កីឡា
កម្ពុជាបញ្ជូនបាល់ទាត់នារីទៅប្រកួតកីឡាទ្វីបអាស៊ី តែមិនបញ្ជូនក្រុមបុរស
សហព័ន្ធកីឡាបាល់ទាត់កម្ពុជាបានសម្រេចបញ្ជូនក្រុមកីឡាបាល់ទាត់នារីជម្រើសជាតិកម្ពុជាទៅចូលរួមប្រកួតក្នុងព្រឹត្តិការណ៍កីឡាធំប្រចាំទ្វីបអាស៊ីគឺ Asian Games ដែលរៀបចំការប្រកួត៤ឆ្នាំម្តង។
ការញ្ជូនតែក្រុមកីឡាបាល់ទាត់នារីពិតជារឿងដ៏គួរឲ្យចាប់អារម្មណ៍មួយ បន្ទាប់ពីក្រុមបាល់ទាត់នារីទើបតែមានសកម្មភាពជាផ្លូវការនាប៉ុន្មានឆ្នាំចុងក្រោយនេះ ប៉ុន្តែហាក់មានលទ្ធផលល្អគួរឲ្យកត់សំគាល់។
ជាក់ស្តែងក្រុមបាល់ទាត់នារីជម្រើសជាតិកម្ពុជាបានឡើងដល់វគ្គពាក់កណ្តាលផ្តាច់ព្រ័ត្រក្នុងព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ ដែលប្រទេសកម្ពុជាធ្វើម្ចាស់ផ្ទះ និងទើបតែចូលរួមប្រកួតស៊ីហ្គេមលើកដំបូង។
លទ្ធផលនៃការចាប់ឆ្នោតកាលពីថ្ងៃទី២៧ ខែកក្កដា ក្រុមបាល់ទាត់នារីកម្ពុជាស្ថិតនៅក្នុងពូល C ជាមួយក្រុមខ្លាំងកូរ៉េខាងជើង និងសិង្ហបុរី។ ក្រុមបាល់ទាត់នារីកូរ៉េខាងជើងគឺជាក្រុមខ្លាំងលំដាប់ពិភពលោក ប៉ុន្តែក្រុមសិង្ហបុរីគឺកម្ពុជាធ្លាប់ឈ្នះ ដូច្នេះមើលទៅអាចមានសង្ឃឹមខ្លះដែរក្នុងការឡើងទៅវគ្គបន្ទាប់។
ក្រុមបាល់ទាត់បុរសកម្ពុជាអាយុក្រោម២២ឆ្នាំត្រូវបានមហាជនដឹងថា បានត្រៀមខ្លួនរយៈពេលច្រើនឆ្នាំដើម្បីត្រៀមកីឡាស៊ីងហ្គេម ឆ្នាំ២០២៣។ ជាពិសេសក្នុងរយៈពេល៥ឆ្នាំចុងក្រោយនេះ សហព័ន្ធកីឡាបាល់ទាត់កម្ពុជាធ្វើអ្វីគ្រប់យ៉ាងដើម្បីត្រៀមសម្រាប់ស៊ីហ្គេម។ ជាក់ស្តែងរាល់ការប្រកួតព្រឹត្តិការណ៍អន្តរជាតិដូចជាជើងឯកអាស៊ាន ជម្រុះ AFC និងជម្រុះជើងឯកពិភពលោក គឺសហព័ន្ធតែងតែជ្រើសរើសយុវជនឲ្យចូលរួមដើម្បីបង្កើនបទពិសោធសម្រាប់ស៊ីហ្គេម ប៉ុន្តែជាលទ្ធផល ក្រុម U22 កម្ពុជាក្នុងនាមជាម្ចាស់ផ្ទះឆ្លងមិនផុតវគ្គសន្សំពិន្ទុក្នុងពូល។
ជាមួយគ្នានេះ កម្ពុជាក៏បានសម្រេចបញ្ជូនក្រុមបាល់ទះជម្រើសជាតិទៅចូលរួមប្រកួតកីឡាទ្វីបអាស៊ី លើកទី១៩ ឆ្នាំ២០២៣ នៅប្រទេសចិនដែរ។ ការសម្រេចបញ្ជូនក្រុមបាល់ទះចូលរួមប្រកួតលើកដំបូងគិតចាប់តាំងពីឆ្នាំ១៩៧៥មក គឺដោយសារក្រុមបាល់ទះកម្ពុជាបានឈានវគ្គផ្តាច់ព្រ័ត្រ និងទទួលបានមេដាយប្រាក់ស៊ីហ្គេម ឆ្នាំ២០២៣
លទ្ធផលនៃការចាប់ឆ្នោត ក្រុមបាល់ទះជម្រើសជាតិកម្ពុជាស្ថិតនៅពូល C ជាមួយក្រុមសុទ្ធតែខ្លាំងនៅអាស៊ីគឺកូរ៉េខាងត្បូង និងឥណ្ឌា។ បន្ទាប់ពីជោគជ័យកម្រិតអាស៊ាន នេះជាជំហានថ្មីមួយទៀតសម្រាប់ក្រុមបាល់ទះកម្ពុជាដើម្បីបង្កើនបទពិសោធ និងពង្រឹងសមត្ថភាពជាមួយក្រុមខ្លាំងៗនៅអាស៊ី។
កីឡាបាល់ទាត់ និងកីឡាបាល់ទះ ស្ថិតក្នុងចំណោមកីឡាប្រមាណ១៤ប្រភេទដែលកម្ពុជាគ្រោងបញ្ជូនចូលរួមកីឡាទ្វីបអាស៊ី Asian Games លើកទី១៩ ចាប់ពីថ្ងៃ២៣ ខែកញ្ញា ដល់ទី៨ ខែតុលា ឆ្នាំ២០២៣ នៅទីក្រុង Hangzhou ប្រទេសចិនដែលមានកីឡា៤០ប្រភេទស្មើនឹង៤៨២វិញ្ញាសា។
កាលកីឡាអាស៊ីឆ្នាំ២០១៨ នៅប្រទេសឥណ្ឌូណេស៊ី កម្ពុជាបានបញ្ជូនកីឡា១៣ប្រភេទទៅចូលរួមគឺទទួលបានមេដាយ៣គ្រឿងគឺកីឡាការិនី ខាន់ ចេសា ឈ្នះមាស១គ្រឿង និងកីឡាករ សាលី អ៊ូម៉ើត ឈ្នះមេដាយមាស១ និងសំរិទ្ធ១៕
អត្ថបទ៖ វីរបុត្រ
-
ព័ត៌មានអន្ដរជាតិ៧ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS