ស្ងាត់ៗ Bale កំពុង​ពិចារណា​ទិញភាគហ៊ុនក្លិប​បាល់ទាត់​មួយនៅ អង់គ្លេស

វីរបុរសរបស់ Real Madrid និង Tottenham Hotspur លោក Gareth Bale កំពុងស្ថិតក្នុងការចរចាទិញភាគហ៊ុនធ្វើជាសហម្ចាស់ក្លិបរបស់ក្លិប Plymouth Argyle នៃលីគទី ៣ អង់គ្លេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតប្រធានក្រុមជម្រើសជាតិ វែលស៍ រូបនេះបានប្រកាសព្យួរស្បែកជើងពីអាជីពជាកីឡាករ​បាល់ទាត់នៅឆ្នាំ ២០២៣ ប៉ុន្តែលោកនៅតែមិនទៅណាឆ្ងាយពីបាល់ទាត់​ឡើយ។ លោកបានចូលរួមវិភាគក្នុងកម្មវិធីបាល់ទាត់ផ្សេងៗ ហើយថ្មីៗនេះថែមទាំងមានដំណឹង លោកបានគិតគូរចង់គ្រប់គ្រងក្លិបបាល់ទាត់មួយនៅអង់គ្លេសទៀតផង។

យោងតាមការចុះផ្សាយលម្អិតដោយ The Telegraph បានឱ្យដឹងថា Bale បានធ្វើឱ្យគ្រប់គ្នាភ្ញាក់ផ្អើលយ៉ាងខ្លាំង បន្ទាប់ពីគាត់ចូលរួមដេញថ្លៃ ដើម្បីធ្វើជាសហម្ចាស់ក្លិបរបស់ក្លិប Plymouth Argyle ស្របពេល​បច្ចុប្បន្នក្លិបនេះកំពុងកាន់កាប់ដោយលោក Simon Hallett។

គួរឱ្យដឹងថា កាលពីរដូវកាល ២០២៤-២០២៥ ក្លិប Plymouth Argyle ស្ថិតនៅក្នុងក្របខណ្ឌ EFL Championship ដែលជាលីគទី ២ របស់ អង់គ្លេស ប៉ុន្តែនៅរដូវកាលថ្មី ២០២៥-២០២៦ បានធ្លាក់មកកាន់ក្របខណ្ឌលីគទី ៣ EFL League One ហើយ បន្ទាប់ពីរដូវកាលមុន ពួកគេឈរនៅលេខរៀងទី ២៣ ក្នុងតារាងចំណាត់ថ្នាក់៕

ប្រែសម្រួល៖ សេម កុសល
ប្រភព៖ Metro