Connect with us

កីឡា

បឹងកេត ព្រៃវែង គិរីវង់ ណាហ្គាវើលដ៍ឡើងវគ្គ៨ក្រុមពានសម្តេចតេជោថ្នាក់ជាតិ

បានផុស

នៅ

ក្រុម​បាល់ទាត់​បឹងកេត គិរីវង់សុខសែន​ជ័យ ណាហ្គាវើលដ៍ និង ខេត្ត​ព្រៃវែង បាន​ឡើង​វគ្គ​៨​ក្រុម​ចុង​ក្រោយ​ពាន​រង្វាន់​សម្តេច​តេជោ ហ៊ុន សែន ថ្នាក់​ជាតិ លើក​ទី​១៧ ឆ្នាំ​២០២៣-២៤ បន្ទាប់​ពី​យក​ឈ្នះ​ដៃ​គូ​រៀង​ៗ​ខ្លួន​នៅ​ជើង​ទី​២។

ការ​ប្រកួត​វេលា​ម៉ោង​៣:៣០​នាទី​រសៀល ថ្ងៃ​ទី​៣១ ខែ​មករា​នេះ ក្រុម​ខេត្ត​ព្រៃវែង​បាន​យក​ឈ្នះ​លើ​ក្រុម​សមាគមបាល់ទាត់​ក្រសួង​មហា​ផ្ទៃ ដោយ​លទ្ធផល ២-០ (សរុប​ពីរជើង២-១) ដើម្បី​ឡើង​ទៅ​កាន់​វគ្គ​៨​ក្រុម​ចុង​ក្រោយ។ កាល​ពី​ជើងទី១ ក្រុម​ខេត្ត​ព្រៃវែង​បាន​ចាញ់​ ០-១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​ប្រកួត​វេលា​ម៉ោង​៦​ល្ងាច​មាន​៣​គូ​នៅ​៣​ទី​លាន​ផ្សេង​គ្នា។ នៅ​ទី​លាន​ពហុកីឡដ្ឋាន​ជាតិ​អូឡាំពិក​ ក្នុង​រាជ​ធានី​ភ្នំពេញ ក្រុម​បឹង​កេត បាន​យក​ឈ្នះ ក្រុម​សៀមរាប អេហ្វស៊ី ដោយ​លទ្ធផល ៤-០ (សរុ​ពីរ​ជើង ៥-១) បន្ទាប់​ពី​ជើង​ទី១​ស្មើ​គ្នា​១-១។

នៅ​ស្តាត​ចាស់​ក្នុង​រាជ​ធានី​ភ្នំពេញ ក្រុមគិរីវង់សុខសែនជ័យ​បាន​វាយ​បក​យក​ឈ្នះ​ ម្ចាស់ផ្ទះ​ក្រសួង​ការពារ​ជាតិ​ ដោយ​លទ្ធផល ១-២ (សរុប​ពីរ​ជើងស្មើ​គ្នា ៤-៤) បន្ទាប់​ពី​ជើង​ទី​១​នៅ​ខេត្ត​តាកែវ ក្រុម​ទ័ព​បាន​ឈ្នះ ២-៣។ ការ​ទាតបាល់​១១​ម៉ែត្រកាត់​សេចក្តី គិរីវង់​សុខ​សែន​ជ័យ​បាន​យក​ឈ្នះ​ដោយ​លទ្ធផល ២-៤ ដើម្បី​បាន​ឡើង​ទៅ​កាន់​វគ្គ​៨​ក្រុម​ចុង​ក្រោយ។

នៅ​កីឡដ្ឋាន​ខេត្ត​កំពង់ស្ពឺ ក្រុម​ណាហ្គាវើលដ៍ បាន​យកឈ្នះ​​អង្គរថាយហ្គឺរ​ដោយ​លទ្ធផល ១-០ (សរុប​ពីរ​ជើង ៦-១) បន្ទាប់​ពី​ជើង​ទី១ ណាហ្គាវើលដ៍​បាន​ឈ្នះ ១-៥។

លទ្ធផល​ជើង​ទី១ ថ្ងៃទី​១៧​ ខែ​មករា ឆ្នាំ​២០២៤

  • សៀមរាប​ អេហ្វស៊ី ១-១ បឹងកេត
  • សមាគមបាល់ទាត់​ក្រសួង​មហា​ផ្ទៃ ១-០ ខេត្ត​ព្រៃវែង
  • គិរីវង់សុខសែន​ជ័យ ២-៣ ក្រសួង​ការពារ​ជាតិ
  • អង្គរថាយហ្គឺរ ១-៥ ណាហ្គាវើលដ៍

លទ្ធផល​ជើង​ទី​២ ថ្ងៃ​ទី​៣១ ខែ​មករា ឆ្នាំ​២០២៤

  • បឹងកេត ៤-១ សៀមរាប អេហ្វស៊ី
  • ខេត្តព្រៃវែង ២-០ សមាគម​បាល់ទាត់​ក្រសួង​មហា​ផ្ទៃ
  • ក្រសួង​ការពារ​ជាតិ ១-២ គិរីវង់សុខសែន​ជ័យ
  • ណាហ្គាវើលដ៍ ១-០ អង្គរថាយហ្គឺរ

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា២ នាទី មុន

បឹងកេត ព្រៃវែង គិរីវង់ ណាហ្គាវើលដ៍ឡើងវគ្គ៨ក្រុមពានសម្តេចតេជោថ្នាក់ជាតិ

ព័ត៌មានជាតិ១ ម៉ោង មុន

មន្ត្រីជាន់ខ្ពស់ក្រសួងមហាផ្ទៃ៖ អំពើរជួញដូរមនុស្ស ជះឥទ្ធិពលមិនល្អដល់កម្ពុជា និងអាយុជីវិតពលរដ្ឋ

ព័ត៌មានជាតិ២ ម៉ោង មុន

ទោះរមណីយដ្ឋានអន្លង់ផ្សោតព្រះរំកិលលែងមានសត្វផ្សោត តែភ្ញៀវទេសចរអាចទៅទស្សនាឆ្អឹងផ្សោតបាន

ព័ត៌មានជាតិ២ ម៉ោង មុន

រដ្ឋបាលខេត្ដសៀមរាប នឹងស្នើទៅរដ្ឋាភិបាលបន្តឧបត្ថម្ភប្រាក់ដល់ពលរដ្ឋរស់នៅក្រុងរុនតាឯក

ព័ត៌មានជាតិ៤ ម៉ោង មុន

អគារធំមន្ទីរទេសចរណ៍ខេត្តបាត់ដំបង ជាទីតាំងស្នូលបង្កប់​វប្បធម៌ចម្រុះ​សម័យ​អាណានិគម​បារាំង​

Sokha Hotels

ព័ត៌មានពេញនិយម