់ក្បាច់គុនបុរាណខ្មែរតាមសិលាប្រាង្គប្រាសាទនានាក្នុងខេត្តសៀមរាបកាលពីប៉ុន្មានថ្ងៃមុន។ រូបគេបានបង្ហោះសារដ៏មានតម្លៃជាច្រើនក្នុងការកោតសរសើរក្បាច់គុនបុរាណខ្មែរ និងជាផ្នែកមួយជួយផ្សព្វផ្សាយក្បាច់គុនខ្មែរទៅកាន់ពិភពលោក។

អ្វីដែលគួរឲ្យកត់សំគាល់កាលពីយប់ថ្ងៃទី១៦ ខែមីនា Thiago Teixeira បានសរសេរសារបង្ហោះមួយដែលប្រៀបដូចជាខ្លួនភ្ញាក់ខ្លួនពីការដេកយល់សប្តិរាប់ឆ្នាំមកហើយ។ រូបគេបានលើកឡើងថា ៖«ជាបទពិសោធដ៏អស្ចារ្យស្ទើរមិនគួរឲ្យជឿ ពិតជារីករាយដោយបានឃើញទីកន្លែងពីក្បាច់គុនខ្មែរដែលខ្ញុំបានហ្វឹកហាត់តាំងពីអាយុ១៦ឆ្នាំ ជាអ្វីដែលហៅ«មួយថៃ» ថ្ងៃនេះ ខ្ញុំរកឃើញច្បាស់គឺថា តាមពិត ខ្ញុំតែងតែហ្វឹកហាត់ក្បាច់គុនខ្មែរជានិច្ច។ ខ្ញុំពិតជារីករាយដែលបានរកឃើញប្រភពដើមនៃក្បាច់គុនមួយថៃគឺចេញមកពីខ្មែរ»។

បន្ទាប់ពីប្រកួតចាញ់ ធឿន ធារ៉ា កីឡាករប្រេស៊ីល Thiago Teixeira ទទួលបានការស្រឡាញ់ពេញចិត្តយ៉ាងខ្លាំងពីអ្នកគាំទ្រខ្មែរ។ រូបគេបានមកហ្វឹកហាត់ និងស្នាក់នៅស្រុកខ្មែរដែលបានធ្វើឲ្យរូបគេកក់ក្តៅអ្វីដែលរូបគេនិយាយថា លើសពីផ្ទះទី២ទៅទៀត។

សម្រាប់ការហ្វឹកហាត់នៅស្រុកខ្មែរ Thiago គឺជាការត្រៀមខ្លួនចេញទៅប្រកួតដណ្តើមខ្សែក្រវាត់អន្តរជាតិជាមួយកីឡាករអង់គ្លេស Joe Craven ថ្ងៃទី១ ខែមេសា ឆ្នាំ២០២៣ នៅប្រទេសអាល្លឺម៉ង់ ដែលរូបគេនឹងតំណាងឲ្យគុនខ្មែរសម្រាប់ការប្រកួតនេះ។

Thiago មានវ័យប្រហែលជា៤០ឆ្នាំហើយដែលពាក់កណ្តាលជីវិតរបស់គេគឺហ្វឹកហាត់ក្បាច់គុន និងដើរប្រកួតជាច្រើនប្រទេស ហើយក៏ឈ្នះជើងឯកជាច្រើនដែរ៕

អត្ថបទ៖ វីរបុត្រ

Related Topics:កីឡាប្រដាល់គុនខ្មែរ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា