កីឡា

ស្ថាបនិកគុនខ្មែរនៅរុស្ស៊ី ឆ្ងល់ហេតុអ្វីយកកីឡាកររុស្ស៊ីពីសហព័ន្ធមួយថៃ មកប្រកួតនៅខ្មែរ?

បានផុស

៣ years មុន

នៅ

ថ្ងៃពុធ ១២ កក្កដា ២០២៣

ដោយ

លោក Oleg Kudrinsky នាយក និងស្ថាបនិកសហព័ន្ធកីឡាប្រដាល់គុនខ្មែរនៅប្រទេសរុស្ស៊ី បានឆ្ងល់ពីអ្នករៀបចំកម្មវិធីប្រដាល់នៅប្រទេសកម្ពុជា បានជ្រើសរើសយកកីឡាកររុស្ស៊ីពីសហព័ន្ធកីឡាប្រដាល់មួយថៃប្រទេសរុស្ស៊ីមកប្រកួតនៅប្រទេសកម្ពុជា ស្របពេលនៅប្រទេសរុស្ស៊ីក៏មានសហព័ន្ធកីឡាប្រដាល់គុនខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកជាចម្ងល់របស់លោកបានកើតមានឡើងនៅពេលឃើញកម្មវិធីប្រដាល់របស់ទូរទស្សន៍ថោនបានយកកីឡាកររុស្ស៊ីដែលមានមេដាយច្រើនមកប្រកួតជាមួយកីឡាករវ័យក្មេង អេ អាំម៉ារីន ភូថង ដែលគ្រោងធ្វើនៅថ្ងៃទី១៦ ខែកក្កដា ឆ្នាំ២០២៣។

ស្ថាបនិកសហព័ន្ធប្រដាល់គុនខ្មែរប្រចាំនៅប្រទេសរុស្ស៊ីបានលើកឡើងថា៖ «ឆ្ងល់! យើងខ្ញុំជាតំណាងផ្លូវការឲ្យកីឡាប្រដាល់គុនខ្មែរនៅប្រទេសរុស្ស៊ី គឺសហព័ន្ធកីឡាគុនខ្មែររុស្ស៊ី ចុះហេតុអ្វីបានជាអ្នករៀបចំកម្មវិធីប្រកួតនៅកម្ពុជាជ្រើសរើសយកកីឡាករមកពីសហព័ន្ធកីឡាមួយថៃនៅរុស្ស៊ី (IFMA) ទៅប្រកួតវិញ មិនទាក់ទងយើងខ្ញុំ ហើយក៏មិនជ្រើសរើសកីឡាករពីសហព័ន្ធកីឡាគុនខ្មែរប្រចាំនៅប្រទេសរុស្ស៊ី ឬកម្ពុជាមិនចង់អភិវឌ្ឍគុនខ្មែរនៅរុស្ស៊ី? នរណាឆ្លើយសំនួរខ្ញុំបាន? កីឡាករនេះមិនមែនជាសមាជិកនៅស្ថាប័នរបស់យើងខ្ញុំទេ»។

សូមបញ្ជាក់ថា សហព័ន្ធកីឡាប្រដាល់គុនខ្មែរប្រចាំនៅប្រទេសរុស្ស៊ីត្រូវបានបង្កើតឡើងកាលពីឆ្នាំ២០១៨ ដោយមានលោក Pavel Arais ជាប្រធាន លោក Oleg Kudrinsky ជានាយក និងជាស្ថាបនិក ព្រមទាំងលោក Sergey Babayan ជាអនុប្រធាន ព្រមទាំងមានក្លឹបជាច្រើនជាសមាជិក។ សព្វថ្ងៃមានកីឡាករ កីឡាការិនីជាច្រើនកំពុងហ្វឹកហាត់ និងបានចេញប្រកួតជាបន្តបន្ទាប់នៅប្រទេសរុស្ស៊ី៕