កីឡា
ការចាប់ឆ្នោតវគ្គជម្រុះ AFC Women’s Asian Cup ផ្អែកលើចំណាត់ថ្នាក់ FIFA
កម្ពុជាបានទទួលសិទ្ធិរៀបចំការប្រកួតវគ្គជម្រុះក្នុងពូលពានរង្វាន់នារីអាស៊ី AFC Women’s Asian Cup ដើម្បីជ្រើសរើសក្រុមឡើងទៅជុំចុងក្រោយ AFC Women’s Asian Cup ឆ្នាំ២០២៦ នៅប្រទេសអូស្ត្រាលី។
រហូតដល់ពេលនេះមានក្រុមជម្រើសជាតិនារីចំនួន៤ទទួលបានកៅអីនៅជុំចុងក្រោយ ដោយស្វ័យប្រវត្តិគឺ អូស្ត្រាលី ក្នុងនាមជាម្ចាស់ផ្ទះ ក្រុមជម្រើសជាតិនារីចិន ក្នុងនាមជាក្រុមជើងឯកកាលពីឆ្នាំ២០២២ ខណៈក្រុមនារីជប៉ុន និងកូរ៉េខាងត្បូង ក្នុងនាមជាក្រុមចំណាត់ថ្នាក់លេខ២ និងលេខ៣កាលពីឆ្នាំ២០២២។
ជុំចុងក្រោយ ត្រូវការក្រុមជម្រើសជាតិនារីចំនួន៨ទៀត ដែលត្រូវជ្រើសរើសចេញពីក្រុមទាំង៣៣នៅវគ្គជម្រុះក្នុងពូល។ កាលពីឆ្នាំ២០២២ ការចាប់ឆ្នោតជ្រើសរើសពូលគឺផ្អែកលើលទ្ធផលនៃការប្រកួត 2018 AFC Women’s Asian Cup ប៉ុន្តែសម្រាប់ឆ្នាំ២០២៥នេះ ការចាប់ឆ្នោតផ្អែកលើតារាងចំណាត់ថ្នាក់ពិភពលោក (FIFA Ranking Women)។
ក្រុមមិនទាន់ត្រូវបានបែងចែកទៅតាមកម្រិត Seeding និងប្រអប់ Pot ចាប់ឆ្នោតឡើយ ដោយសារត្រូវរង់ចាំការធ្វើបច្ចុប្បន្នភាពចុងក្រោយនៃតារាងចំណាត់ថ្នាក់ពិភពលោក (FIFA Ranking ) ប្រចាំខែមីនានេះសិន។
ក្រុមទាំង៣៣ត្រូវបានបែងចែកជា៨ពូល ពីពូល A ដល់ H ហើយមានតែពូល A មួយគត់មាន៥ក្រុម ខណៈ៧ពូលផ្សេងទៀតមាន៤ក្រុមដូចគ្នា។ ក្រុមលេខ១ប្រចាំពូលទាំង៨នឹងទទួលបានកៅអីឡើងទៅជុំចុងក្រោយ ឆ្នាំ២០២៦។
ប្រទេសជាម្ចាស់ផ្ទះវគ្គជម្រុះក្នុងពូលមាន៨គឺ កម្ពុជា ឥណ្ឌូណេស៊ី ហ្សកដានី មីយ៉ាន់ម៉ា ថៃ តាជីគីស្ថាន អ៊ូបេគីស្ថាន និងវៀតណាម។ ចាំមើលថា តើកម្ពុជានឹងទទួលធ្វើម្ចាស់ផ្ទះប្រចាំពូលមួយណា។
សូមបញ្ជាក់ថា ការចាប់ឆ្នោតធ្វើនៅថ្ងៃទី២៧ ខែមីនា ឆ្នាំ២០២៥ នៅប្រទេសម៉ាឡេស៊ី។
វិធីសាស្ត្រចាប់ឆ្នោត
- ក្រុមទាំងអស់ត្រូវបែងចែកជាប្រអប់ Pot 5, Pot 4, Pot 3, Pot 2 និង Pot 1 អាស្រ័យទៅលើតារាងចំណាត់ថ្នាក់ពិភពលោក។
- ជំហានទី១ ចាប់ឆ្នោតជ្រើសរើសម្ចាស់ផ្ទះប្រចាំពូលជាមុន។ បន្ទាប់មក ចាប់ក្រុមស្ថិតនៅប្រអប់ Pot 5, បន្តប្រអប់ Pot 4, បន្តប្រអប់ Pot 3, បន្តប្រអប់ Pot 2 និងចុងក្រោយប្រអប់ Pot 1។
- ការចាប់ពូលម្ចាស់ផ្ទះ នឹងធ្វើទៅតាមកម្រិតអក្សរ និងលេខរៀងរបស់ក្រុមម្ចាស់ផ្ទះ។
- ក្រុមស្ថិតនៅ Pot 5 នឹងត្រូវចាប់ឆ្នោតចូលលេខរៀងទី៥ ក្នុងពូល A ដែលជាពូលមាន៥ក្រុម។
- បន្ទាប់មក ក្រុមប្រអប់ Pots 4 នឹងត្រូវចាប់ឆ្នោតចូលលេខរៀងទី៤នៃពូលនីមួយៗដែលមាន៤ក្រុម។
- វិធីសាស្ត្រនេះនេះនឹងចាប់ប្រអប់ Pot 3 រហូតដល់ Pot 1 ។
អត្ថបទ៖ វីរបុត្រ
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៦ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ