កីឡា

ម៉ានូ សិល្បៈ ប្រកាសឲ្យនាំមកជើងខ្លាំងជួបខ្លួន បន្ទាប់ពីផ្តួលកីឡាករឡាវ

បានផុស

៣ years មុន

នៅ

ថ្ងៃពុធ ២៣ សីហា ២០២៣

ដោយ

កីឡាករប្រដាល់គុនខ្មែរ ម៉ានូ សិល្បៈ បានផ្តួលកីឡាករឡាវ ឆាតសាម័យ ឲ្យបោះបង់ចោលការប្រកួតក្នុងទឹកទី២ ក្នុងព្រឹត្តិការណ៍ប្រកួតគុនខ្មែរអលស្តារ វគ្គ៨ នៅវិមានពហុកីឡដ្ឋានជាតិអូឡាំពិក យប់ថ្ងៃទី២២ ខែសីហា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម៉ានូ សិល្បៈ បាននិយាយថា ៖«ខ្ញុំចង់ឲ្យអ្នករៀបចំការប្រកួតនាំយកជើងខ្លាំងមកទៀត អត់អីទ។ បើខ្ញុំចាញ់ ខ្ញុំរៀនបន្តទៀត ប៉ុន្តែមុននឹងចាញ់គឺពិបាករបស់ខ្ញុំហើយ ហើយបើទោះបីជាខ្ញុំចាញ់ក៏ចាញ់អត់សន្លប់ទេ។ អត់អីទេ យកអាខ្លាំងមក ខ្ញុំអាចទទួលបាន»។

ការប្រកាសបែបនេះ បន្ទាប់ពីកីឡាករ ម៉ានូ សិល្បៈ បានផ្តួលកីឡាករឡាវ ឆាត សម័យ ឲ្យបោះបង់ចោលការប្រកួតក្នុងទឹកទី២ក្នុងព្រឹត្តិការណ៍ប្រកួតគុនខ្មែរអលស្តារវគ្គ៨ ហើយក៏ជាការវិលមកសងសឹកមិនទទួលបានជោគជ័យរបស់កីឡាករឡាវ បន្ទាប់ពីរូបគេបានចាញ់ដោយត្រូវបានអាជ្ញាកណ្តាលបញ្ឈប់ក្នុងទឹកទី៣ពេលជួបគ្នាលើកទី១។

ម៉ានូ សិល្បៈ ទទួលបានជ័យជម្នះរហូតសម្រាប់ការវិលត្រឡប់មកកាន់សង្វៀនគុនខ្មែរសាថ្មី និងទទួលបានសញ្ជាតិខ្មែរ បន្ទាប់ពីបានវ៉ៃតំណាងឲ្យគុនខ្មែរជាច្រើនឆ្នាំមកហើយ ប៉ុន្តែរូបគេបានសម្រាកពីសង្វៀនប្រហែលជាបីបួនឆ្នាំហើយ។

អ្វីដែលគួរឲ្យកត់សំគាល់ទៀតនោះ ក្បាច់វ៉ៃរបស់ ម៉ានូ សិល្បៈ លើកនេះពិតជាប្លែកជាងមុនៗ។ រូបគេបានព្យាយាមតតាំងជាមួយដៃគូ និងមានក្បាច់ឡើងជង្គង់ដ៏ល្អដែលទាំងអស់រូបគេបានអរគុណដល់ជើងខ្លាំងគុនខ្មែរ ព្រំ សំណាង ដែលបានជួយបង្ហាត់រូបគេឲ្យក្បាច់ពិសេសប្លែកៗ៕

អត្ថបទ៖ វីរបុត្រ

Related Topics:កីឡាប្រដាល់គុនខ្មែរ ម៉ានូ សិល្បៈ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា