គ្រូបង្វឹក​ឃី​ក​បុក​សី​ង​បង្ហាញ​ផែនការ​ត្រួសៗ​អំពី​គោលដៅ​សម្រាប់​ឆ្នាំ​២០២១ ពេល​ចាប់ផ្ដើម​ហ្វឹកហាត់​ផ្លូវការ
Connect with us
Helistar Cambodia - Helicopter Charter Services

កីឡា

គ្រូបង្វឹក​ឃី​ក​បុក​សី​ង​បង្ហាញ​ផែនការ​ត្រួសៗ​អំពី​គោលដៅ​សម្រាប់​ឆ្នាំ​២០២១ ពេល​ចាប់ផ្ដើម​ហ្វឹកហាត់​ផ្លូវការ

Published

on

បន្ទាប់ពី​សហព័ន្ធ​កីឡាប្រដាល់​ឃី​ក​បុក​សី​ង​កម្ពុជា ​ត្រូវ​បាន​លេច​រូបរាង​នា​ដើមឆ្នាំ​២០២១ នេះ គ្រូបង្វឹក​ឃី​ក​បុក​សី​ង លោក ជា រិ​ទ្ធ និង​ប្រធាន​បច្ចេកទេស​របស់​សហ​ព័ន្ធ​បាន​បង្ហើប​អំពី​ផែនការ​ធ្វើ​ឲ្យ​ប្រសើរឡើង​ចំពោះ​ក្បាច់គុន​ថ្មី​ដែល​ត្រៀមខ្លួន​ទៅ​ចូលរួម​នៅ​ស៊ី​ហ្គេម​នា​ប្រទេស​វៀតណាម ចុងឆ្នាំ​នេះ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាម​ការ​គ្រោង​ទុក​ព្រឹត្តិការណ៍​ស៊ី​ហ្គេម​លើក​ទី ៣១​នៅ​ប្រទេស​រៀ​ត​ណា​ម​នឹង​ចាប់ផ្ដើម​ពីថ្ងៃ​ទី ២១ វិច្ឆិកា រហូតដល់​ថ្ងៃទី ២ ខែធ្នូ នាពេលខាងមុខ​។

លោក ជា រិ​ទ្ធ បាន​ថ្លែង​ឲ្យ​ដឹង​ថា «​កូនសិស្ស​ឃី​ក​បុក​សី​ង​មួយចំនួន​បានមក​ហ្វឹកហាត់​ចាប់ពី​ថ្ងៃ​ចន្ទ​ដើម​សប្ដាហ៍​នេះ​តទៅ​នៅ​សហព័ន្ធ​ឃី​ក​បុក​សី​ង​តាម​គោលការណ៍​កោះហៅ​របស់​ក្រសួង​អប់រំ​យុវជន និង​កីឡា ដែលមាន​ទីតាំងនៅ​ស្ដា​ត​ចាស់ ហើយ​មួយ​ចំនួន​ទៀត នឹងចូលរួម​ជាមួយ​ពួកយើង​នៅ​សប្ដាហ៍ ក្រោយ​។ អ្នក​ដែល​ចុះឈ្មោះ​ចូលរួម​ហ្វឹកហាត់​ឃី​ក​បុក​សី​ង មាន​ប្រហែល ១០ នាក់​គិត​ត្រឹម​ពេលនេះ​»​។

គ្រូបង្វឹក​ដដែល​បញ្ជាក់​ថា ឃី​ក​បុក​សី​ង ជា​ក្បាច់គុន​ថ្មី​សម្រាប់​កីឡាករ​-​កីឡាការិនី​កម្ពុជា ប៉ុន្តែ លោក​សង្ឃឹមថា​ពួកគេ​នឹងធ្វើ​បានល្អ ហើយ​មានគុណ​ភាពប្រសើរឡើង​ពេល​ចេញទៅ​ប្រកួត​ស៊ី​ហ្គេម​ឆ្នាំនេះ​។

«​ឆ្នាំនេះ​យើង​ផ្ដោតលើ​ការរៀន​ក្បួនច្បាប់​ដែល​ត្រូវ​ប្រកួត និង​បច្ចេកទេស​ប្រកួត​យក​ពិន្ទុ​ដើម្បី​កុំ​ឲ្យ​ឡើងទៅ​វ៉ៃ​ខុស​គោលការណ៍ ឬ បទបញ្ជា​ការប្រកួត​។ ការប្រកួត​ឃី​ក​បុក​សី​ង មាន​រហូតដល់ ៨ វិញ្ញាសា​ឯណោះ​ដែល​ត្រូវ​សិក្សា ហើយ​យើង​វ៉ៃ​វិញ្ញាសា​ណា ឲ្យ​ច្បាស់​វិញ្ញាសា​នោះ​នៅ​ស៊ី​ហ្គេម​។ ឃីក​បុក​សី​ង​ត្រូវមាន​បម្លាស់​ទី​រហ័ស បូក​ផ្សំ​នឹង​បច្ចេកទេស​ផ្សេងៗ​ទៀត​»​។ លោក​ប្រធាន​បច្ចេកទេស​នៃ​សហព័ន្ធ​កីឡាប្រដាល់​ឃី​ក​បុក​សី​ង​បាន​ពន្យល់​បែបនេះ​។

ថ្មីៗ​នេះ ឯកឧត្ដម វ៉ា​ត់ ចំរើន អគ្គលេខាធិការ​នៃ​គណៈកម្មាធិការ​ជាតិ​អូឡាំពិក​កម្ពុជា​បាន​មានប្រសាសន៍ថា ការបង្កើត​ឲ្យ​មាន​សហព័ន្ធ​កីឡា​ឃី​ក​បុក​សី​ង​មិនមែនជា​រឿង​ចៃដន្យ ឬ​បង្កើតឡើង​ឲ្យ​តែ​មាន​នោះទេ ប៉ុន្តែ​ជាការ​បង្កើតឡើង​ចំ​ពេលដែល​កីឡាប្រដាល់​ឃី​ក​បុក​សី​ង​កំពុងមាន​តម្រូវការ​ចាំបាច់​នាពេល​បច្ចុប្បន្ន ក៏ដូចជា​នាពេល​អនាគត​ខាងមុខ​។

​លោក ជា រិ​ទ្ធ ដាក់​ក្ដី​រំពឹង​ថា «​ខ្ញុំ​នឹង​ព្យាយាម​ធ្វើ​ឲ្យ​ការផ្លាស់ប្ដូរ​របស់​កីឡាករ​កីឡាការិនី​គុន​ខ្មែរ​មក​ឃីក​បុក​សី​ង ឲ្យ​ទទួល​បាន​ជោគជ័យ​ទោះ​វា​លំបាក​បន្តិច​ក៏ដោយ​។ ហើយ​ខ្ញុំ​ជឿជាក់ថា ស៊ី​ហ្គេម​ចុង​ឆ្នាំនេះ​ទទួលបាន​លទ្ធផល​ល្អប្រសើរ​ជាង​បណ្ដា​ឆ្នាំ​កន្លងទៅ​ដែល​មិនទាន់មាន​សហព័ន្ធ​ឃី​ក​បុក​សីង»​។

នា​ពេល​កន្លងទៅ​កីឡាករ​ប្រដាល់​គុន​ខ្មែរ គង់ សំបូរ ធ្លាប់​ចេញទៅ​ប្រកួត​ឃី​ក​បុក​សី​ង​នៅ​សង្វៀន ONE Championship កាល​ខែ កុម្ភៈ ឆ្នាំ ២០១៩ នៅ​ប្រទេស​សិង្ហ​បុរី​។

នៅ​ឆ្នាំ​ជាមួយគ្នានេះដែរ កម្ពុជា​បាន​បញ្ជូន​កីឡាករ​ប្រដាល់​ឃី​ក​បុក​សី​ង​មួយចំនួន​ទៅ​ប្រកួត​កីឡា​ស៊ី​ហ្គេម​នៅ​ប្រទេស​ហ្វីលីពីន និង​ទទួលបាន​មេដាយ​សំរឹទ្ធ​៣​គ្រឿង​គឺ​កីឡាករ ឡៅ ចន្ទ្រា​, ខែម ចាន់ និង សុខ សា​វិ​ន ជាដើម មុនពេល​សហព័ន្ធ​ឃី​ក​បុក​សី​ង ត្រូវបាន​បង្កើតជា​ផ្លូវការ​។

សហព័ន្ធ​កីឡាប្រដាល់​ឃី​ក​បុក​សី​ង​កម្ពុជា​បង្ហាញ​អំពី​ឆន្ទៈ​ក្នុងការ​បណ្តុះបណ្តាល​កីឡាករ កីឡាការិនី​កម្ពុជា​ឲ្យ​ស្របតាម​ច្បាប់​ឃី​ក​បុក​សី​ង​អន្តរជាតិ​ហើយក៏​អាច​នាំ កីឡាករ​-​កីឡាការិនី​ដែលមាន​សមត្ថភាព​ចេញទៅ​ប្រកួត​លក្ខណៈ​អន្តរជាតិ​ដូចជា​កម្រិត​ស៊ី​ហ្គេម តំបន់ និង​ពិភពលោក ជាពិសេស​សង្វៀន ONE Championship ដោយមាន​ការប្រកួត​ឃី​ក​បុក​សី​ង​អាជីព​កម្រិត​ពិភពលោក​ទៀតផង​៕

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ4 mins ago

អភិបាល​ខេត្ត​ព្រៃវែង​ ចាត់​វិធានការ​ក្តៅ​ ក្រោយ​រក​ឃើញ​អ្នកវិជ្ជមាន​កូវីដ១៩ ចំនួន​៦នាក់​លួច​ចូល​ខេត្ត​

ព័ត៌មានជាតិ25 mins ago

​រដ្ឋបាល​រាជធានីភ្នំពេញ បង្ហាញ​អត្តសញ្ញាណ​អ្នកវិជ្ជមាន​កូវីដ១៩ ចំនួន១៩៨រូប ដើម្បី​ឲ្យ​អ្នកពាក់ព័ន្ធ​រួសរាន់​យក​សំណាក​ទៅធ្វើតេស្ត

ជីវិតកម្សាន្ដ47 mins ago

ចំណងស្នេហា​៤​ឆ្នាំ​របស់ វ៉ាន់ នី​ឡា មិន​ប្រែ​ព្រួល ទោះ​រង​ការ​សើចចំអក​ពី​អ្នកដទៃ​

ព័ត៌មានជាតិ2 hours ago

លោក គឹម សន្តិភាព ៖ អ្នក​ល្មើស​វិធានការ ហាមឃាត់​ការធ្វើដំណើរ ត្រូវ​ផ្ដន្ទាទោស​ពី ៣​ឆ្នាំ ទៅ​៥​ឆ្នាំ ឬ​ធ្ងន់​ជាង​នេះ

ព័ត៌មានជាតិ3 hours ago

លោកជំទាវ ម៉ែន សំអន ថ្លែងអំណរគុណ លោក ប៉ិច បូឡែន និងលោក ហុង លីម ដែលបានផ្តល់អំណោយក្នុងការចូលរួមប្រយុទ្ធប្រឆាំងនឹងកូវីដ១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services