កីឡា
គ្រូកម្ពុជា ចង់ឱ្យ U-17 អូស្ត្រាលី ភ្ញាក់ផ្អើលពីការលេងរបស់ក្រុមគោព្រៃជំទង់ ម្ដងទៀតក្នុងពាន AFC U-17
លោក Inoue Kazunori គ្រូបង្វឹកនៃក្រុមជម្រើសជាតិកម្ពុជាអាយុក្រោម ១៧ ឆ្នាំ ចង់ឱ្យ U-17 អូស្ត្រាលី ភ្ញាក់ផ្អើលពីការលេងរបស់កូនក្រុមលោកជាថ្មីម្ដងទៀត ក្នុងពានចូលរួមប្រកួតវគ្គជម្រុះពានយុវជនអាស៊ីអាយុក្រោម ១៧ឆ្នាំ (AFC U-17 Asian Cup) នៅខែតុលានេះ។
និយាយដូច្នេះ គឺបន្ទាប់ពីក្រុមរបស់លោកធ្លាប់បានយកឈ្នះ អូស្ត្រាលី ម្ដងរួចមកហើយ កាលពីខែសីហា កន្លងទៅដោយលទ្ធផល ៤-២ ក្នុងពានរង្វាន់យុវជនអាស៊ានអាយុក្រោម ១៦ ឆ្នាំ (AFF U-16 Championship) នៅប្រទេសឥណ្ឌូណេស៊ី។
លោក Inoue Kazunori បានមានប្រសាសន៍ថា៖ «សម្រាប់ AFC U-17 នេះ គឺយើងចង់កែតម្រូវទៅលើតំបន់ប្រយុទ្ធ ចឹងហើយយើងបានផ្លាស់ប្ដូរកីឡាករមួយចំនួន ក៏ប៉ុន្តែកីឡាករដែលយើងយកមកគឺនៅតែមានបញ្ហាខ្វះខាតពាក់ព័ន្ធជាមួយនឹងការប្រយុទ្ធ និងការការពារនៅឡើយ អ្វីដែលយើងបន្ថែមគឺយើងចង់ឱ្យខាងអូស្ត្រាលី គេភ្ញាក់ផ្អើលការលេងរបស់យើង ព្រោះអូស្ត្រាលីគេធ្លាប់ប៉ះយើងម្ដងហើយ គឺក៏ដឹងពីការលេងរបស់យើងជាមួយនឹងក្រុមមុនដែរ។»
លោកក៏បាននិយាយពីក្រុម U-17 ចិនផងថា៖ «ខាងក្រុមចិនគេក៏បានសួរព័ត៌មានពីខាងខ្មែរយើងដែរ គឺកំពុងសិក្សាពីក្រុមរបស់យើងដែរ ដោយសារតែយើងធ្វើបានល្អនៅប្រកួត AFF U-16 អូស្ត្រាលី។»
ដោយឡែកសមាជិក U-17 កម្ពុជា កីឡាករ សុន ថាវីស៊ីវ បានលើកឡើងផងដែរថា៖ «ខ្ញុំមានអារម្មណ៍ថាសប្បាយចិត្តនៅពេលដែលចូលរួមហ្វឹកហាត់ជាមួយនឹង U-17 ត្រៀមលេង AFC នៅប្រទេសអូស្ត្រាលី។ ខ្ញុំគិតថាក្រុមនៅពូលរបស់យើងគឺជាក្រុមដែលខ្លាំង ព្រោះយើងប៉ះចិន និងអូស្ត្រាលី ព្រោះថាសមត្ថភាពពួកគេ គេបានចូលលេងពាន World Cup U-17 រួចហើយ។ គោលដៅធំរបស់គ្រូនៅលើកនេះ គឺគាត់ចង់ឆ្លងផុតពូលនេះ។»
សូមបញ្ជាក់ថាពីថ្ងៃទី ០៥ ដល់ថ្ងៃទី ០៩ នៅខែតុលា ឆ្នាំ ២០២២ U-17 កម្ពុជា នឹងចូលរួមប្រកួតវគ្គជម្រុះពានយុវជនអាស៊ីអាយុក្រោម ១៧ ឆ្នាំ (AFC U-17 Asian Cup) នៅប្រទេសអូស្ត្រាលី។ កម្ពុជា ស្ថិតនៅពូល G ជាមួយម្ចាស់ផ្ទះទឹកដីកណ្ដាល អូស្ត្រាលី, ចិន និងកោះម៉ារីណាខាងជើង។
ឈុតនេះភាគច្រើនជាយុវជនដែលបានប្រកួតពានយុវជនអាស៊ីអាគ្នេយ៍ កាលពីខែសីហាកន្លងទៅ ដែលពេលនោះធ្វើបានល្អផងដែរ តាមរយៈការយកឈ្នះ U-16 អូស្ត្រាលី ៤-២ ដែលបន្តរួមពូលជាមួយគ្នាដល់ពានរង្វាន់ថ្មីមួយទៀតនេះ៕
អត្ថបទ៖ មន្នីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង