កីឡា
គ្រូកម្ពុជា ថាលទ្ធផលចាញ់មិនអាក្រក់ពេកទេ ខណៈគ្រូបង់ក្លាដែស ថាដឹងក្បួនលេងរបស់កម្ពុជាអស់
កម្ពុជា បានប្រកួតចាញ់ បង់ក្លាដែស ក្នុងជំនួបមិត្តភាពអន្តរជាតិ ដោយលទ្ធផល ០-១ នាពហុកីឡដ្ឋានជាតិមរតកតេជោ កាលពីយប់ថ្ងៃទី ២២ ខែកញ្ញា ឆ្នាំ ២០២២ ម្សិលមិញ។
ទោះបីជារងបរាជ័យ លោក Ryu Hirose គ្រូបង្វឹកនៃក្រុមជម្រើសជាតិកម្ពុជា បានលើកឡើងថាលទ្ធផលចាញ់នេះមិនជាអាក្រក់ពេកទេ ខណៈគ្រូបង់ក្លាដែស លោក Javier Fernández Cabrera ថាបានដឹងក្បួនលេងរបស់កម្ពុជាអស់ទៅហើយ។
ថ្លែងក្នុងសន្និសីទសារព័ត៌មានក្រោយចប់ការប្រកួត លោក Ryu Hirose គ្រូបង្វឹកនៃក្រុមជម្រើសជាតិកម្ពុជា បាននិយាយថា៖ «វាមិនមែនជាការប្រកួតដ៏ល្អទេ វាក៏មិនអាក្រក់ពេកទេ ប៉ុន្តែចំនុចគឺនៅត្រង់ថាដូចខ្ញុំនិយាយម្សិលមិញ (ម្សិលម្ងៃ) យើងបង្កើតឱកាសបានច្រើន ប៉ុន្តែយើងមិនអាចបង្កើតគ្រាប់បាល់បាន នៅពេលដែលយើងគួរតែទាត់ចូល។»
«បើទោះបីជាកីឡាករមួយចំនួនមិនត្រូវបានកោះហៅលើកនេះ បើទោះបីជាយើងមានពួកគេ ពិតណាស់យើងមិនអាចសម្រេចទៅលើគ្រាប់បាល់បានទេ ប៉ុន្តែចំនុចសំខាន់គឹដែលកោះហៅលើកនេះ ពួកគេមានសក្ដានុពល យ៉ាងហោចណាស់ពួកគេបានជាប់តេសត្តកម្លាំងអំណត់ មានន័យថាពួកគេមានទម្រង់លេងខ្ពស់ទៅលើកម្លាំងអំណត់ច្រើនជាងកីឡាករដទៃទៀតនៅកម្ពុជា។» គ្រូកម្ពុជាបានបន្ថែម។
ដោយគ្រូបង់ក្លាដែស លោក Javier Fernández Cabrera បានលើកឡើងផងដែរថា៖ «យើងដឹងថាវានឹងក្លាយជាការប្រកួតដ៏ពិបាកសម្រាប់យើង តែយើងដឹងរបៀបលេងរបស់កម្ពុជា ដោយកម្ពុជាព្យាយាមលេងគ្រប់គ្រងបាល់ច្រើន អ៊ីចឹងយើងឃើញចន្លោះប្រហោង។ នៅវគ្គទី ១ យើងធ្វើមិនសូវបានល្អ ប៉ុន្តែយើងនៅតែអាចបញ្ចប់ដោយនាំមុខ ១-០ ហើយនៅវគ្គទី ២ យើងអាចគ្រប់គ្រងបាល់បានច្រើនជាងមុន ឱកាសច្រើនជាងមុន យើងដាក់សម្ពាធបានខ្លាំងជាងវគ្គទី ១។»
សូមរំលឹកថា គ្រាប់បាល់តែមួយគ្រាប់គត់កើតឡើងក្នុងការប្រកួត ដោយបង់ក្លាដែសធ្វើបានសម្រេចនៅនាទី២៣ ដោយកីឡាករ Rakib Hossain៕
អត្ថបទ៖ មន្នីរ័ត្ន
-
សន្តិសុខសង្គម៧ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ២១ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានអន្ដរជាតិ២ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ២២ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា