កីឡា

តួប្រកួតសម្តែងគុនខ្មែរ២រូបនេះរំពឹងឈ្នះមេដាយមាសស៊ីហ្គេមនៅកម្ពុជា

បានផុស

៣ years មុន

នៅ

ថ្ងៃព្រហស្បតិ៍ ២៧ មេសា ២០២៣

ដោយ

ក្នុងចំណោមវិញ្ញាសា១៩សម្រាប់ប្រដាល់គុនខ្មែរក្នុងព្រឹត្តិការណ៍កីឡាស៊ីហ្គេម លើកទី៣២ មានវិញ្ញាសាសម្តែងថ្វាយបង្គំ២ដែលម្ចាស់ផ្ទះកម្ពុជារំពឹងទទួលបានលទ្ធផលល្អពោលគឺអាចឈានដល់មេដាយមាស។

វិញ្ញាសាសម្តែងថ្វាយបង្គំគ្រូ ផ្នែករបស់កម្ពុជាគឺប្រកួតដោយកីឡាករប្រដាល់ កាន់ ម៉េងហុង ដែលរូបគេប្រកួតតែសម្តែងតែមួយគត់។ កីឡាកររូបនេះកាលស៊ីហ្គេម លើកទី៣១ ឆ្នាំ២០២១ នៅប្រទេសវៀតណាមប្រកួតឃីកបុកស៊ីងទម្ងន់៥៤គីឡូក្រាមដោយទទួលបានមេដាយប្រាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកវិញ្ញាសាសម្តែងនារីរបស់កម្ពុជាគឺដោយកីឡាការិនី ម៉ើយ ស៊ឹង។ ក្រៅពីប្រកួតវិញ្ញាសាសម្តែង កីឡាការិនីកម្ពុជារូបនេះត្រូវប្រកួតវិញ្ញាសាប្រយុទ្ធទម្ងន់៥១គីឡូក្រាមមួយទៀត ហើយជាអត្តពលិកកម្ពុជាតែ១រូបគត់ដែលប្រកួតពីរវិញ្ញាសាក្នុងកីឡាគុនខ្មែរ។ កាលស៊ីហ្គេម លើកទី៣១ នៅវៀតណាម ម៉ើយ ស៊ឹង ទទួលបានមេដាយសំរឹទ្ធក្នុងទម្ងន់៥១គីឡូក្រាម។

សម្រាប់គុនខ្មែរមានប្រទេស៧បានចុះឈ្មោះចូលរួមប្រកួតក្នុងកីឡាស៊ីហ្គេម លើកទី៣២។ បើសម្លឹងទៅមើល ហ្វីលីពីន ម៉ាឡេស៊ី ឥណ្ឌូណេស៊ី មីយ៉ាន់ម៉ា និង វៀតណាម មិនសូវមានជំនាញខ្លាំងពីរបៀបថ្វាយបង្គំគ្រូទេ ប៉ុន្តែប្រទេសឡាវអាចចាត់ទុកជាដៃគូប្រជែងមេដាយមាសដែរ ដោយសារប្រទេសនេះក៏មានក្បាច់គុន មួយឡាវ និងមានរបៀបថ្វាយបង្គំច្រើនរបៀបដូចកម្ពុជាដែរ។

ទោះបីជាយ៉ាងណា មុនចូលរួមប្រកួតស៊ីហ្គេម ប្រទេសនីមួយៗសុទ្ធតែបានហ្វឹកហាត់ និងត្រៀមខ្លួនយ៉ាងល្អ ដូច្នេះក្នុងនាមជាម្ចាស់ក្បាច់គុនខ្មែរមិនត្រូវមើលស្រាលដៃគូប្រកួតឡើយ។

កីឡាការិនីវិញ្ញាសាប្រយុទ្ធ

កីឡាការិនី ឆា ចាន់ដេង ទម្ងន់៤៥គក
កីឡាការិនី សុខរី កន្និកា ទម្ងន់ ៤៨គក
កីឡាការិនី ម៉ើយ ស៊ឹង ទម្ងន់ ៥១គក

កីឡាការិនី ទូច ចាន់វត្តី ទម្ងន់ ៥៤គក
កីឡាការិនី ទួន ស្រីភីន ទម្ងន់៥៧គក
កីឡាការិនី សំ សំណាង ទម្ងន់៦០គក

កីឡាករវិញ្ញាសាប្រយុទ្ធ

កីឡាករ ម៉ាប់ ធារ៉ា ទម្ងន់ ៤៥គក
កីឡាករ ភុន ពិសិត ទម្ងន់ ៤៨គក
កីឡាករ ខាំ ខ្លានាង ទម្ងន់ ៥១គក
កីឡាករ ហ៊ឹម គឹមរៀង ទម្ងន់ ៥៤គក
កីឡាករ ឃួន ឡាំងកូស៊ីន ទម្ងន់៥៧គក
កីឡារ ឈុត វ៉ាន់ថង ទម្ងន់៦០គក (ឈុត សេរីវ៉ាន់ថង)
កីឡាករ ឃុន បូរ៉ា ទម្ងន់៦៣.៥គក (ឃីម បូរ៉ា)
កីឡាករ ឡៅ ចិត្រា ទម្ងន់៦៧គក
កីឡាករ ទិត សោភ័ណ្ឌ ទម្ងន់៧១គក (រឿង សោភ័ណ្ឌ)
កីឡាករ ឡៅ ចន្ទ្រា ទម្ងន់៧៥គក
កីឡាករ រុំ សំណាង ទម្ងន់៨១គក (ព្រំ សំណាង)

កីឡាករ និងកីឡាការិនីវិញ្ញាសាសម្តែង (ថ្វាយបង្គំគ្រូ)

កីឡាការិនី ម៉ើយ ស៊ឹង វិញ្ញាសាសម្តែងនារី
កីឡាករ កាន់ ម៉េងហុង វិញ្ញាសាសម្តែងបុរស

ការប្រកួតគុនខ្មែរនឹងចាប់ផ្តើមពីថ្ងៃទី៦ ដល់ទី១១ ខែឧសភា នៅពហុកីឡដ្ឋានជាតិមរតកតេជោ៕

អត្ថបទ៖ វីរបុត្រ

Related Topics:កីឡាប្រដាល់គុនខ្មែរ កីឡាស៊ីហ្គេម

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា