កីឡា
ប៉ះគ្នាយប់នេះ គ្រូប៉ាគីស្ថានប្តេជ្ញាបង្កើតមុខមាត់ថ្មីលើដីកម្ពុជា
លោក Stephen Constantine គ្រូបង្វឹកជម្រើសជាតិប៉ាគីស្ថានបានប្តេជ្ញាបង្កើតមុខមាត់ថ្មីនៅលើទឹកដីកម្ពុជានៅពេលក្រុមទាំងពីរប៉ះគ្នា វេលាម៉ោង៧យប់ ថ្ងៃទី១២ ខែតុលា ឆ្នាំ២០២៣ នៅពហុកីឡដ្ឋានជាតិអូឡាំពិក ក្នុងវគ្គជម្រុះជុំទី១ ជើងឯកពិភពលោក ឆ្នាំ២០២៦ (FIFA World Cup 2026)។
![](https://www.kampucheathmey.com/wp-content/uploads/2023/10/Cambodian-national-team-8-1024x683.jpg)
ម្ចាស់ផ្ទះកម្ពុជាបានត្រៀមខ្លួន និងសម្រិតសម្រាំងកីឡាករពិសេសប្លែកជាងមុនៗ ស្របពេលក្រុមភ្ញៀវប៉ាគីស្ថានត្រូវបានគេមើលឃើញពីការត្រៀមបានយ៉ាងល្អប្រសើរដែលនឹងក្លាយជាឧបសគ្គធំសម្រាប់កម្ពុជា។
កម្ពុជាបានធ្វើសញ្ជាតូបនីកម្មក្នុងការនាំចូលកីឡាករបរទេសដើម្បីឲ្យក្លាយជាសមាជិកក្រុមបាល់ទាត់ជម្រើសជាតិគឺកីឡាករជប៉ុន Yudai Ogawa ដែលនឹងជួយតំបន់បម្រើកណ្តាលឲ្យកាន់តែមានប្រសិទ្ធភាព។ ជាមួយគ្នានេះ កីឡាករសញ្ជាតិដើមកាមេរូន Privat Mbarga ក៏បានចូលជម្រើសជាតិកម្ពុជាដែលនឹងជួយដល់តំបន់ប្រយុទ្ធឲ្យកាន់តែមានប្រសិទ្ធភាព។
![](https://www.kampucheathmey.com/wp-content/uploads/2023/10/3-4-1024x683.jpg)
ចំពោះប៉ាគីស្ថានវិញមានលក្ខណៈខុសប្លែកស្ទើរទាំងស្រុងទៅនឹងឆ្នាំ២០១៩ដែលធ្លាប់ចាញ់កម្ពុជា២ដងក្នុងវគ្គជម្រុះជើងឯកពិភពលោកឆ្នាំ២០២២។ កីឡាករគួរឲ្យចាប់អារម្មណ៍គឺ ខ្សែបម្រើ Rahis Nabi វ័យ២៤ឆ្នាំ របស់ក្លិប Digenis Akritas Morphou FC លីគលំដាប់ទី២ ប្រទេសសាយប្រឹស។ រូបគេជាអតីតយុវជនជម្រើសជាតិអង់គ្លេសដែលធ្លាប់ឈ្នះជើងឯកយុវជនទ្វីបអឺរ៉ុបអាយុក្រោម១៩ឆ្នាំ។ ជាមួយគ្នានេះ ខ្សែប្រយុទ្ធ Otis Khan វ័យ២៨ឆ្នាំ របស់ក្លិប Grimsby Town F.C. លីគទី៤របស់អង់គ្លេស។ រូបគេជាអតីតយុវជន Manchester United និង Barnsley FC។
![](https://www.kampucheathmey.com/wp-content/uploads/2023/10/Cambodia-vs-Pakistan-Press-Conference-KPT-Sport-news-1024x683.jpg)
លោក Felix Dalmas គ្រូបង្វឹកជម្រើសជាតិកម្ពុជាបាននិយាយថា ៖«ក្រុមប៉ាគីស្ថានឥឡូវនេះ កីឡាករសុទ្ធតែមានគុណភាព។ កីឡាករជាច្រើនលូតលាស់បាល់ទាត់នៅអឺរ៉ុប។ ប្រៀបធៀបពេលនោះ នឹងពេលនេះគឺខុសគ្នាខ្លាំងមែនទែន។ ពួកគេមានកីឡាករក្មេងៗដែលមានគុណភាពខ្ពស់ដែលជាឧបសក្គធំសម្រាប់យើង»។
![](https://www.kampucheathmey.com/wp-content/uploads/2023/10/Cambodia-vs-Pakistan-Press-Conference-KPT-Sport-news.1jpg-1024x683.jpg)
ដោយឡែលោក Stephen Constantine គ្រូបង្វឹកជម្រើសជាតិប៉ាគីស្ថានបាននិយាយថា ៖«កម្ពុជាជាក្រុមមានលក្ខណៈអាជីពទាំងកីឡាករ គ្រូនបង្វឹក និងក្រុមការងារ។ ថ្វីបើយើងធ្លាប់ចាញ់កម្ពុជា២ដង តែលើកនេះយើងនឹងមានអ្វីថ្មីដែលត្រូវបង្ហាញ»។
តាមស្ថិតិ កម្ពុជា និង ប៉ាគីស្ថាន ធ្លាប់ជួបគ្នាពីរដងកាលពីឆ្នាំ២០១៩ ក្នុងជម្រុះជើងឯកពិភពលោកឆ្នាំ២០២២។ ពេលនោះ កម្ពុជាឈ្នះ២-០ នៅរាជធានីភ្នំពេញ និងឈ្នះ២-១ នៅដីកណ្តាលក្នុងប្រទេសកាតារ។
![](https://www.kampucheathmey.com/wp-content/uploads/2023/10/Cambodia-vs-Pakistan-Press-Conference-KPT-Sport-news.2jpg-1024x683.jpg)
ឥឡូវនេះ ប្រទេសប៉ាគីស្ថានត្រូវបានអនុញ្ញាតឲ្យរៀបចំការប្រកួតក្នុងដីវិញហើយ បន្ទាប់ពីស្ថានភាពសន្តិសុខល្អប្រសើរ ដូច្នេះជើងទី២ នាថ្ងៃទី១៧ ខែតុលា កាន់តែលំបាកសម្រាប់កម្ពុជា៕
អត្ថបទ៖ វីរបុត្រ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ