កីឡា
អាហ្សង់ទីន ជាបេក្ខភាពជំនួសឥណ្ឌូណេស៊ី ធ្វើម្ចាស់ផ្ទះ FIFA U20 World Cup
អាហ្សង់ទីន អាចក្លាយជាប្រទេសជំនួសឥណ្ឌូណេស៊ី ក្នុងការទទួលធ្វើជាម្ចាស់ផ្ទះរៀបចំការប្រកួតបាល់ទាត់ជើងឯកពិភពលោក យុវជនអាយុក្រោម ២០ឆ្នាំ (FIFA U20 World Cup 2023)។
ប្រទេសនៅទ្វីបអាមេរិកខាងត្បូងមួយនេះ បានដាក់សំណើជាផ្លូវការដើម្បីសុំរៀបចំការប្រកួតបន្ទាប់ពី សហព័ន្ធកីឡាបាល់ទាត់អន្តរជាតិ (FIFA) បានដកសិទ្ធិធ្វើម្ចាស់ផ្ទះរបស់ឥណ្ឌូនេស៊ី។ ការសម្រេចចិត្តត្រូវបានរំពឹងថា នឹងត្រូវធ្វើឡើងដោយការិយាល័យរបស់ FIFA ក្នុងរយៈពេល ២ ទៅ ៣ថ្ងៃខាងមុខ ដោយការប្រកួតគ្រោងនឹងធ្វើនៅថ្ងៃទី២០ ខែឧសភា ដដែល។
ប្រធាន FIFA លោក Gianni Infantino បានសរសើរការដេញថ្លៃរបស់អាហ្សង់ទីន ដើម្បីធ្វើជាម្ចាស់ផ្ទះការប្រកួតដោយនិយាយថា ហេដ្ឋារចនាសម្ព័ន្ធកីឡាបាល់ទាត់របស់ប្រទេសនេះបានក្លាយជាជម្រើសសម្រាប់ការរៀបចំធ្វើម្ចាស់ផ្ទះ។
លោក Infantino បាននិយាយនៅក្នុងសន្និសីទសារព័ត៌មានមួយក្នុងប្រទេសប៉ារ៉ាហ្គាយថា ៖«យើងទាំងអស់គ្នាស្គាល់បាល់ទាត់អាហ្សង់ទីន ហើយច្បាស់ណាស់ថា គេអាចធ្វើជាម្ចាស់ផ្ទះការប្រកួតកម្រិតនេះ»។
ស្របពេលប្រទេសផ្សេងទៀតបានបង្ហាញពីចំណាប់អារម្មណ៍ក្នុងការធ្វើជាម្ចាស់ផ្ទះនៃការប្រកួតនេះ អាហ្សង់ទីន គឺជាប្រទេសតែមួយគត់ដែលបានដាក់សំណើដេញថ្លៃជាផ្លូវការ។
ឯកអគ្គរដ្ឋទូតអ៉ីស្រាអែល ប្រចាំប្រទេសអាហ្សង់ទីន លោក Eyal Sela បាននិយាយថា អ៉ីស្រាអែល ពេញចិត្តឱ្យប្រទេសអាហ្សង់ទីនធ្វើជាម្ចាស់ផ្ទះ និងបន្ថែមថា ប្រទេសនេះសមនឹងទទួលបានជាជើងឯកពិភពលោក។
អាហ្សង់ទីន ធ្លាប់ធ្វើជាម្ចាស់ផ្ទះ និងឈ្នះការប្រកួតពានរង្វាន់ខាងលើនេះ ក្នុងឆ្នាំ២០០១ ដោយបានយយឈ្នះ ហ្គាណា ៣-០ នៅវគ្គផ្តាច់ព្រ័ត្រ។
ប្រទេសនេះមានប្រវត្តិបាល់ទាត់ដ៏សម្បូរបែប ដោយបានឈ្នះជើងឯក U20 World Cup ៦ដង និងបង្កើតបានកីឡាករឆ្នើមៗមួយចំនួនក្នុងការប្រកួតនេះ រួមមាន Lionel Messi ជាដើមក៏ធ្លាប់ឈ្នះពានរង្វាន់នេះផងដែរ៕
អត្ថបទ៖ មន្នីរ័ត្ន
ប្រភព៖ espn.com
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ