កីឡា

ពេជ្រ សម្បត្តិ សុំចិត្តអ្នកគាំទ្រកុំឈ្លោះគ្នាចំពោះការប្រកួតរវាងរូបគេ និង សុខ ធី ខាងណាឈ្នះក៏ចំណេញខ្មែរដែរ

បានផុស

១ year មុន

នៅ

ថ្ងៃពុធ ១៨ មិថុនា ២០២៥

ដោយ

អ្នកប្រដាល់កំពុងល្បីឈ្មោះខ្លាំងនៅកម្ពុជា ពេជ្រ សម្បត្តិ សុំចិត្តអ្នកគាំទ្រទាំងអស់កុំឈ្លោះប្រកែកគ្នាចំពោះការប្រកួតរបស់ខ្លួនជាមួយរៀមច្បង សុខ ធី ស្រឡាញ់ចូលចិត្តខាងណាក៏ស្រឡាញ់ទៅកីឡានាំមកនូវសាមគ្គីភាព មិត្តភាព នរណាឈ្នះក៏ចំណេញខ្មែរដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ពេជ្រ សម្បត្តិ

កីឡាករ ពេជ្រ សម្បត្តិ បានឲ្យដឹងថា មុនឈានដល់ការប្រកួតរវាងរូបគេ និងរៀមច្បង សុខ ធី មកដល់នេះឃើញមានអ្នកគាំទ្រទាំងសងខាងបានឈ្លោះគ្នាច្រើននៅលើបណ្ដាញសង្គមមិនថាហ្វេសបុក ឬ Tik Tok នោះទេពិសេសជជែកទៅលើលទ្ធផលជាដើម។

កីឡាករ ពេជ្រ សម្បត្តិ

សម្បត្តិ សំណូមពរដល់មហាជនអ្នកគាំទ្រទាំងអស់សូមកុំឈ្លោះគ្នាស្រឡាញ់ខាងក៏ស្រឡាញ់ទៅ ប៉ុន្តែសូមកុំឈ្លោះគ្នាបានហើយ។ កីឡាមានចាញ់ មានឈ្នះ ជារឿងធម្មតាហើយនេះគ្រាន់តែជាការសាកល្បងសមត្ថភាពថានរណាល្អជាងនរណាប៉ុណ្ណោះ។ ការប្រកួតនេះនរណាឈ្នះក៏ចំណេញខ្មែរដែរ មិនថារូបគេ ឬរៀមច្បង សុខ ធី នោះឡើយសុទ្ធតែខ្មែរដូចគ្នា។ កីឡានាំមកនូវសាមគ្គីភាព មិត្តភាពរវាងគ្នា និងគ្នា ខណៈមានតែការលើកទឹកចិត្តប៉ុណ្ណោះទើបធ្វើឲ្យកីឡាករមានការខំប្រឹងប្រែងបន្តទៀតជាជាងជេរប្រទេចនាំឲ្យប៉ះពាល់អាម្មរណ៍ទៅវិញ។

កីឡាករ សុខ ធី

បញ្ជាក់ដែរថា មុនជំនួបដណ្ដើមខ្សែក្រវាត់រវាង ពេជ្រ សម្បត្តិ និង សុខ ធី មកដល់នៅថ្ងៃទី២៨ ខែមិថុនា ឆ្នាំ២០២៥ នេះគេឃើញនៅលើបណ្ដាញសង្គមមានការវិភាគផង មានការឌឺដងគ្នាផង និងមានរហូតដល់ជេរដាក់គ្នាផងដែរទៅតាមអារម្មណ៍ នៃការស្រឡាញ់គាំទ្ររបស់អ្នកតាមដានគុនខ្មែររៀងខ្លួន។ ការប្រកួតដ៏ធំ និងគូគួរឲ្យចាប់អារម្មណ៍បំផុងចំពោះអ្នកគាំទ្រប្រដាល់រវាង ពេជ្រ សម្បត្តិ និង សុខ ធី នេះនឹងធ្វើឡើងនៅសង្វៀនហង្សមាស ចាប់ពីម៉ោង ៣រសៀលតទៅ៕